NA SAME 125 - AI VOLA TABU

A nodra vinaka era vakararavi vua na Kalou, 1-3. Sa masu, 4, 5.

A Meke ni cabecabe.

¹ O IRA era sa vakararavi vei Jiova era na vaka na ulu-ni-vanua ko Saioni o koya sa sega ni yavavala rawa, a sa tu ga me tawa mudu.

² Me vaka sa voliti Jerusalemi na veiulu-ni-vanua, sa voliti ira vakakina na nona tamata ko Jiova, mai na gauna o qo ka yacova na gauna kecega.

³ Ni na sega ni tiko na nodrai titoko nai valavala ca e na nodra vanua na caka dodonu; de ra dodoka na ligadra ki na ca ko ira na caka dodonu.

⁴ Mo caka vinaka, Jiova, vei ira era sa vinaka, kei ira sa dodonu na yalodra.

⁵ Ia ko ira era sa lako tani ki na nodra sala tatakelokelo, ena cudruvi ira vata kei ira na daucaka cala ko Jiova: me yaco ga na vakacegu vei ira na Isireli!