Nehemia 3 - BÍBLIA

Verkið byrjar

¹ Eljasjib høvuðsprestur og prestarnir, brøður hans, fóru nú undir at byggja Seyðaliðið. Teir vígdu tað og settu hurðarnar í; síðan bygdu teir alt at Meatorninum, sum teir vígdu, og framvegis at Hánaneltorni.

² Næstir honum laðaðu menn frá Jeriko og næstur teimum Zakkur Imrison.

³ Fiskaliðið bygdu synir Senáa; teir settu upp duragrind og hurðar, stonglar og lokur tess.

⁴ Næstur teimum laðaði Meremot Uriason Hakkozsonar. Næstur honum laðaði Mesjullam Berekjason Mesjezabbelssonar. Næstur honum laðaði Zádok Báanason.

⁵ Næstir honum laðaðu Tekóamenn, men hinir stóru teirra millum boygdu ikki háls sín undir tænastuna fyri Harranum.

⁶ Jójada Páseason og Mesjullam Besodjason vælaðu um Gamlalið; teir settu upp duragrind og hurðar, stonglar og lokur tess.

⁷ Næstir teimum laðaðu Melatja Gibeoniti og Jádon Meronotiti saman við monnum úr Gibeon og Mizpa, ið lýddu landsstjóranum hinumegin Ánna.

⁸ Næstur honum laðaði Uzziel Harhajason, ein av gullsmiðunum. Næstur honum laðaði Hánanja, ein av salvublandarunum. Teir vælaðu um Jerúsalem alt at Breiðaborgargarði.

⁹ Næstur teimum laðaði Refaja Hursson, høvdingi yvir hálva umdøminum kring Jerúsalem.

¹⁰ Næstur honum laðaði Jedaja Hárumafsson yvir av húsum sínum. Næstur honum laðaði Hattusj Hasjabnejason.

¹¹ Malkija Hárimsson og Hásjub Páhat-Móabsson vælaðu um hin teinin alt fram at Ovntorninum.

¹² Næstur honum laðaði Sjallum Hallohesjson, høvdingi yvir hinum hálva umdøminum kring Jerúsalem – saman við døtrum sínum.

¹³ Hánun og Zánoabúgvar gjørdu Dalsliðið aftur; teir bygdu tað og settu upp hurðar, stonglar og lokur tess og laðaðu túsund alnir av borgargarði alt at Mykjuliðinum.

¹⁴ Malkija Rekabsson, høvdingi yvir umdømi Bet-Kerems, gjørdi Mykjuliðið aftur; hann bygdi tað og setti upp hurðar og stonglar og lokur tess.

¹⁵ Sjallun Kol-Hózeson, høvdingi yvir umdømi í Mizpa, gjørdi Lindarliðið aftur; hann reisti og takti tað og setti upp hurðar, stonglar og lokur tess; framvegis laðaði hann borgargarðin við tjørnina, haðan vatnið rennur oman í garð kongsins – alt at trøppunum oman frá Dávidsborgini.

¹⁶ Næstur honum laðaði Nehemia Azbuksson, høvdingi yvir hálva umdømi Bet-Zurs, til áraka gravir Dávids, alt at hini tilbúnu tjørnini og at kappahúsinum.

¹⁷ Næstir honum laðaðu Levitarnir við Rehum Bánisyni á odda; og næstur honum laðaði Hásjabja, høvdingi yvir hálvum umdømi Ke'ilu.

¹⁸ Næstir honum laðaðu frændur teirra; fyri teimum var Binnui Henadadsson, høvdingi yvir hinum hálva umdømi Ke'ilu.

¹⁹ Næstur honum starvaði Ezer Jesjuason, høvdingi yvir Mizpa; hann laðaði annan teinin beint yvir av har, sum gingið verður niðan í vápnahúsið á horninum.

²⁰ Næstur honum fekst Báruk Zabbaison dúgliga við at laða ein teinin frá horninum alt at húsadurum Eljasjibs høvuðsprests.

²¹ Næstur honum laðaði Meremot Uriason Hakkozsonar ein teinin frá durunum alt at endanum á húsi Eljasjibs.

²² Næstir honum laðaðu prestarnir, menninir av Jórdanslættanum.

²³ Næstir teimum laðaðu Binjamin og Hassjub yvir av húsi sínum. Næstur teimum laðaði Ázarja Máasejason Ánanjasonar tætt hjá húsi sínum.

²⁴ Næstur honum laðaði Binnui Henadadsson ein teinin frá húsi Ázarja alt at horninum, har borgargarðurin sneiddi.

²⁵ Pálal Uzaison laðaði yvir av horninum og ovara torni, sum stendur fram úr húsi kongs tætt við varðhaldsgarðin; næstur honum laðaði Pedaja Párosjson

²⁶ alt til yvir av Vatnliðinum eystantil og torninum, ið stendur framúr har.

²⁷ Næstir honum laðaðu Tekóamenn ein teinin frammanvert við tornið mikla, sum skjýtst framúr, og alt at Ófelborgargarði.

²⁸ Fyri oman Rossaliðið laðaðu prestarnir hvør frammanvert við hús sítt.

²⁹ Næstur teimum laðaði Zádok Immersson frammanvert við hús sítt; og næstur honum laðaði Sjemaja Sjekanjasson, vørður Eysturliðsins.

³⁰ Næstur honum laðaðu Hánanja Sjelemjason og Hánun, sætti sonur Zálafs, annan teinin; og næstur teimum laðaði Mesjullam Berekjason yvir av herbergi sínum.

³¹ Malkija, ein av gullsmiðunum, laðaði næstur honum alt at húsi tempultrælanna; sølumenninir laðaðu yvir av Mifkadliðinum og alt at hornasvølunum.

³² Og millum svalanna á horninum og Seyðaliðsins laðaðu gullsmiðirnir og sølumenninir.