Esera 5 - AI VOLA TABU

Sa tara ga na vale ni soro, a sa tawa tarova rawa ko ira na meca.

¹ ERAU sa qai parofisai, ko Akei na parofita, kei Sikariya na luve i Ito, vei ira na Jiu, era tiko mai Juta kei Jerusalemi, io vei ira, e na yaca ni nodra Kalou na Isireli.

² Sa qai tu cake ko Sirupapeli na luve i Sialitieli, kei Josua na luve i Yosataki, ka vakatekivuna me tara na vale ni Kalou mai Jerusalemi: a sa veivuke kei rau koi rau na parofita ni Kalou.

³ E na gauna ko ya, sa lako mai vei ira ko Tatinei, na turaga e na tai mai o qo ni uciwai, kei Sicari-posinei, ko ira kei na nodraui tokani, ka kaya vei ira, O cei sa vakaroti kemudou mo dou tara na vale o qo, ka viria na bai o qo?

⁴ Keitou a qai kaya vei ira vaka, O cei na yacadra na tamata era tai a na vale o qo?

⁵ A sa vakaraici ira tiko na nodra qase na Juta na matana na nodra Kalou, me dredre kina na nodra tarovi, ka me yaco mada na ka o qo vei Tario: a ra sa qai kauta na vosa e nai vola e na vuku ni ka o qo.

⁶ Ai vola era vakauta vei Tario na tui ko Tatinei na turaga e na tai o qo ni uciwai, kei Sicari-posinei, kei ira na nonai tokani na Efarisacikai, era tiko e na tai o qo ni uciwai:

⁷ era vakauta nai vola vua, a sa volai vakaoqo: Vei Tario na tui, me nomu na vakacegu vakaidina.

⁸ Me kila na tui, ni keitou a lako ki na qali ko Jutia, ki na nona vale na Kalou levu, a ya sa tara e na vatu lelevu, a sa toka na kau e na kena lalaga, a sa kitaki vakusakusa na cakacaka o qo, ka sa yaco e na ligadra.

⁹ Keitou a qai tarogi ira na qase ko ya, ka vosa vakaoqo vei ira, O cei ka vakaroti kemudou mo tara na vale o qo, ka viria na bai o qo?

¹⁰ Keitou a taroga talega na yacadra, me vakatakila vei iko, me keitou vola na yacadra na tamata era sa liu vei ira.

¹¹ A ra a vosa vakaoqo, ka kaya, Oi keitou na nona tamata na Kalou ni lomalagi kei vuravura, ia keitou sa tara na vale ka tara makawa sa vuqa na kena yabaki, a ya ka tara e dua na tui levu vei ira na nodra na Isireli, ka vakatura cake.

¹² Ia ni sa vakacudrutaka na Kalou ni lomalagi ko ira na neitou qase, sa qai soli ira ko koya ki na liga i Nipukatinesari na tui Papiloni, na kai Kalitea, o koya ka vakarusa na vale o qo, ka kauti ira vakabobula na tamata ki Papiloni.

¹³ Ia e nai matai ni yabaki i Koresi na tui Papiloni, sa ia nai vakaro ko Koresi na tui ko ya me tara na vale o qo ni Kalou.

¹⁴ Ia nai yaya koula talega kei na siliva ni vale ni Kalou, a ya ka kauta ko Nipukatinesari mai na vale ni soro mai Jerusalemi, ka kauta ki na buro-ka-lou mai Papiloni; o qori sa kauta mai na bure mai Papiloni ko Koresi, ka sa soli vua e dua, na yacana ko Sesipasari, o koya ka lesia ko koya me turaga;

¹⁵ a sa kaya vua, Mo taura na veiyaya o qo, mo lako, mo kauta ki na vale ni Kalou mai Jerusalemi, ia me tara tu na vale ni Kalou e na nona yasana.

¹⁶ Sa qai lako mai ko Sesipasari ko ya, ka viritaka na yavu ni vale ni Kalou mai Jerusalemi: ia mai na gauna ko ya ka yacova na gauna o qo, sa tara tiko, a sa sega ni oti.

¹⁷ Ia kevaka sa vinaka vei iko na tui, me ia na vakasaqaqara, e na nomu vale ni yau na tui, a ya mai Papiloni, se sa vakakina se segai, ni sa dua nai vakaro i Koresi na tui me tara na vale o qo ni Kalou mai Jerusalemi; mo qai talaki yani ua tui me vakatakila na lomamu vei keitou.