Sálmarnir 5 - BÍBLIA

¹ Til songmeistarans; til nekilot; ein sálmur av Dávidi.

² Gev orðum mínum ljóð, Harri, gev tráan míni gætur,

³ lýð á neyðarróp mítt, kongur mín, Guð mín, tí til tín biði eg!

⁴ Árla hoyri tú, Harri, mína reyst; árla eg leggi tær sak mína fyri og bíði.

⁵ Tí ei ert tú ein Guð, ið gudloysi líkar; vándur fær ei vist hjá tær;

⁶ hugmóðigir tora ei at stíga tær fyri eygu fram. Allar illgerðarmenn tú hatar,

⁷ lygnarar gert tú til einkis; drápsmenn og svíkjarar stendst Harranum við.

⁸ Men av tíni stóru miskunn gangi eg inn í títt hús, í ærufrykt nígi eg niður fyri halgidómi tínum.

⁹ Leið meg, Harri, í rættvísi tíni fyri mína fígginda sakir! Javna fyri mær veg tín!

¹⁰ Tí sannleiki finst ei í teirra munni, ein avgrund er teirra hjarta, teirra kvørkrar ein opin grøv, sínar tungur gera teir hálar.

¹¹ Døm teir sekar, Guð, fyri egnum svikræðum lat teir falla, stoyt teir oman fyri tey stóru misbrot teirra! Tí tær hava teir staðið ímóti,

¹² at allir, ið líta á teg, mega gleðast, fegnast um allar ævir; varðveit teir, so í tær mega frøast teir, ið elska navn títt.

¹³ Tí hin rættvísa signar tú, Harri, tína miskunn heldur tú sum ein skjøld fyri hann.