NA SAME 130 - AI VOLA TABU

Sa tagi vei Jiova, ka waraka.

A Meke ni cabecabe.

¹ MAI na wai titobu kaʼu sa tagi vei iko, Jiova.

² I Jiova, mo rogoca na domoqu: me vakarorogo na daligamu ki na domo ni noqu masu.

³ Kevaka ko sa nanuma, Jiova, nai valavala ca, o cei, Turaga, me bula rawa?

⁴ Ia ka sa tiko kei iko na loloma, mo vakarokorokotaki kina.

⁵ Au sa waraki Jiova, sa wawa na yaloqu, a sa namaka me yaco na nona vosa.

⁶ Sa yadrava vakalevu na Turaga na yaloqu ka vakalailai na nodra yadrava na sabogibogi nai vakatawa: io na nodra yadrava na sabogibogi nai vakatawa.

⁷ Me namaki Jiova ko ira na Isireli: ni sa tiko vua na yalololoma, a sa tiko vua na bula levu.

⁸ Ena vakabulai ira na Isireli ko koya mai na nodrai valavala ca kecega.