Aisea 27 - AI VOLA TABU

A loloma ni Kalou ki na nona were ni vaini, 1-5. E dua tani na nona yaviti ira na nona tamata ka dua tani na nona cudruvi ira na nona meca, 6-13.

¹ E NA siga ko ya, ena ia na cudru ko Jiova e na nonai seleiwau gata ka levu ka kaukauwa vei Livaiacani na gata totolo, io vei Livaiacani na gata sa cibini; ia ena vakamatea ko koya na gata levu o qori mai na wasawasa.

² E na siga ko ya dou ia vua na were ni vaini e dua na meke e veivukeyaki.

³ Oi au ko Jiova kaʼu sa vakatawa; kaʼu na vakasuasuataka tikoga; de dua sa vakacana, kaʼu na vakatawa e na siga kei na bogi.

⁴ Sa sega vei au na cudru waqawaqa: o cei me na via tuva na soni kei na kau vakavotona me ia nai valu vei au? kaʼu na sa lako yani e lomana, kaʼu na sa vakama vata.

⁵ Ke sega, me qai taura mada ko koya na noqu kaukauwa, me ia na veivinakati kei au; ena ia kina na veivinakati kei au.

⁶ E na gauna maimuri ena ti sobu ko Jekope; ena se ka beta ko Isireli, ia era na vakaosooso taka na dela i vuravura e na vuadra.

⁷ Sa yaviti koya li ko koya me vaka sa yaviti ira era a yaviti koya? se sa vakamatei ko koya me vakataki ira era sa vakamatei e na vukuna?

⁸ Sa vakarauti ga na nomu veicudruvi kaya ni ko a vakatalai koya tani: sa kauti koya tani e nona cagi kaukauwa e na siga ni cagi mai cake.

⁹ E na ka o qo ena sava tani kina na caka cala i Jekope; ia o qo na vuana kecega me kauta tani na nonai valavala ca; ni sa cakava ko koya na vatu kecega ni cabocabo-ni-soro me tautauvata kei na lase sa kavorovoro, me tawa tu cake tale na matakau i Asetoreci kei na mata-ni-siga.

¹⁰ Ia ena lala ga na koro kaukauwa, enai tikotiko sa biu laivi me vaka na veikau: ena kana voli kina na luve ni karavau, ka koto sobu kina, ka kania sara na tabana.

¹¹ Ni sa qai malai na tabana, ena qai musuki laivi: era mai cava na alewa ka visa: e na vuku ni sa sega ni mataqali yalomatua, ena tawa yalolomana kina ko koya ka cakava, ia ko koya ka bulia ena tawa lomani ira.

¹² Ia ena yaco e na siga ko ya, ena tauca ko Jiova na nona vuata mai na dreke ni uciwai ka yacova na uciwai ni Ijipita, ia dou na tomitomiki yadua mai, oi kemudou na luve i Isireli.

¹³ Ia ena yaco e na siga ko ya, ena uvuci na davui levu, a ra na lako mai ko ira era kolai rusa mai na vanua ko Asiria, kei ira era tiko se mai na vanua ko Ijipita, a ra na mai cuva vei Jiova e na ulu-ni-vanua tabu mai Jerusalemi.