Aisea 12 - AI VOLA TABU

A nodra meke ni vakavinavinaka nai vavakoso lewe ni soro e na vuku ni yalololoma ni Kalou.

¹ IA ko na kaya e na siga ko ya, Au na vakavinavinaka vei iko, Jiova, ni ko a cudruvi au, ka sa lesu tani na nomu cudru, ia ko sa vakacegui au.

² Raica, sa noqui vakabula na Kalou; au na vakararavi tiko, ka tawa rere: ni sa noqu kaukau wa kei na noqu meke ko Ja Jiova; a sa yaco ko koya me noqui vakabula.

³ Ia dou na takiva e na rereki na wai mai na mata-ni-wai ni bula.

⁴ Ia dou na kaya e na siga ko ya, Dou vakavinavinaka vei Jiova; masuta na yacana; vakatakila vei ira na veimataqali na nona cakacaka, vakananumi ira ni sa cecere na yacana.

⁵ Dou meke vei Jiova; ni sa cakava na ka rogo; me kilai na ka o qo e vuravura kecega.

⁶ Dou qoqolou ka kaila, na kai Saioni; ni sa levu e na kemudou maliwa ko Koya na Yalosavasava nei Isireli.