Sakaraia 2 - Ai Vola Tabu (Vakadewa Makawa Vakavoutaki 2021)

Ai Katolu ni Raivotu: Na Tamata kei na Wa i Vakarau

¹ Au a qai ta cake, me'u vakaraica, ka raica, sa dua na tamata, sa taura e dua na wa i vakarau.

² Au a qai kaya, “O sa lako kivei?” A sa kaya vei au ko koya, “Me'u vakarautaki Jerusalemi, me'u kila na kena raraba, kei na kena balavu.”

³ Ka raica, sa lako yani na agilosi keirau sa veivosaki kaya, ka sa dua tale na agilosi sa mai tavaki koya,

⁴ ka kaya vua, “Mo cici, ka vosa vua na cauravou oqori, ka kaya, ‘Ena tawa ko Jerusalemi me vaka na koro sa sega ni vakabai, e na vuku ni kena levu ni tamata kei na manumanu ena tiko kina.

⁵ Ia sa kaya ko Jiova, koi au ka'u na yaco me'u kena bai bukawaqa e vakavolivolita, me'u kenai ukuuku talega kina.’ ”

A Kerekere vei Ira na Tiko Vakabobula

⁶ Mai! Mai, koi kemudou! Dou dui dro mai na vanua ni vualiku, sa kaya ko Jiova; ka ni ka'u a vakasevi kemudou vaka na cagi vava kei lomalagi, sa kaya ko Jiova.

⁷ Mai! Dro ki Saioni, ko iko ka tiko kaya na goneyalewa ni Papiloni.

⁸ Ni sa kaya vakaoqo ko Jiova-ni-lewevuqa: Sa liu mai nai ukuuku sa qai talai au e muri ko koya ki na veimatanitu sa vakacacani kemudou; ia ko koya sa tarai kemudou sa tara na loa ni matana:

⁹ “Io, raica, au na dulaka na ligaqu vei ira, era na kau mei toki-ni-valu vei ira ka nodra bobula. Ia dou na qai kila ni sa talai au mai ko Jiova-ni-lewevuqa.

¹⁰ Mo sere ka marau, na goneyalewa ni Saioni! Raica, ka'u na lako mai koi au me'u tiko e na kemudou maliwa, sa kaya ko Jiova.

¹¹ Ia na lewe ni veimatanitu e vuqa ena musuki ira vei Jiova e na siga ko ya, ka yaco me noqu tamata. Au na tiko talega e na kemudou maliwa, ia dou na kila ni sai Jiova-ni-lewevuqa sa talai au mai vei kemudou.

¹² Ia ko Jiova ena taukeni Juta me sa nona i votavota e na vanua tabu, ka na digitaki Jerusalemi tale.”

¹³ Dou tiko lo na tamata kecega e na mata i Jiova, ni sa tucake ko koya mai na nona i tikotiko tabu.