Vosavakaibalebale 21 - Ai Vola Tabu (Vakadewa Makawa Vakavoutaki 2021)

¹ Na lomana na tui sa tiko e na liga i Jiova me vaka na soniwai; sa vakauta ko koya ki na vanua kece sa yalona kina.

² A sala kece ni tamata sa rairai dodonu ga vua, ia sa vakadikeva ko Jiova na yalo ni tamata.

³ Na caka dodonu kei na lewa dodonu sa vinaka vei Jiova ka ca nai soro.

⁴ A mata viavia turaga kei na yaloviavialevu— na nona cina na tamata ca—sai valavala ca.

⁵ A nanuma ni lomana na daucakacaka ena tini ga ki na sautu, ia na nodra nanuma na tamata kecega sa lomariri ena tini ga ki na dravudravua.

⁶ Na rawata nai yau e na yame lasu sa ka e sega ni yaga ka veicoriti vei ira era qara na mate.

⁷ A nodra i valavala kaukauwa na tamata ca ena vakarusai ira, baleta ni ra bese ni cakava na ka e dodonu.

⁸ Sa ka veve ka vakatani na sala ni tamata e cala, ia ko koya e yalosavasava sa dodonu na nona cakacaka.

⁹ Sa vinaka na tiko e na tutu ni dela ni vale, ka ca na tiko kei na yalewa dauveileti e na loma ni vale.

¹⁰ A yalo ni tamata ca sa gu ki na ca, ka sa sega ni vinakati koya na kai nona.

¹¹ Ni sa cudruvi na dauveivakalialiai, sa vuku kina na yalowai; ia ni sa vakavulici na yalomatua, sa kila-ka kina.

¹² A tamata yalododonu sa daunanuma na vale ni tamata ca, ka sa vukica me rusa na tamata ca e na vuku ni nodra ca.

¹³ O koya sa sogota na qara ni daligana ni sa tagi na dravudravua, ena tagi talega ko koya ka na sega ni rogoci.

¹⁴ Nai solisoli vuni sa vakamalumalumutaka na cudru; kei na veivaqumi e ciqomi lo sai vakamalumu ni cudru kaukauwa.

¹⁵ Sa ka ni reki vua na yalododonu me caka dodonu, ia na rusa ga ena yacovi ira na daucaka ca.

¹⁶ A tamata ka lako sese tani mai na sala ni vuku ena tiko ga e na nodra i soqosoqo na mate.

¹⁷ O koya ka dauvinakata na marau ena tamata dravudravua; ko koya sa dauvinakata na waini kei na waiwai ena sega ni vutuniyau.

¹⁸ Ena kenai voli kei koya na yalododonu na tamata ca, kei na tamata be ena kenai voli talega kei koya na yalodina.

¹⁹ Sa vinaka na tiko mai na vanua dravuisiga ka ca na tiko kaya na yalewa dauveileti ka daucudru.

²⁰ Ai yau talei kei na waiwai sa toka e na nona vale na vuku, ia na tamata lialia sa tiloma sara.

²¹ O koya sa muria nai valavala dodonu kei na loloma, sa na kunea na bula, kei nai valavala dodonu, kei na vakarokoroko.

²² Na tamata vuku sa kaba na nodra koro na qaqa, ka sa biuta sobu na kena kaukauwa e vakararavi kina.

²³ O koya sa qarauna na gusuna kei na yamena sa qarauna na yalona mai na ka rarawa.

²⁴ A tamata dauveivakalialiai yalolevu ko “Viavialevu” na yacana, sa dau cakacaka vakadokadoka.

²⁵ A nona gagadre na vucesa sa mate kina ko koya, ni sa bese ni cakacaka na ligana.

²⁶ Sa daukocokoco ko koya e na siga taucoko ka bogi, ia na tamata yalododonu sa dausoli-ka ka sega ni cegu.

²⁷ A nodra i soro na tamata ca sa ka vakasisila; ka ca vakalevu ni kauta vata mai nai naki ca.

²⁸ A dautukutuku lasu ena rusa, ia na tamata sa vakarorogo tiko ena sega ni mudu na nona i tukutuku.

²⁹ A tamata ca sa vaqaqataka na matana, ia na yalododonu, sa vakarautaka ko koya na nona sala.

³⁰ Sa sega na vuku, se na yalomatua, se na bose me gumatua vei Jiova.

³¹ Na ose sa vakarautaki ki na siga ni valu, ia sa vu mai vei Jiova na qaqa.