Jesaja 4 - BÍBLIA

Reinsan og dýrd Zions

² Á tí degi skal gróðurkvistur Harrans verða til prýðis og dýrdar og ávøkstur landsins hábærsligur og dýrmætur fyri tey, sum komast undan í Ísrael.

³ Tá skulu leivdir Zions og tey, sum eftir eru í Jerúsalem, verða kallað heilag, øll tey, sum innskrivað eru til lívs í Jerúsalem,

⁴ um Harrin fær tváað óreinskuna av døtrum Zions og skolað burtur blóðsektina av Jerúsalem við revsidóms og reinsanar anda.

⁵ Tá skal Harrin skapa yvir hvørjum staði á Zions fjalli og yvir øllum fundarfólki har skýggj um dagin og royk og glampandi eldsloga um náttina, tí at yvir øllum, ið dýrd hevur, má skýli vera,

⁶ og leyvskáli skal vera til at skugga um dagin móti hita og líva og skýla móti glopraregni og skúrum.