Sálmarnir 3 - BÍBLIA

¹ Ein sálmur av Dávidi, tá ið hann flýddi undan syni sínum Absaloni.

² Harri, hvør mangir eru fíggindar mínir, mangir at mær søkja!

³ Fjølmangir siga um mína sál: «Fyri honum er ei bjarging hjá Guði.» Sela.

⁴ Men tú, Harri, ert mær skjól og skjøldur, mín heiður og hann, ið høvur mítt lyftir hátt!

⁵ Tá ið eg kalli á Harran, svarar hann mær frá heiliga fjalli sínum. Sela.

⁶ Til hvílu eg legði meg, sovnaði og vaknaði, tí Harrin er lívd mín.

⁷ Ei eg óttist ta yðjandi mannanøgd, ið heldur á meg úr øllum ættum.

⁸ Rís, Harri, hjálp mær, Guð mín, tí øllum fíggindum mínum tú høgg á kinn hevur givið, og tenn í teim gudleysu brotið!

⁹ Hjá Harranum er frelsa, yvir tínum fólki signing tín veri! Sela.