NA SAME 138 - AI VOLA TABU

Sa vakarinavinaka vua na Kalou ko Tevita ni sa dina na nona vosa, 1-3. Era na vakavinavinaka na tui vakavuravura, 4-6. Sa vakararavi vua na Kalou ko Tevita, 7-8.

A Meke i Tevita.

¹ AU na vakavinavinaka vei iko, Jiova, e na lomaqu kece: e na matadra na kalou kaʼu na meketaka na vakavinavinaka vei iko.

² Au na masu kivakaki na nomu vale tabu, ka vakamolimoli ki na yacamu e na vuku ni nomu yalololoma kei na nomu dina: ni ko sa vakalevutaka na nomu vosa me uasivia na yacamu.

³ E na siga kaʼu a tagi kina ko a vakarorogo vei au, ka vaqaqataki au e na yaloqu e na kaukauwa.

⁴ Era na vakavinavinaka vei iko, Jiova, na tui kecega e vuravura, ni ra sa rogoca na vosa ni gusumu.

⁵ Era na meke lako e na sala i Jiova: ni sa ka levu nai ukuuku i Jiova.

⁶ E dina ni sa cecere ko Jiova, a sa vakaraici ira era sa yalomalumalumu: a sa kilai ira vakayawa na viavialevu.

⁷ Kevaka kaʼu sa lako e na loma ni ka rarawa, ko na vakaukauwataki au: o na dodoka na ligamu ki na nodra cudru na noqu meca, ka vakabulai au e na ligamu i matau.

⁸ Ena vakaotia ko Jiova na ka sa vo e na vukuqu: sa tawa mudu. Jiova, na nomu loloma: mo kakua ni biuta na cakacaka ni ligamu.