NA SAME 123 - AI VOLA TABU

Sa vakararavi vua na Kalou, 1, 2, ka sa masu me na vakabulai, 3, 4.

A Meke ni cabecabe.

¹ AU na ta cake e na mataqu vei iko, o iko sa tiko mai lomalagi.

² Raica, me vaka sa gole na mata ni tamata ki na ligadra na nodra turaga, kei na mata ni vada ki na liga i koya na nona marama; sa gole vakakina na mata i keimami vei Jiova na neimami Kalou, ka me yalololoma mada vei keimami ko koya.

³ Mo yalololoma mai vei keimami, Jiova, mo yalololoma mai vei keimami: ni keimami sa vosacataki vakalevu.

⁴ Sa vosacataki vakalevu na yalo i keimami e na nodra dauveivakalialiai era sa tiko vakacegu, kei na nodra be na viavialevu.