Jósvabók 21 - BÍBLIA

Levitaborgirnar

¹ Tá gingu ættarhøvdingar Levita inn fyri Eleazar prest og Jósva Nunsson og ættarhøvdingar Ísraelsmanna

² og talaðu soleiðis til teirra í Silo í Kánáanlandi: «Harrin beyð við Mósesi at geva okkum borgir at búgva í og hjá teimum beitilendi fyri fenað okkara.»

³ Tá góvu Ísraelsmenn eftir boði Harrans Levitum hesar borgir við beitilendum burtur av arvalutum sínum.

⁴ Lutkastið rakti nú fyrst kyntættir Kehatita, soleiðis at av Levitunum fingu synir Árons prests við lutkasti trettan borgir burtur av ætt Júda og ætt Símeons og ætt Benjamins;

⁵ men hinir synir Kehats fingu við lutkasti eftir kyntáttum sínum tíggju borgir burtur av ætt Efraims og ætt Dáns og hálvari ætt Manasse.

⁶ Synir Gersjons fingu við lutkasti eftir kyntáttum sínum trettan borgir burtur av ætt Issakars og ætt Ásjers og ætt Naftali og burtur av hálvari ætt Manasse í Básjan.

⁷ Og Merari synir fingu eftir kyntáttum sínum tólv borgir burtur av ætt Rubens og ætt Gáds og ætt Zebulons.

⁸ Og Ísraelsmenn góvu við lutkasti Levitum hesar borgir við beitilendum, eins og Harrin hevði boðið við Mósesi.

⁹ Av Júda ætt og Símeons ætt góvu teir hesar borgir, ið her verða nevndar:

¹⁰ Eftirkomarum Árons av kyntátti Kehats av Levi ætt, ið fingu fyrsta lutin,

¹¹ lutaðist Kirjat-Arba – tað er borgin hjá Arba, ættfaðir Ánaks, ið nú eitur Hebron – í Júdafjøllum við beitilendum.

¹² Men akurland borgarinnar og tilliggjandi torpar góvu teir Kálebi Jefunnesyni til ognar.

¹³ Sonum Árons prests góvu teir Hebron, griðstaður fyri vígsekar, við beitilendum og Libna við beitilendum.

¹⁴ Jattir við beitilendum og Esjtemoa við beitilendum.

¹⁵ Hólon við beitilendum og Debir við beitilendum,

¹⁶ Ásjan við beitilendum, Jutta við beitilendum og Bet-Sjemesj við beitilendum, tilsamans níggju borgir burtur av hesum báðum ættunum.

¹⁷ Og burtur av ætt Benjamins: Gibeon við beitilendum, Geba við beitilendum,

¹⁸ Ánatot við beitilendum, Álemet við beitilendum; tilsamans fýra borgir.

¹⁹ Soleiðis fingu synir Árons, prestarnir, tilsamans trettan borgir við tilliggjandi beitilendum.

²⁰ Hinir Levitarnir av Kehats ætt fingu við lutkasti borgir burtur av Efraims ætt.

²¹ Teimum ognaðist Sikem, griðstaður fyri vígsekar, við beitilendum í Efraims fjøllum og Gezer við beitilendum.

²² Kibzáim við beitilendum, Bet-Hóron við beitilendum; tilsamans fýra borgir.

²³ Og burtur av Dáns ætt: Elteke við beitilendum, Gibbeton við beitilendum,

²⁴ Ajjalon við beitilendum, Gát-Rimmon við beitilendum, tilsamans fýra borgir;

²⁵ og burtur av hálvu ætt Manasse: Táanak við beitilendum, Jibleam við beitilendum, tilsamans tvær borgir.

²⁶ Hinir av Kehars ætt fingu eftir kyntáttum sínum tilsamans tíggju borgir.

²⁷ Synir Gersjons av Levi ætt fingu burtur av hálvu ætt Manasse Gólan í Básjan, griðstaður fyri vígsekar, við beitilendum og Asjtarot við beitilendum, tilsamans tvær borgir;

²⁸ og burtur av ætt Issakars: Kisjon við beitilendum, Dáberat við beitilendum,

²⁹ Jarmut við beitilendum, En-Gannim við beitilendum, tilsamans fýra borgir;

³⁰ og burtur av ætt Ásjers: Misjeal við beitilendum, Abdon við beitilendum,

³¹ Helkat við beitilendum, Rehob við beitilendum, tilsamans fýra borgir;

³² og burtur av ætt Naftali: Kedesj í Galileu, griðstaður fyri vígsekar, við beitilendum, Hammot-Dór við beitilendum, Kartan við beitilendum, tilsamans tríggjar borgir.

³³ Soleiðis fingu Gersjonitar eftir kyntáttum sínum tilsamans trettan borgir við beitilendum.

³⁴ Kyntættir Merarisona, teir ið enn vóru eftir av Levitunum, fingu burtur av ætt Zebulons: Jokneam við beitilendum, Karta við beitilendum,

³⁵ Rimmona við beitilendum, Náhálal við beitilendum, tilsamans fýra borgir;

³⁶ og hinumegin Jórdan áraka Jeriko burtur av ætt Rubens: Bezer í oyðimørkini, griðstaður fyri vígsekar, við beitilendum, Jáza við beitilendum,

³⁷ Kedemot við beitilendum, Mefáat við beitilendum, tilsamans fýra borgir;

³⁸ og burtur av Gáds ætt: Rámot í Gilead, griðstaður fyri vígsekar, við beitilendum, Máhanáim við beitilendum,

³⁹ Hesjbon við beitilendum, Jázer við beitilendum, tilsamans fýra borgir.

⁴⁰ Borgirnar, ið soleiðis lutaðust hinum kyntáttum Levi, Meraritunum eftir kyntáttum teirra, vóru tilsamans tólv.

⁴¹ Allar borgirnar, sum Levitarnir fingu í ognarlandi Ísraelsmanna, vóru tilsamans fjøruti og átta við tilliggjandi beitilendum.

⁴² Allar hesar borgir stóðu hvør fyri seg, og allar høvdu tær hvør síni beitilendi kring um seg.

⁴³ Soleiðis gav Harrin Ísrael alt tað landið, sum hann hevði svorið at geva fedrum teirra; og teir tóku tað til ognar og búsettust í tí.

⁴⁴ Og Harrin læt teir búgva í friði, beint so sum hann hevði svorið fedrum teirra; eingin av øllum fíggindum teirra kundi standast móti teimum; allar fíggindar teirra gav Harrin upp í hendur teirra.

⁴⁵ Einki av øllum teim góðu orðum, ið Harrin hevði givið húsi Ísraels, svitaðist; øll gingu út.