Ẹsuta 10 - BAYỊBURU Ẹzaa

Ike, Mọdekayi nweru

¹ Eze Áhazerusu bya atụa iwu tẹ ndu bukota l'alị-eze iya gẹ whẹ ha tụje akịriko, je akpaa lẹ ndu ọwhu bukube eze-ẹnyimu.

² Iwhe lile o mekotaru gude goshi g'ike iya habe mẹe g'ọkpehu iya habe shii mẹe lẹ g'o shi mee tẹ Mọdekayi bụru oke madzụ b'e dekotaru l'ẹkwo-akọ ndu eze ndu Peshiya mẹe nke ndu Midiya.

³ Mọdekayi, bụ onye Ju bẹ ọkwa iya l'etsota nke eze Áhazerusu. Ọ bụ onye parụ ẹka l'ẹka ndu Ju ọdo nọ, ikpoto ndu Ju bụ ụnwunna iya dobe iya l'ọnodu, whẹ l'aakwabẹ iya ugvu. Nkele ọonoje achọ ọdu lẹ mma nke ndu Ju ibe iya mẹe gẹ l'ee-shi t'ẹhu dụ whẹ guu.