Jope 9 - Vakavakadewa Makawa

Sa vakadinadina ko Jope ni sa dodonu na Kalou, a sa sega e veivala kaya me gumatua, 1-21. Sa sega ni rairai ni sa cala na tamata ni sa yacovi koya na ka ca, 22-35.

¹ Sa qai vosa ko Jope, ka kaya,

² Au sa kila vakaidina ni sa vakakina: Ia ka me dodonu rawa vakaevei na tamata e na mata ni Kalou?

³ Kevaka sa via veileti kaya, Ena sega ni tukuna rawa vua e dua na ka e udolu.

⁴ Sa vuku na lomana, ka sa ka vakaidina na nona kaukauwa: Ko cei sa vakalomaqataki koya vua, ka sa vinaka kina?

⁵ Ko koya sa kauta tani na veiulu-ni-vanua, a ra sa sega ni kila, Ni sa vukica e na nona cudru:

⁶ Ko koya sa yavalati vuravura tani mai na kena yasana, A sa yavala na kena duru:

⁷ Ko koya sa vakarota na mata-ni-siga, ka sa sega ni cadra; A sa sogolatia na kalokalo:

⁸ Ko koya sa birika vakai koya ga na lomalagi, A sa butuka tu na dela ni ua ni wasawasa:

⁹ Ko koya sa buli Akituro, kei Oraioni, kei Peliatisi, Kei na veiyasana vuni e na mata ni ceva.

¹⁰ Ko koya sa daucakava na ka levu sa sega ni kilai rawa; Ia na ka e veivakurabuitaki sa sega ni wiliki rawa.

¹¹ Raica, sa lako volekati au, ia ka'u sa sega ga ni raici koya: Sa lako tu yani, ia ka'u sa sega ga ni kunea.

¹² Raica, sa kauta tani ko koya, ia ko cei me tarova rawa? Ko cei me kaya vua, A cava ko ni sa kitaka?

¹³ Sa na sega ni vakasuka na nona cudru na Kalou, Sa ra na cuva ga vua ko ira era dauvukea na viavialevu.

¹⁴ Sa dredre vakalevu vei au me'u vosa vua, Se digitaka na vosa me'u kaya vua?

¹⁵ Ia kevaka ka'u sa yalododonu, ka'u na sega ga ni vosa tale vua, Ka'u na vakamamasu ga vua sa lewai au.

¹⁶ Kevaka ka'u a kaci, ka rogo mai vei au ko koya, Ka'u na sega ga ni vakadinata ni sa rogoca na domoqu.

¹⁷ Ni sa vorolaki au ko koya e na cava, Ka sa vakamavoataki au vakalevu wale.

¹⁸ Sa sega ni laivi au me'u cegu rawa, Ia sa vakaluvuci au e na ka gaga.

¹⁹ Kevaka ka'u cavuta na kaukauwa, raica, sa kaukauwa ko koya: Se na lewa, ko cei me na lokuca mai na noqu siga?

²⁰ Kevaka ka'u sa vakadonui au, ena vakacalai au na gusuqu: Kevaka ka'u sa kaya ka'u sa sega ni cala, ena vakatakilai au ni'u sa yalovakatani.

²¹ Kevaka ka'u sa sega ni cala, ka'u na sega ni kila na yaloqu: Ka'u na weletaka na noqu bula.

²² Sai koya vata ga ka'u sa kaya, Sa vakarusa ko koya na yalododonu kei nai valavala ca.

²³ Kevaka sa yaco vakidacala na veivakamatei ni kuita, Ena dredrevaka ko koya na ka era sa vakatovolei kina na tawa cala.

²⁴ Sa soli ko vuravura ki na ligadra nai valavala ca: Sa tabonaka ko koya na matadra na mataveilewai; Kevaka e segai, sa qai evei, se ko cei ko koya?

²⁵ Sa qai totolo na noqu siga ka bera nai talaki e daucici; Sa dro tani, ka sega ni kunea na ka vinaka.

²⁶ Sa lako tani yani me vaka na waqa dautotolo: Me vaka na ikeli sa vukaca na kena.

²⁷ Kevaka ka'u sa kaya, ka'u na guilecava na noqu didi, Ka'u na biuta na noqu mataveveku, ka vakamarautaki mai:

²⁸ Ka'u sa qai rere e na vuku ni noqu rarawa kecega; Ka'u sa kila ni ko na sega ni vakadonui au.

²⁹ Au na vakacalai ga, Me'u qai oca wale vakacava?

³⁰ Kevaka ka'u sa vuluvulu e na wai ni uca-vulavula, Ka vakasavasavataka sara na ligaqu;

³¹ Ko na qai vakalomoci au e na oruoru, Ena qai vakasisilataki au na noqu i sulu.

³² Ni sa sega ni tamata ko koya me vakataki au, me'u vosa rawa vua, Me keirau mai veilewai vata kaya:

³³ Sa sega talega e dua na dautataro, Me tabaki keirau ruarua e na ligana.

³⁴ Me kauta tani mada vei au ko koya na nona kuita, Ia me kakua ni vakadomobulataki au na nona veivakarerei:

³⁵ Au na qai vosa, ka sega ni rerevaki koya; Ia ka sa sega ni vakakina vei au.