Genesis 10 - BÍBLIA

Ættartal tjóðanna

¹ Hetta er ættartal Nóa sona, Sems, Kams og Jáfets; teimum føddust synir eftir vatnflóðina.

² Synir Jáfets vóru Gómer, Mágog, Mádai, Jávan, Túbal, Mesjek og Tíras.

³ Og synir Gómers vóru Asjkenaz, Rífat og Tógarma.

⁴ Og synir Jávans vóru Elisja, Tarsis, Kittar og Ródanitar.

⁵ Út frá teimum greinaðust oyggjalands tjóðirnar. Hetta eru synir Jáfets í londum sínum, hvør við sínum tungumáli, eftir ættargreinum og tjóðflokkum sínum.

⁶ Synir Kams vóru Kusj, Mizráim, Put og Kánáan.

⁷ Synir Kusj vóru Seba, Hávila, Sabta, Ráma og Sabteka, og synir Ráma vóru Sjeba og Dedan.

⁸ Kusj gat Nimrod; hann var fyrsti veldismaður á fold.

⁹ Hann var mikil veiðimaður fyri Harranum; tí verður sagt: Mikil veiðimaður fyri Harranum eins og Nimrod.

¹⁰ Upphavið at ríki hans var Bábel og Erek, Akkad og Kalne í Sinears landi.

¹¹ Úr hesum landi fór hann til Assýriu og bygdi Nineve og Rehobot-Ir, Kela

¹² og Resen millum Nineve og Kela – tað er borgin mikla.

¹³ Og Mizráim gat Luditar og Ánamitar, Lehabitar og Naftuhitar,

¹⁴ Patrusitar og Kasluhitar, haðan Filistar vóru ættaðir, og Kaftoritar.

¹⁵ Kánáan gat Zidon, sín frumgitna, og Het,

¹⁶ Jebusitar, Ámoritar, Girgasjitar,

¹⁷ Hivitar, Arkitar, Sínitar,

¹⁸ Arvaditar, Zemaritar og Hámatitar. Síðan spreiddust ættargreinar Kánáanitanna um,

¹⁹ so at landamark Kánáans gekk frá Zidon um Gerar alt at Gaza, framvegis til Sódomu og Gómorru, Adma, Zeboim og alt at Lasja.

²⁰ Hesir vóru synir Kams eftir kyntáttum sínum, eftir tungumálum sínum, í londum sínum, í tjóðum sínum.

²¹ Men eisini Sem, ættfaðir at øllum sonum Ebers, elsti bróðir Jáfets, fekk synir.

²² Synir Sems vóru Elam, Assur, Arpaksjad, Lud og Áram.

²³ Synir Árams vóru Uz, Hul, Geter og Masj.

²⁴ Arpaksjad gat Sjela, og Sjela gat Eber.

²⁵ Eber fekk tveir synir; annar æt Peleg, tí á hansara døgum spjaddist fólkið á jørðini sundur; bróðir hansara æt Joktan.

²⁶ Joktan gat Almodad, Sjelef, Házarmavet, Jera,

²⁷ Hádóram, Uzal, Dikla,

²⁸ Óbal, Ábimael, Sába,

²⁹ Ofir, Hávila og Jóbab. Allir hesir vóru synir Joktans.

³⁰ Og bústaðir teirra vóru frá Mesja og allan vegin at Sefar, at eysturfjøllum.

³¹ Hesir eru synir Sems eftir ættargreinum og tungumálum sínum, í londum sínum, eftir tjóðum sínum.

³² Hetta eru ættargreinar sona Nóa eftir ættartali sínum, í tjóðflokkum sínum. Og frá teimum spjaddust tjóðirnar út um jørðina eftir vatnflóðina.