1 Veigauna 6 - Ai Vola Tabu (Vakadewa Makawa Vakavoutaki 2021)

Na Kawa i Livai

¹ O iratou na tagane na luve i Livai: ko Kerisoni, ko Koaca, kei Mirari.

² Ia ko iratou na tagane na luve i Koaca: ko Emirami, ko Isari, kei Epironi, kei Usieli.

³ Ia ko iratou na luve i Emirami: ko Eroni, kei Mosese, kei Miriama. Ia ko iratou na tagane na luve i Eroni: ko Netapi, kei Epaiu, ko Iliesa, kei Icama.

⁴ Sa sucu na luve i Iliesa ko Finiasi; sa sucu na luve i Finiasi ko Episua,

⁵ a sa sucu na luve i Episua ko Puki, a sa sucu na luve i Puki ko Usai,

⁶ a sa sucu na luve i Usai ko Seraia, a sa sucu na luve i Seraia ko Miraioci;

⁷ sa sucu na luve i Miraioci ko Amaraia, a sa sucu na luve i Amaraia ko Eiitupi,

⁸ a sa sucu na luve i Eiitupi ko Setoki, a sa sucu na luve i Setoki ko Eiimaasi,

⁹ a sa sucu na luve i Eiimaasi ko Asaraia, a sa sucu na luve i Asaraia ko Joenani,

¹⁰ a sa sucu na luve i Joenani ko Asaraia, (o koya ka ia na cakacaka vakabete e na vale ka tara ko Solomoni mai Jerusalemi).

¹¹ A sa sucu na luve i Asaraia ko Amaraia, a sa sucu na luve i Amaraia ko Eiitupi,

¹² a sa sucu na luve i Eiitupi ko Setoki, a sa sucu na luve i Setoki ko Salumi,

¹³ a sa sucu na luve i Salumi ko Ilikaia, a sa sucu na luve i Ilikaia ko Asaraia,

¹⁴ a sa sucu na luve i Asaraia ko Seraia, a sa sucu na luve i Seraia ko Jiosataki,

¹⁵ a sa vakabobulataki ko Jiosataki, ni sa kauti ira tani na Juta kei ira mai Jerusalemi ko Jiova e na liga i Nepukanesa.

Eso Tale na Kawa i Livai

¹⁶ O iratou na tagane na luve i Livai: ko Kerisomi, ko Koaca, kei Mirari.

¹⁷ Ia oqo na yacadrau na luve i Kerisomi erau tagane: ko Lipini, kei Semeai.

¹⁸ Ia ko iratou na luve i Koaca eratou tagane: ko Emirami, kei Isari, kei Epironi, kei Usieli.

¹⁹ Oi rau na tagane na luve i Mirari: ko Mali, kei Musi. Ia ko ira oqo na nodra veimataqali na Livai mai vei ira na nodra qase.

²⁰ Mai vei Kerisomi: ko Lipini na luvena tagane, ko Jeaci na luvena tagane, ko Sima na luvena tagane,

²¹ ko Joa na luvena tagane, ko Ito na luvena tagane, ko Sira na luvena tagane, ko Jiacirei na luvena tagane.

²² Ko iratou na tagane na luve i Koaca: ko Amenatave na luvena tagane, ko Kora na luvena tagane, ko Asiri na luvena tagane;

²³ ko Ilikana na luvena tagane, ia ko Epaiasafi na luvena tagane, ia ko Asiri na luvena tagane;

²⁴ ko Teaci na luvena tagane, ko Urieli na luvena tagane, ko Usaia na luvena tagane, ia ko Saula na luvena tagane.

²⁵ Ia koi rau na tagane na luve i Ilikana: ko Amasai, kei Eiimoci.

²⁶ Ko Ilikana: ko iratou na luve i Ilikana eratou tagane: ko Sofei, kei Neaca;

²⁷ ko Iliavi na luvena tagane, ko Jiroame na luvena tagane, kei Ilikana na luvena tagane.

²⁸ Ia koi rau na tagane na luve i Samuela: na ulumatua ko Joeli, kei nai karua ko Epaia.

²⁹ Na tagane na luve i Mirari: ko Mali, ko Lipini na luvena tagane ko Semeai na luvena tagane, ko Usa na luvena tagane,

³⁰ ko Semea na luvena tagane, ko Akaia na luvena tagane, ko Asaia na luvena tagane.

Ko Ira na Livai era Daunivakatagi kei na Sere

³¹ Ia ko ira oqo ka lesia ko Tevita me ra lewa nai valavala ni sere e na vale i Jiova, ni sa tiko vakadua na kato.

³² A ra sa qarava tiko na cakacaka ni sere e na mata ni tikotiko ni vale ni veitavaki, ka yacova na nona tara na vale i Jiova mai Jerusalemi ko Solomoni, ka ra sa qarava na nodra i tavi me vaka na nodra i tutu.

³³ Ia ko ira oqo era sa qarava vata kei na luvedra tagane. Mai vei ira na tagane luve i Koaca: ko Imani na dau-ni-sere, na luve i Joeli ka tagane, na luve i Samuela ka tagane,

³⁴ na luve i Ilikana ka tagane, na luve i Jiroame ka tagane na luve i Ilieli ka tagane, na luve i Toa ka tagane,

³⁵ na luve i Sufi ka tagane, na luve i Ilikana ka tagane, na luve i Meaci ka tagane, na luve i Amasai ka tagane,

³⁶ na luve i Ilikana ka tagane, na luve i Joeli ka tagane, na luve i Asaraia ka tagane, na luve i Sefanaia ka tagane,

³⁷ na luve i Teaci ka tagane, na luve i Asiri ka tagane, na luve i Epaiasafi ka tagane, na luve i Kora ka tagane,

³⁸ na luve i Isari ka tagane, na luve i Koaca ka tagane, na luve i Livai ka tagane, na luve i Isireli ka tagane;

³⁹ ia ko Esava na wekana, o koya ka tu mai na ligana i matau, io ko Esava na luve i Perekaia ka tagane, na luve i Semea ka tagane,

⁴⁰ na luve i Maikeli, ka tagane, na luve i Peasea ka tagane, na luve i Malikaia ka tagane,

⁴¹ na luve i Ecini ka tagane, na luve i Sira ka tagane, na luve i Ataia ka tagane,

⁴² na luve i Ecani ka tagane, na luve i Sema ka tagane, na luve i Semeai ka tagane,

⁴³ na luve i Jeaci ka tagane, na luve i Kerisomi ka tagane, na luve i Livai ka tagane.

⁴⁴ Ia na wekadratou, na luve i Mirari ka tagane, era sa tu e na liga i mawi: ko Icani na luve i Kisi ka tagane, na luve i Apiti ka tagane, na luve i Maluki ka tagane,

⁴⁵ na luve i Esapaia ka tagane, na luve i Amasaia ka tagane, na luve i Ilikaia ka tagane,

⁴⁶ na luve i Amisai ka tagane, na luve i Pani ka tagane, na luve i Semeri ka tagane,

⁴⁷ na luve i Mali ka tagane, na luve i Musi ka tagane, na luve i Mirari ka tagane, na luve i Livai ka tagane.

⁴⁸ A sa lesi talega ko ira na wekadra ko ira na Livai ki na cakacaka kecega ni vale ni Kalou.

Na Kawa i Eroni

⁴⁹ Ia ko Eroni kei iratou na luvena tagane, eratou sa dauvakacabora na ka e dela ni cabocabo-ni-soro kama, kei na dela ni cabocabo ni ka boi vinaka talega; sa nodratou na cakacaka kecega ni tikina tabu sara, ka me ra sorovaki ira na Isireli, me vaka na ka kecega ka vakarota ko Mosese na tamata ni Kalou ko Jiova.

⁵⁰ Ia ko iratou na tagane oqo era kawa i Eroni: ko Iliesa na luvena, ko Finiasi na luvena; kei Episua na luvena;

⁵¹ ko Puki na luvena tagane, ko Usai na luvena tagane, ko Seraia na luvena tagane;

⁵² ko Miraioci na luvena tagane; ko Amaraia na luvena tagane, ko Eiitupi na luvena tagane;

⁵³ ko Setoki na luvena tagane, kei Eiimaasi na luvena tagane.

Na Nodra i Tikotiko na Livai

⁵⁴ Ia oqo na nodra i tikotiko, e na nodra koro vakabai e na nodra vanua: vei ira na luve i Eroni mai na nodra veimataqali na luve i Koaca—ni sa nodra nai matai ni votavota—

⁵⁵ sa soli vei ira ko Epironi e na vanua i Juta kei na vanua veico e na kena veiyasana,

⁵⁶ ia sa soli vei Kelepi na luve i Jifune na vanua ni teitei kei na kena veikoro.

⁵⁷ A sa soli vei ira na luve i Eroni na veikoro mai Juta, io ko Epironi, na koro ni drodro; kei Lipina, kei Jatiri, kei Esitimoa, kei na vanua veico e na kedra veiyasana;

⁵⁸ kei Ileni, kei Tipiri kei na kedrau vanua veico,

⁵⁹ kei Asani, kei Peci-semesi kei na kedrau vanua veico.

⁶⁰ Ia mai na yavusa i Penijamini, ko Kipa, kei Alemeci, kei Anacoci kei na kedra vanua veico. A nodra veikoro kecega e na nodra veimataqali sa tinikatolu na koro.

⁶¹ A sa soli e tini na koro, e na vakawiri madigi, mai na yavusa-veimama i Manasa, kivei ira na kawa i Koaca, o ira ka vo e na vuvale ni yavusa oqori.

⁶² A sa soli e tinikatolu na koro, mai na yavusa i Isakari, ka mai na yavusa i Aseri, ka mai na yavusa i Navitalai ka mai na yavusa i Manasa mai Pasani, kivei ira na kawa i Kerisomi, me vaka na nodra veivuvale.

⁶³ Sa soli e tinikarua na koro, e na vakawiri madigi, mai na yavusa i Rupeni, ka mai na yavusa i Kata, ka mai na yavusa i Sevuloni, kivei ira na kawa i Mirari, me vaka na nodra veivuvale.

⁶⁴ A sa solia ko ira na Isireli vei ira na Livai na veikoro kei na kena vanua veico.

⁶⁵ A sa soli na veikoro oqo sa cavuti na yacadra e na vakawiri madigi, mai na nodra yavusa na Juta, kei na nodra yavusa na Simione, kei na nodra yavusa na Penijamini.

⁶⁶ Ia na vo ni nodra veivuvale na luve i Koaca, sa so na nodra veikoro mai na nodra vanua mai na yavusa i Ifereimi.

⁶⁷ A sa soli vei ira eso na koro ni drodro; ko Sikemi mai na vanua veiulunivanua ko Ifereimi kei na kena vanua veico; ko Keseri talega kei na kena vanua veico;

⁶⁸ kei Jokimiami, kei Peci-oroni kei na kedrau vanua veico,

⁶⁹ kei Eijaloni, kei Kaca-rimoni kei na kedrau vanua veico;

⁷⁰ ia mai na yavusa-veimama i Manasa, ko Aneri kei Pilami kei na kedrau vanua veico, me nodra na vuvale sa vo vei ira na luve i Koaca.

⁷¹ Sa soli vei ira na kawa i Kerisomi, mai na yavusa-veimama i Manasa: ko Kolani mai Pasani, kei Aseteroci kei na kedrau vanua veico;

⁷² ia mai na yavusa i Isakari: ko Ketesi, ko Tapiraci,

⁷³ kei Remoci, kei Anemi kei na kedra vanua veico;

⁷⁴ ia mai na yavusa i Aseri: ko Masali, kei Apitoni,

⁷⁵ kei Ukoki, kei Riopi kei na kedra vanua veico;

⁷⁶ ia mai na yavusa i Navitalai: ko Ketesi mai Kalili, kei Amoni, kei Kiri-aceimi kei na kedra vanua veico.

⁷⁷ Vei ira na kena vo ni kawa i Mirari, sa soli mai na yavusa i Sevuloni: ko Rimoni, kei Tepori kei na kedrau vanua veico,

⁷⁸ ia e na tai kadua ni Joritani sa voleka ki Jeriko, e na yasana vaka ki na tokalau mai na Joritani, sa soli vei ira mai na yavusa i Rupeni: ko Peseri mai na vanua lala, kei Jasa,

⁷⁹ kei Kitemoci talega, kei Mefeaci kei na kedra vanua veico;

⁸⁰ ia mai na yavusa i Kata: ko Remoci mai Kiliati, kei Meeneimi,

⁸¹ kei Esiponi, kei Jaseri kei na kedra vanua veico.