Ezra 2 - BÍBLIA

Skráseting teirra, sum heim aftur fóru

¹ Hesir eru teir úr skattlandi okkara, sum fóru úr herleiðingarútlegdini, teir, ið Nebukadnezar kongur hevði herleitt til Bábel, men nú snúðu heim aftur til Jerúsalem og Júda, hvør í sína borg,

² teir, ið komu við Zerubbábeli, Jesjua, Nehemja, Seraja, Reelaja, Mordokai, Bilsjan, Mispar, Bigvai, Rehum og Báana. Talið á monnum Ísraels fólks var:

³ Eftirkomarar Párosj: Tvey túsund, eitt hundrað og sjeyti og tveir;

⁴ eftirkomarar Sjefatja: Trý hundrað og sjeyti og tveir;

⁵ eftirkomarar Ára: Sjey hundrað og sjeyti og fimm;

⁶ eftirkomarar Páhat-Móabs, eftirkomarar Jesjua og Jóabs: Tvey túsund, átta hundrað og tólv;

⁷ eftirkomarar Elams: Eitt túsund, tvey hundrað og fimmti og fýra;

⁸ eftirkomarar Zattu: Níggju hundrað og fjøruti og fimm;

⁹ eftirkomarar Zakkai: Sjey hundrað og seksti;

¹⁰ eftirkomarar Báni: Seks hundrað og fjøruti og tveir;

¹¹ eftirkomarar Bebai: Seks hundrað og tjúgu og tríggir;

¹² eftirkomarar Ázgads: Eitt túsund, tvey hundrað og tjúgu og tveir;

¹³ eftirkomarar Ádónikams: Seks hundrað og seksti og seks;

¹⁴ eftirkomarar Bigvai: Tvey túsund og fimmti og seks;

¹⁵ eftirkomarar Ádins: Fýra hundrað og fimmti og fýra;

¹⁶ eftirkomarar Áters, frá Hizkia: Níti og átta;

¹⁷ eftirkomarar Bezai: Trý hundrað og tjúgu og tríggir;

¹⁸ eftirkomarar Jóra: Eitt hundrað og tólv;

¹⁹ eftirkomarar Hásjums: Tvey hundrað og tjúgu og tríggir;

²⁰ eftirkomarar Gibbars: Níti og fimm;

²¹ ættaðir úr Betlehem: Eitt hundrað og tjúgu og tríggir;

²² menn úr Netofa: Fimmti og seks;

²³ menn úr Ánatot: Eitt hundrað og tjúgu og átta;

²⁴ ættaðir úr Azmavet: Fjøruti og tveir;

²⁵ ættaðir úr Kirjat-Jearim, Kefira og Beerot: Sjey hundrað og fjøruti og tríggir;

²⁶ ættaðir úr Ráma og Geba: Seks hundrað og tjúgu og ein;

²⁷ menn úr Mikmas: Eitt hundrað og tjúgu og tveir;

²⁸ menn úr Betel og Ai: Tvey hundrað og tjúgu og tríggir;

²⁹ ættaðir úr Nebo: Fimmti og tveir;

³⁰ eftirkomarar Magbisj: Eitt hundrað og fimmti og seks;

³¹ eftirkomarar Elams hins annars: Eitt túsund, tvey hundrað og fimmti og fýra;

³² eftirkomarar Hárims: Trý hundrað og tjúgu;

³³ ættaðir úr Lod, Hádid og Óno: Sjey hundrað og tjúgu og fimm;

³⁴ ættaðir úr Jeriko: Trý hundrað og fjøruti og fimm;

³⁵ ættaðir úr Senáa: Trý túsund, seks hundrað og tríati.

³⁶ Prestarnir: Eftirkomarar Jedaja av ætt Jesjua: Níggju hundrað og sjeyti og tríggir;

³⁷ eftirkomarar Immers: Eitt túsund og fimmti og tveir;

³⁸ eftirkomarar Pasjhurs: Eitt túsund, tvey hundrað og fjøruti og sjey;

³⁹ eftirkomarar Hárims: Eitt túsund og seytjan.

⁴⁰ Levitarnir: Eftirkomarar Jesjua og Kadmiels, av eftirkomarum Hódavja: Sjeyti og fýra.

⁴¹ Sangararnir: Eftirkomarar Ásafs: Eitt hundrað og tjúgu og átta.

⁴² Duravørðirnir: Eftirkomarar Sjallums, Áters, Talmons, Akkubs, Hátita og Sjóbai; tilsamans: Eitt hundrað og tríati og níggju.

⁴³ Tempultrælirnir: Eftirkomarar Ziha, Hásufa og Tabbaots,

⁴⁴ Kerósar, Siaha, Pádons,

⁴⁵ Lebana, Hágaba, Akkubs,

⁴⁶ Hágabs, Salmai, Hánans,

⁴⁷ Giddels, Gáhars, Reaja,

⁴⁸ Rezins, Nekoda, Gazzams,

⁴⁹ Uzza, Pásea, Besai,

⁵⁰ Asna, Meunita, Nefusita,

⁵¹ Bakbuks, Hákufa, Harhurs,

⁵² Bazluts, Mehida, Harsja,

⁵³ Barkosar, Sisera, Tema,

⁵⁴ Nezia og Hátifa.

⁵⁵ Eftirkomarar tænara Sálomons: Eftirkomarar Sotai, Soferets, Peruda,

⁵⁶ Jáala, Darkons, Giddels,

⁵⁷ Sjefatja, Hattils, Pokerets-Hazzebáims og Ámi.

⁵⁸ Tempultrælir og eftirkomarar tænara Sálomons vóru tilsamans trý hundrað og níti og tveir.

⁵⁹ Og hesir eru teir, ið fóru heim úr Tel-Mela, Tel-Harsja, Kerub-Addan og Immer og ikki kundu at greina ætt sína og uppruna sín, hvørt teir vóru komnir av Ísrael:

⁶⁰ Eftirkomarar Delaja, Tóbija og Nekoda: Seks hundrað og fimmti og tveir.

⁶¹ Og av eftirkomarum prestanna: Eftirkomarar Hábaja, Hakkozar og Barzillai; hann hevði tikið sær eina dóttur Barzillai Gileadita til konu og var nevndur við navni teirra.

⁶² Hesir leitaðu eftir ættartølum sínum, men funnu tey ikki; teir vórðu tí sum óreinir lokaðir úti frá prestadømi.

⁶³ Og landsstjórin sýtti teimum at eta av hinum háheilaga, fyrr enn prestur stóð fram, ið dugdi at handfara Urim og Tummim.

⁶⁴ Allur savnaðurin var tilsamans fjøruti og tvey túsund, trý hundrað og seksti,

⁶⁵ umframt trælir og trælkvendi teirra, ið vóru sjey túsund, trý hundrað og tríati og sjey; har vóru eisini tvey hundrað sangarar og sangkonur.

⁶⁶ Ross teirra vóru sjey hundrað og tríati og seks; múldjórini tvey hundrað og fjøruti og fimm;

⁶⁷ kamelarnir fýra hundrað og tríati og fimm og asnarnir seks túsund, sjey hundrað og tjúgu.

⁶⁸ Og summir av ættarhøvdingunum góvu, tá ið teir vóru komnir til hús Harrans í Jerúsalem, sjálvbodnir gávur til hús Guðs til tess at fáa tað bygt upp aftur á staði sínum,

⁶⁹ og hvør eftir sínum førimuni góvu teir í byggigrunnin seksti og eitt túsund gulldárikar, fimm túsund silvurminur og eitt hundrað prestabúnar.

⁷⁰ Síðan búsettust prestarnir og Levitarnir og sumt av fólkinum í Jerúsalem og har í nánd, men sangararnir og duravørðirnir, tempultrælirnir og alt hitt fólkið settust niður í borgum sínum.