Vosavakaibalebale 20 - Ai Vola Tabu (Vakadewa Makawa Vakavoutaki 2021)

¹ A dauveivakalialiai na waini, a daucudru na yaqona, ia ko ira kece era vakacalai kina era sa sega ni vuku.

² Sa vaka na tagi ni laione na cudru ni tui; ko koya sa vakacudrui koya sa caka ca ki na yalona dina.

³ Sa ka ena dokai kina na tamata ni sa cegu mai na veileti, ia na yalolialia era na dui via kauwai kina.

⁴ Ni sa liliwa, ena sega ni via cuki were na vucesa; o koya ena kerea na kena e na vula i katakata, ka na sega ga.

⁵ Sa wai titobu na lewa e na loma ni tamata, ia na tamata vuku ena takiva mai.

⁶ Era lewe vuqa na tamata era na dui tukuna yadua na nodra yalovinaka, ia ko cei me kunea rawa e dua na tamata lomadina?

⁷ Sa muria na nona yalodina na yalododonu— sa kalougata ko ira na luvena era vakamuria!

⁸ A tui sa tiko e nai tikotiko ni veilewai sa vakaseva tani e na matana na ka ca kecega.

⁹ O cei me kaya rawa, “Au sa vakasavasavataka na yaloqu; au sa savasava mai na noqu i valavala ca”?

¹⁰ Ai vakabibi lasu kei nai vakarau lasu sa cata ruarua sara ko Jiova.

¹¹ Ia na gone sa kilai e na nona i valavala, se sa savasava ka dodonu na nona cakacaka, se segai.

¹² Na daliga rogorogo kei na mata daurai— sa bulia ruarua ko Jiova.

¹³ Kakua ni ko taleitaka na moce, de ko dravudravua mai; mo dolava mada na matamu, ka na qai levu na kemu madrai.

¹⁴ “Sa ka ca, sa ka ca,” e kaya ko koya sa via volia, ia ni sa lako tani yani, sa qai dokadokataka.

¹⁵ Sa tu na koula, kei na rupi e vuqa; ia sa ka talei duaduaga na tebenigusu vuku.

¹⁶ Mo kauta na nona i sulu sa ia na veiyalayalati e na vuku ni kai tani; ka mo kauta na nona i vakadinadina e na vukuna na yalewa tani.

¹⁷ Sa kamikamica vua na tamata na kakana ni lasu, ia e muri ena sinai na gusuna e na laqere.

¹⁸ A ka e nakiti sa vakataudeitaki e na bose; ia ni sa lewai vinaka mada, mo qai ia nai valu.

¹⁹ O koya sa lako voli ka daukakase sa tukuna na ka e tabu ni tukuni; ia mo kakua kina ni veiriti kaya sa vosaveicavilaki.

²⁰ O koya sa rukaki tamana se tinana, ena bokoci na nona cina me butobuto loaloa sara.

²¹ Ai yau ka sa taukeni vakusarawa e nai vakatekivu; ena sega ni vakalougatataki e muri.

²² Mo kakua ni kaya, “Au na sauma na ca”; mo waraki Jiova ga, ka na vakabulai iko ko koya.

²³ A ka ca sara vei Jiova nai vakabibi lasu, ia nai vakarau ni bibi lasu sa sega ni vinaka.

²⁴ Sa vu mai vei Jiova na nona i lakolako na tamata; ia mo qai kila vakaevei na tamata na nona sala?

²⁵ Sa i cori me da kaya vakusakusa, “Sa ka tabu”, ka qai vakataroga e muri ni da sa bubului oti.

²⁶ A tui vuku sa vakasevi ira na tamata ca, ka butuki ira e ruku ni yava ni qiqi ni sila.

²⁷ Na yalo ni tamata sa cina i Jiova, sa cinava na tikina kece e lomana.

²⁸ A yalololoma kei na yalodina nai vakabula ni tui, ia nai tutu ni nona i tikotiko vakaturaga na yalololoma.

²⁹ Sa nodra ka lagilagi na cauravou na nodra kaukauwa, ia na nodra i ukuuku na qase na ulu sika.

³⁰ Nai moku e tini ena mavoa sai sava ni ca; ia na kuita sa kenai sava ni loma ni tamata.