Málaki 4 - BÍBLIA

Framhald

¹ Tí sí, dagurin kemur, brennandi eins og ovnur; og allir hinir hástóru og allir teir, ið órættvísi fremja, verða eins og hálmur, og dagurin, ið kemur, skal seta eld á teir, sigur Harri herliðanna, so at hvørki rót ella grein verður eftir av teimum.

² Men yvir tykkum, ið óttast navn mítt, skal rættvísisólin rísa við heilsubót undir veingjum sínum; og tit munnu ganga út á vøll at spæla tykkum, eins og kálvar slopnir úr kvíggj,

³ og traðka hinar gudleysu niður, so at teir verða bos undir iljum tykkara, á tí degi tá ið eg taki mær um reiggj, sigur Harri herliðanna.

Minning um Móselóg

⁴ Minnist lógina, sum eg álegði Mósesi, tænara mínum, á Hórebs fjalli, og øll boðorð og lógmál viðvíkjandi øllum Ísrael.

Koma Elia

⁵ Sí, eg sendi tykkum Elia profet, áður enn Harrans mikli og øgiligi dagur kemur.

⁶ Hann skal snúgva hjørtum fedranna at børnunum og hjørtum barnanna at fedrunum, til tess at eg skal ikki koma og sláa landið við deyðavígslu.