1 Veigauna 3 - Ai Vola Tabu (Vakadewa Makawa Vakavoutaki 2021)

Na Kawa i Tevita

¹ O iratou oqo na luve i Tevita ka tagane, eratou a sucu mai Epironi: a ulumatua ko Eminoni ka tagane, na tinana ko Eiinoami na yalewa ni Jesireli; a kenai karua ko Taniela, na tinana ko Apikali na yalewa ni Kameli;

² a kenai katolu ko Apisalome, na luve i Meeka na luve i Talimei, na tui Kesuri; a kenai kava ko Atonaija, na luve i Akici,

³ a kenai kalima ko Sefataia, a tinana ko Epitali; a kenai kaono ko Iciriami, na tinana ko Ekila, na watina.

⁴ Sa sucu mai Epironi na luvena onoono oqo, a sa lewa mai kea ko koya ka yabaki vitu ka ono na vula. A sa lewa mai Jerusalemi ko koya ka yabaki tolusagavulu ka tolu.

⁵ Ia ko iratou na luvena oqo eratou sa sucu mai Jerusalemi: ko Semea, kei Sopapi, kei Necani, kei Solomoni, eratou lewe va, a sa tinadratou ko Paci-sua na luve i Amieli;

⁶ ko Ipa talega, kei Ilisama, kei Ilifeleti;

⁷ kei Noka, kei Nefeki, kei Jafia,

⁸ kei Ilisama, kei Elaiata, kei Ilifeleti, eratou lewe ciwa

⁹ Eratou sa luve i Tevita kecega ka tagane, a sa sega ni wili na luvedra na watina lalai, ia ko Tema na ganedra.

Na Kawa i Solomoni

¹⁰ Ia na luve i Solomoni ka tagane ko Reopoama, a luve i Reopoama ka tagane ko Epaia, a luve i Epaia ka tagane ko Esa, a luve i Esa ka tagane ko Josefati,

¹¹ a luve i Josefati ka tagane ko Jorami, a luve i Jorami ka tagane ko Easaia, a luve i Easaia ka tagane ko Joasa,

¹² a luve i Joasa ka tagane ko Amasaia, a luvei Amasaia ka tagane ko Asaraia, a luve i Asaraia ka tagane ko Jocame,

¹³ a luve i Jocame ka tagane ko Easi, a luve i Easi ka tagane ko Esekaia, a luve i Esekaia ka tagane ko Manasa,

¹⁴ a luve i Manasa ka tagane ko Emoni, a luve i Emoni ka tagane ko Josaia.

¹⁵ Ia ko iratou na luve i Josaia eratou tagane: a ulumatua ko Joenani, a kenai karua ko Jioiakimi, a kenai katolu ko Setekaia, a kenai kava ko Salumi.

¹⁶ Ia koi rau na luve i Jioiakimi erau tagane: ko Jekonaia kei Setekaia.

¹⁷ Ia ko iratou na luve i Jekonaia eratou tagane: ko Esiri, ko Salacieli,

¹⁸ ko Malikirami, kei Petaia, kei Senasari, ko Jikamaia, ko Osama, kei Nitapaia.

¹⁹ Ia koi rau na luve i Petaia erau tagane: ko Serupepeli, kei Semeai; ia ko iratou na luve i Serupepeli ka tagane: ko Mesulame, kei Enanaia, ia ko Silomeci na ganedrau;

²⁰ kei Esupa, kei Oeli, kei Perekaia, kei Esataia, ko Jusapieseti, eratou lewe lima.

²¹ Ia koi rau na luve i Enanaia: ko Pilataia, kei Jesaia: ko iratou na luve i Rifaia eratou tagane, ko iratou na tagane na luve i Erinani, ko iratou na tagane na luve i Opetaia, ko iratou na tagane na luve i Sekanaia.

²² Ia na tagane na luve i Sekanaia: ko Semaia; kei iratou na tagane na luve i Semaia: ko Atusa, kei Ikiali, kei Paria, kei Nearaia, kei Safati, eratou lewe ono.

²³ Ia ko iratou na tagane na luve i Nearaia: ko Elioenai, kei Esekaia, kei Asirikame, eratou lewe tolu.

²⁴ Ia ko iratou na tagane na luve i Elioenai: ko Otevaia, kei Ilaiasipi, kei Pilaia, kei Akupi, kei Joenani, kei Tilaia, kei Anani, eratou lewe vitu.