Sálmarnir 11 - BÍBLIA

¹ Til songmeistarans; av Dávidi. Mítt álit eg seti til Harrans. Hvør kunnu tit siga til mína sál: «Flýggja til fjals eins og fuglur!

² Tí sí, illgerðarmenn bogan spenna, ørvar á streingin leggja fyri í myrkri at skjóta eftir rættsintum monnum!

³ Tá grundarstólparnir sundur støkka, hvat er tá rættvísur mentur?» –

⁴ Harrin er í heilaga templi sínum, Harrin hevur í himni hásæti sítt. Eygu hans skoða heimin, eygnabrá hans rannsaka menniskjunnar børn.

⁵ Harrin rannsakar ill og góð, sál hans hatar tann, ið órætt elskar.

⁶ Svávul og gløðandi brandar hann letur oman yvir gudleysar regna; glóðheitur vindur teimum í steyp verður máldur.

⁷ Tí rættvísur er Harrin, rættvísi hann elskar, rættsintir fáa hans ásjón at sjá.