NA SAME 126 - AI VOLA TABU

Era vakavinavinaka nai vavakoso lewe ni soro e na vuku ni sa qai ia na Kalou me vakabulai ira mai na vanua ni meca; a ra sa masuti koya me tinia vakavinaka sara.

A Meke ni cabecabe.

¹ NI sa lesu tale ko Jiova vei ira na Saioni era lesu mai, eda a vakai ira era sa tadra.

² Sa qai sinai na gusuda e na dredre, kei na yameda e na meke: era sa qai kaya e na veimatanitu, Sa cakava na ka levu ko Jiova e na vukudra.

³ Sa cakava na ka levu ko Jiova e na vukuda; eda sa marau kina.

⁴ Mo lesu tale mai, Jiova, vei keimami sa vakabobulataki, me vaka na uciwai mai na mata ni ceva.

⁵ 0 ira sa tagi lako ni ra sa kaburaka na sila, era na meke ga ni ra sa tamusuka.

⁶ O koya sa lako yani ka tagi voli, ni sa kauta na kato sila, ena lesu vakaidina tale mai, ka reki, ni sa kauta kaya mai na nona veivau sila.