1 Iwhe e meru l'oge ndu eze 8 - BAYỊBURU Ẹzaa

Ikfu Bénjaminu

¹ Ụnwu Bénjaminu ndọwa: Bela, bụ ọkpara iya, Ashibẹlu bụru nwa iya nke ẹbo, Ahara bụru nwa iya nke ẹto,

² Nohahu bụru nwa iya nke ẹno, Rafa bụru nwa iya nke ise.

³ Ụnwu Bela bụ: Adaru, Gera, Abyihudu,

⁴ Abyishuwa, Némanu, Ahowa,

⁵ Gera, Shefufanu ọwaa Huramu.

⁶ Ụnwu Ehudu bụkota ndu ishi l'ibe ndu shi buru lẹ mkpụkpu Geba. Ọle a chịru whẹ achị whẹ lashia mkpụkpu Manahatu.

⁷ Ẹwha whẹ bụ Némanu, Ahayija ọwaa Gera, bụ onye chị whẹ laa Manahatu. Gera bụ nna Uza mẹe Ahihudu.

⁸ Shaharayimu bẹ nwụtaru ụnwu l'alị ndu Moabu lẹ g'ọ chịfu-geeru unyomu iya, bụ Hushimu yẹle Bara.

⁹ Nwanyị ọdo, ọ lụru, ẹwha iya bụ Hodeshu bya anwụtaru iya: Jobabu, Zibyiya, Mesha, Malukamu,

¹⁰ Jewuzu, Sakiya ọwaa Miruma. Ndu ono bụkota ụnwu iya, whẹ bụru ndu ishi l'ibe whẹ.

¹¹ O shikwawho l'ẹka Hushimu nwụta Abyitubu yẹle Elupalu.

¹² Ụnwu Elupalu bụ: Iba, Mishamu ọwaa Shemedi, onye bụ iya tụru obodo, l'eeku Óno tụa obodo Lodu, mẹe mkpụkpu dụkota iya nụ.

¹³ Beríya mẹe Shema bẹ bụ ndu ishi l'ibe ndu bu lẹ mkpụkpu Ayịjalonu, bụru whẹ chịfuru ndu shi buru lẹ Gatu.

¹⁴ Ụnwu nke Beríya bụ Ahiyo, Shashaku, Jeremotu,

¹⁵ Zebadaya, Áradu, Eda,

¹⁶ Máyikelu, Ishupa ọwaa Joha. O noo ụnwu Beríya ndono.

¹⁷ Ụnwu Elupalu bụ Zebadaya, Meshulamu, Hiziki, Heba,

¹⁸ Ishimerayi, Izuliya ọwaa Jobabu. O noo ụnwu Elupalu ndono.

¹⁹ Ụnwu Shimeyi bụ Jakimu, Zikiri, Zabudi,

²⁰ Eliyenayi, Ziletayi, Eliyẹlu,

²¹ Adaya, Beraya ọwaa Shimuratu. O noo ụnwu Shimeyi ndono.

²² Ụnwu nke Shashaku bụ Ishupanu, Iba, Eliyẹlu,

²³ Abudọnu, Zikiri, Hananu,

²⁴ Hananiya, Ílamu, Ántotayija,

²⁵ Ifudeya ọwaa Penuwẹlu. O noo ụnwu Shashaku ndono.

²⁶ Ụnwu nke Jerohamu bụ Shamusherayi, Sheharaya, Atalaya,

²⁷ Jareshiya, Eláyija ọwaa Zikiri. O noo ụnwu Jerohamu ndono.

²⁸ Ndu ono bụkota ndu ishi l'ibe nna whẹ ẹgube e deru iya l'ẹkwo e deshiru lẹ g'e shi nwụa whẹ. Ẹka whẹ bu bụ lẹ Jerúsalẹmu.

²⁹ Nnajị mkpụkpu Gibyiyọnu bẹ bụ lẹ Gibyiyọnu b'o bu. Ẹwha nyee ya bụ Maaka.

³⁰ Ọkpara nwa iya bụ Abudọnu, otsota bụru Zuru, Kishu, Bálu, Nedabu,

³¹ Gedọ, Ahiyo, Zeka,

³² ọwaa Mikulotu. Mikulọtu bụ nna Shimeya. Whẹbedua bẹ bukubekwawho abụbu whẹ lẹ Jerúsalẹmu.

³³ Naa bụ nna Kishu, Kishu bụru nna Sọlu, Sọlu bụru nna Jonatanu, Malukishuwa, Abyinadabu mẹe Eshibelu.

³⁴ Nwa, Jonatanu nwụtaru bụ Meribu-bálu, Meribu-bálu bụru nna Mayịka.

³⁵ Ụnwu nke Mayịka bụ Pitonu, Melẹku, Tareya ọwaa Éhazu.

³⁶ Éhazu bụ nna Jehowada, Jehowada bụru nna Alemetu, Azụmavetu, Zimiri. Zimiri bụru nna Moza,

³⁷ Moza bụru nna Byineya, Byineya bụru nna Rafa, Rafa bụru nna Eleyasa, Eleyasa bụru nna Ázelu.

³⁸ Ázelu bẹ nwụtaru ụnwu ishii. Ẹwha whẹ bụ Azurikamu, Bokeru, Ishimẹlu, Sheyariya, Obedaya ọwaa Hananu. Ndu ono gẹ whẹ ha bụkota ụnwu Ázelu.

³⁹ Ọ waa bụ ụnwu nke nwune iya nwoke Eshẹku: Ulamu bụ ọkpara iya, Jewushi bụ nke ẹbo, Elifẹletu bụru nke ẹto.

⁴⁰ Ụnwu Ulamu bụ-gee ndu ojọgu, ike dụ, bụru ndu marụ ọgba akfụ. Whẹ nwụshiru ụnwu l'igweligwe, o nokwawho g'ụnwu nwanwa whẹ ha l'igweligwe. Whẹ dụkota ụkporo madzụ ugbo ẹsaa l'ụmadzu iri. Ndu lile ono gẹ whẹ ha bụkota ndu ikfu Bénjaminu.