NA SAME 124 - AI VOLA TABU

Sa vakavinavinaka ni sa Vakabula vakidacala na nona tamata na Kalou.

A Meke ni cabecabe; a nei Tevita.

¹ ME kaya mada ko ira na Isireli, Ke sa sega ni Jiova sa totaki keda;

² ke sa sega ni Jiova sa totaki keda, ni ra sa tu cake vakaivalu vei keda na tamata:

³ ke ra sa qai tilomi keda bula, ni sa waqa mai na nodra cudru vei keda:

⁴ ke sa qai luvuci keda na wai, ka drodrova na yaloda na uciwai:

⁵ ke sa qai drodrova na yaloda na wai viavialevu.

⁶ Me vakarokorokotaki ko Jiova, o koya sa sega ni soli keda me rawai keda na batidra.

⁷ Sa dro bula na yaloda me vaka na manumanu mai na nodra tudai na daukitaka na tudai: sa cavuka oti na tudai, ia eda sa dro bula.

⁸ A nodai vukevuke na yaca i Jiova, o koya ka cakavi lomalagi kei vuravura.