2Alabaraɗe Də Mabərkiziti 10 - Bible en Guidar

Əɓoŋ net mahəlfaɗe na kəla disiŋ ( 10:1-19 ) Əkkal na Sikem

¹ Robo'am alək a Sikem, vi a Sikem yi mə Israyel azzoŋ, kawɗiyən aka məlyã.

² Gala Yerobo'am wətən Nebat aprəm na, tay a Eziptə a təki anzan faraɗa sən məlĩ Salomoŋ, yaŋ Yerobo'am amil sə Eziptə vani.

³ Məsləni əyani, yaŋ Yerobo'am ade dit mə Israyelɗe baymeti, apeleŋ sənən Robo'am dawnəh na:

⁴ «Afuk azəmgəmək sahã də əɗɗa wəza tatwãhã, kakaŋ na, akkafan səm wəza tatwãh na afukuŋka gəm zəga nawsla gagdak aɗi akaməŋka, asna, waməgəɗ suk wəza.»

⁵ Yaŋ azlan sit na: «Məmil əzawrəhu addəv əvoŋ hoku.» Ndəɗaŋ kan mbataŋgə.

⁶ Yas məlĩ Robo'am azgə meŋ aka wən nan dit ɗiy gugriɗe məs dənziyaŋ də Salomoŋ afəni, aka asan egge; An assohẽt yaŋka: «Mə əpel mi kədaɗɗumoŋ nazlan sit ɗiyiŋ an amilyoŋguk di?»

⁷ Apeleŋ sənənək dawnah na, an kəsokuk na moggon dit ɗiyiŋki, an is tat əɗɗa an nannek ziti, an is tat əpel sit əpel moggoni, asna wassoŋ məɗɗaŋ wəza nok pay pakə.

⁸ Ya, məlĩ firik əzgan əsəɓ net ɗiy gugriɗe neki. Assõh əsəɓ a met gewleɗ en dəɓayaŋ dəndən məzəɗɗaŋ wəza abani.

⁹ Aɓsit na: «Mə əpel mi kədaɗɗumoŋ nazlan sit ɗiyiŋ məs dəpeleŋ suwən dawnəh na, akkafan səm zəga nawsla gagdak məs afuk aɗi akaməŋkaŋ di?»

¹⁰ Gəwleɗ dəɓayaŋ dəndən aɓsənən na: «Əzlan an kədawzlan sit ɗiy en dəpeleŋ sukun dawnəh na: Afuk atatwãhãnək əssa namə, ya nok na akkafan səm əssa naməŋ na, Kəzlan sitgin vaŋka, vaw na deme ɓirzliki day ki gize afuwa.

¹¹ Afu aklak sukumək zəga nawsla gagdaka, ya naw wanəklak sukum zəga nawsla an teɓelteɓeli; afu azga' sukumuk də azlawar, ya naw wanəzga' sukum dit hərziyeɗi.»

¹² Yerobo'am amilik dit ɗiy baymet aza Robo'am aka pay mohoko'ən, va məlĩ van apel dawnah na, kəmilyoŋgən azaw aka pay mohoko'ən naka.

¹³ Məlĩ azlan sit də gəgay, ndən mbagən an ɗiy gugriɗ anahaŋ sənən naka,

¹⁴ yas apel sit va an gewleɗ anahaŋ na: «Əbba aɗi sukumək zəga nawsla gagdak akokum, naw tam wanəzleɓsukum akani; əbba azga' sukumuk də azlawar, naw wanəzga' sukum dit hərziyeɗi.»

¹⁵ Vasna, məlĩ dətaf an ɗiy aŋglaŋ ɓa. Yawe Maŋgəlva dəɗɗa wən van dədawgən vaska, vi an aynan nawgəɗsən Yerobo'am wətən Nebat, apel də ma məskəleŋ Ahiya na Silo nak dəsangən gesiŋ.

Dələv awɗakka, Robo'am məlĩ na Yuda

¹⁶ Səza mə Israyelɗe awlanən na, məlĩ dəprim ɓa, ɗiy amndagan sənənək əpel sən məlĩ dawnah na: «Awani haran nam də Davit di? Hara dələv nawzəmgəla nam tay də wətən Yesse ɓa! Israyel, nawãy pak dəmbat a gizlirke nani; Kakaŋ na agay də gəla noko Davit!» Ndəni mə Israyelɗe addoŋ naway pak a gizlirke nani.

¹⁷ Mə Israyelɗe en dəssoŋ aka dələv na Yuda kaka' Robo'am azəm məlĩ aketi.

¹⁸ Də as pak, məlĩ Robo'am aslənək Hadoram, daya na wəza net belemɗe, yaŋ mə Israyelɗe na kəla disiŋ askanən dit gərmeŋge hã ndən zam. Sãhãsãhã Robo'am apeŋ addəv mawta nawgaya, anzan a Yerusalem.

¹⁹ Təŋ siskey mə Israyelɗe atemeŋ aka gəla na Davit hã gap pay dəpaŋka.