1 Iwhe e meru l'oge ndu eze 6 - BAYỊBURU Ẹzaa

Ẹpa Lívayi

¹ Ụnwu nwoke Lívayi bụ Gẹshonu, Kohatu ọwaa Merari.

² Ụnwu nwoke Kohatu bụ Amụramu, Izharu, Hiburọnu ọwaa Úziyẹlu.

³ Ụnwu Amụramu bụ Érọnu, Mósisu ọwaa Miriyamu. Ụnwu nwoke Érọnu bụ Nedabu, Abyihu, Eliyéza ọwaa Itama.

⁴ Eliyéza bụ nna Fínihasu, Fínihasu bụru nna Abyishuwa,

⁵ Abyishuwa bụru nna Buki, Buki bụru nna Uzi,

⁶ Uzi bụru nna Zerahíya, Zerahíya bụru nna Merayotu,

⁷ Merayotu bụru nna Amaríya, Amaríya bụru nna Ahitubu,

⁸ Ahitubu bụru nna Zédọku, Zédọku bụru nna Ahimaazu,

⁹ Ahimaazu bụru nna Azaríya, Azaríya bụru nna Johananu,

¹⁰ Johananu bụru nna Azaríya. Ọo ya shi agbajẹ ẹja Chileke l'eze-ụlo Chileke ono, Sólomọnu tụru lẹ Jerúsalẹmu.

¹¹ Azaríya bụru nna Amaríya, Amaríya bụru nna Ahitubu,

¹² Ahitubu bụru nna Zédọku, Zédọku bụru nna Shalumu,

¹³ Shalumu bụru nna Hilikaya, Hilikaya bụru nna Azaríya,

¹⁴ Azaríya bụru nna Seraya, Seraya bụru nna Jehozadaku.

¹⁵ Jehozadaku b'a kpụru lẹ ndzụ laa alị ọdo nteke ono, Onye-Nwe-Ọha shi l'ẹka Nebukadineza kpụkoo ndu Juda mẹe ndu Jerúsalẹmu lẹ ndzụ laa alị ọdo.

¹⁶ Ụnwu nwoke Lívayi bụ Gẹshomu mẹe Kohatu mẹe Merari.

¹⁷ Ọ waa bụ ẹwha ụnwu Gẹshomu: Libyini mẹe Shimeyi.

¹⁸ Ụnwu Kohatu bụ Amụramu, Izharu, Hiburọnu ọwaa Úziyẹlu.

¹⁹ Ụnwu Merari bụ Mahuli ọwaa Mushi. Ọ waa bụ ndibe Lívayi l'ẹnya-uwhu whẹ l'ẹnya-uwhu whẹ:

²⁰ Ẹpa Gẹshomu ndọwa: Libyini bụ nwa Gẹshomu. Jahatu bụru nwa Libyini. Zima bụru nwa Jahatu.

²¹ Jowa bụru nwa Zima. Ido bụru nwa Jowa. Zera bụru nwa Ido. Jeyaterayi bụru nwa Zera.

²² Ẹpa Kohatu ndọwa: Amínadabu bụ nwa Kohatu, Kora bụru nwa Amínadabu, Asiru bụru nwa Kora,

²³ Ẹ́lukana bụru nwa Asiru, Ẹbyiyasafu bụru nwa Ẹ́lukana, Asiru bụru nwa Ẹbyiyasafu,

²⁴ Tahatu bụru nwa Asiru, Yuriyẹlu bụru nwa Tahatu, Uzáya bụru nwa Uriyẹlu, Shawulu bụru nwa Uzáya.

²⁵ Ẹpa Ẹ́lukana ndọwa: Amasayi mẹe Ahimotu.

²⁶ Ẹ́lukana bụ nwa Ahimotu, Zofayi bụru nwa Ẹ́lukana, Nahatu bụru nwa Zofayi,

²⁷ Eliyabu bụru nwa Nahatu, Jerohamu bụru nwa Eliyabu. Ẹ́lukana bụru nwa Jerohamu, Sámuwẹlu bụru nwa Ẹ́lukana.

²⁸ Ọ waa bụ ụnwu Sámuwẹlu: Jowelu bụ ọkpara iya. Abáyija bụru nwa iya nke ẹbo.

²⁹ Ẹpa Merari ndọwa: Mahuli bụ nwa Merari, Libyini bụru nwa Mahuli, Shimeyi bụru nwa Libyini. Uza bụru nwa Shimeyi.

³⁰ Shimeya bụru nwa Uza, Hagiya bụru nwa Shimeya, Ayizáya bụru nwa Hagiya.

Ndu l'agụje egvu l'eze-ụlo Chileke

³¹ Ọ waa bụ unwoke, Dévidi doberu tẹ whẹ bụru ndu ishi egvu l'ụlo Onye-Nwe-Ọha lẹ g'e dobegeeru igbe-ọgbandzu Chileke l'ẹka ono.

³² Iwhe bụ ozhi whẹ bụ ọgu egvu l'atatiwhu mkpuumkpu Ụlo-ẹkwa ndzuko ono. Ọo l'ẹka ono bẹ whẹ shi anọduje jeye Sólomọnu bya atụa eze-ụlo Onye-Nwe-Ọha lẹ Jerúsalẹmu. Whẹ l'ejeje ozhi whẹ lẹ g'ọ gbarụ.

³³ Ọ waa bụ unwoke ọbu, shi bụru ọgbo-egvu ọbu mẹe ụnwu whẹ nwoke: L'ẹpa Kohatu b'e nweru ndu ọwaa: Hemanu onye l'agụ egvu agụ. Hemanu bụ nwa Jowelu, Jowelu bụru nwa Sámuwẹlu,

³⁴ Sámuwẹlu bụru nwa Ẹ́lukana, Ẹ́lukana bụru nwa Jerohamu, Jerohamu bụru nwa Eliyẹlu, Eliyẹlu bụru nwa Towa,

³⁵ Towa bụru nwa Zufu, Zufu bụru nwa Ẹ́lukana, Ẹ́lukana bụru nwa Mahatu, Mahatu bụru nwa Amasayi,

³⁶ Amasayi bụru nwa Ẹ́lukana, Ẹ́lukana bụru nwa Jowelu, Jowelu bụru nwa Azaríya, Azaríya bụru nwa Zéfanaya,

³⁷ Zéfanaya bụru nwa Tahatu, Tahatu bụru nwa Asiru, Asiru bụru nwa Ẹbyiyasafu, Ẹbyiyasafu bụru nwa Kora,

³⁸ Kora bụru nwa Izharu, Izharu bụru nwa Kohatu, Kohatu bụru nwa Lívayi, Lívayi bụru nwa Ízurẹlu.

³⁹ Onye otu Hemanu bụ Asafu. Ọ yẹbedua l'anọduje Hemanu l'ẹka-ụtara. Asafu bụ nwa Berekaya, Berekaya bụru nwa Shimeya,

⁴⁰ Shimeya bụru nwa Máyikelu, Máyikelu bụru nwa Baseya, Baseya bụru nwa Málukija,

⁴¹ Málukija bụru nwa Etuni, Etuni bụru nwa Zera, Zera bụru nwa Adaya,

⁴² Adaya bụru nwa Etanu, Etanu bụru nwa Zima, Zima bụru nwa Shimeyi,

⁴³ Shimeyi bụru nwa Jahatu, Jahatu bụru nwa Gẹshomu, Gẹshomu bụru nwa Lívayi.

⁴⁴ Onye ọdo, tso l'otu Hemanu bụ Etanu, onye shi l'eri Merari. Yẹbedua l'anọduje Hemanu l'ẹka-ịcha. Etanu bụ nwa Kishu, Kishu bụru nwa Abudi; Abudi bụru nwa Maluku,

⁴⁵ Maluku bụru nwa Hashabyiya, Hashabyiya bụru nwa Amazíya, Amazíya bụru nwa Hilikaya,

⁴⁶ Hilikaya bụru nwa Amuzi, Amuzi bụru nwa Baní, Baní bụru nwa Shemeru,

⁴⁷ Shemeru bụru nwa Mahuli, Mahuli bụru nwa Mushi, Mushi bụru nwa Merari, Merari bụru nwa Lívayi.

⁴⁸ Ụnwunna whẹ, bụ eri Lívayi b'e yeru tẹ whẹ jeje ozhi ọdo, dụ l'iche l'iche lẹ mkpuumkpu eze-ụlo Chileke.

Ụnwu Érọnu

⁴⁹ A bya lẹ Érọnu yẹle ụnwu iya, ọo whẹ l'agbajẹ ẹja l'ẹnya-mgbẹja ọkpokota-iwhe-ọku, mẹe l'ẹnya-mgbẹja ẹka l'aakpọje ụ̀nwù isẹnsu ọku. Ọo whẹbedua b'ọ dụ l'ẹka mbụ Ẹka-kakọta-ọdu-nsọ, bụru whẹ l'akfụje ụgwo iwhe-dụ-ẹji Ízurẹlu meru, ẹgube Mósisu, bụ onye ozhi Chileke tụru l'iwu.

⁵⁰ Ọ waa bụ ẹpa Érọnu: Eliyéza bụ nwa Érọnu, Fínihasu bụru nwa Eliyéza, Abyishuwa bụru nwa Fínihasu,

⁵¹ Buki bụru nwa Abyishuwa, Uzi bụru nwa Buki, Zerahíya bụru nwa Uzi,

⁵² Merayotu bụru nwa Zerahíya, Amaríya bụru nwa Merayotu, Ahitubu bụru nwa Amaríya,

⁵³ Zédọku bụru nwa Ahitubu, Ahimaazu bụru nwa Zédọku.

⁵⁴ Ọ waa bụ ẹka whẹ bu ebubu, mbụ alị, a wẹru whẹ tẹ whẹ buru. Ẹka ono bụ ẹpa Érọnu, mbụ eri Kohatu b'a wẹru iya whẹ buru nkele ido mbụ, a tụru bẹ bụ whẹ b'ọ darụ.

⁵⁵ A nụru whẹ mkpụkpu Hiburọnu, dụ l'alị Juda mẹe alị ẹka élwù l'atajẹ nri, gbarụ iya mgburumgburu.

⁵⁶ Ọle ẹgu, dụ lẹ mkpụkpu ono, mẹe ụnwu mkpụkpu ọdo dụkota iya nụ b'a nụru Kálẹbu nwa Jefune.

⁵⁷ Ẹpa Érọnu b'a nụru mkpụkpu o-zeru-ndzụ. Mkpụkpu o-zeru-ndzụ ọbu, a nụru whẹ bụ Hiburọnu, mẹe Libyina, mẹe Jatiru, mẹe Eshitemowa yẹle alị ẹka élwù l'atajẹ nri, dụkota lẹ mkpụkpu ono.

⁵⁸ Ẹka ọdo bụ mkpụkpu Hilenu yẹle alị ẹka élwù l'atajẹ nri, dụkota lẹ mkpụkpu ono, mẹe mkpụkpu Debyi yẹle alị ẹka élwù l'atajẹ nri, dụkota lẹ mkpụkpu ono,

⁵⁹ mẹe mkpụkpu Ashanu yẹle alị ẹka élwù l'atajẹ nri, dụkota lẹ mkpụkpu ono, mẹe mkpụkpu Betu-shẹmeshi yẹle alị ẹka élwù l'atajẹ nri, dụkota lẹ mkpụkpu ono.

⁶⁰ E shi lẹ mkpụkpu nke ikfu Bénjaminu woru mkpụkpu Geba yẹle alị ẹka élwù l'atajẹ nri, dụkota lẹ mkpụkpu ono, mẹe mkpụkpu Alemetu yẹle alị ẹka élwù l'atajẹ nri, dụkota lẹ mkpụkpu ono mẹe Anatotu yẹle alị ẹka élwù l'atajẹ nri, dụkota lẹ mkpụkpu ono nụ ikfu Lívayi. Mkpụkpu, a nụru eri Kohatu l'ẹnya-uwhu l'ẹnya-uwhu dụkota iri l'ẹto.

⁶¹ A bya atụa ido, bya eshi lẹ mkpụkpu ẹnya-uwhu nkerẹbo ikfu Manáse keta mkpụkpu iri nụ ndu whọduru nụ l'eri Kohatu.

⁶² E shi lẹ mkpụkpu ikfu Ísaka mẹe nke ikfu Asha mẹe nke ikfu Náfutali mẹe nke ikfu Manáse, bụ ndu ọwhu bu l'alị Báshanu keta mkpụkpu iri l'ẹto nụ eri Gẹshomu l'ẹnya-uwhu l'ẹnya-uwhu.

⁶³ E shi lẹ mkpụkpu ikfu Rúbẹnu mẹe nke ikfu Gadu mẹe nke ikfu Zébulọnu keta mkpụkpu iri l'ẹbo nụ eri Merari l'ẹnya-uwhu l'ẹnya-uwhu.

⁶⁴ O noo ya, ndu Ízurẹlu woru mkpụkpu mkpụkpu ono nụ eri Lívayi yẹle alị ẹka élwù l'atajẹ nri, dụkota iya nụ.

⁶⁵ Ndu Ízurẹlu tụkwaruwho ido, bya eshi lẹ mkpụkpu ikfu Juda, mẹe ikfu Símiyọnu, mẹe ikfu Bénjaminu woru mkpụkpu ono nụ whẹ bụ iya bụ mkpụkpu mkpụkpu ono, a gụshiru ẹwha whẹ.

⁶⁶ Ụwhodu l'ẹnya-uwhu ẹpa Kohatu b'e shi l'alị ikfu Ífuremu nụ mkpụkpu ẹka whẹ bugee.

⁶⁷ A nụru whẹ mkpụkpu o-zeru-ndzụ l'alị ugvu ugvu Ífuremu bụ iya bụ mkpụkpu Shékemu yẹle alị ẹka élwù l'atajẹ nri, dụkota iya nụ, mẹe mkpụkpu Gaza yẹle alị ẹka élwù l'atajẹ nri, dụkota iya nụ,

⁶⁸ mẹe mkpụkpu Jokumeyamu yẹle alị ẹka élwù l'atajẹ nri, dụkota iya nụ, mẹe mkpụkpu Betu-horonu yẹle alị ẹka élwù l'atajẹ nri, dụkota iya nụ,

⁶⁹ mẹe mkpụkpu Ayịjalonu yẹle alị ẹka élwù l'atajẹ nri, dụkota iya nụ mẹe mkpụkpu Gatu-rimọnu yẹle alị ẹka élwù l'atajẹ nri, dụkota iya nụ.

⁷⁰ Ẹnya-uwhu, whọduru nụ l'eri Kohatu b'e shi l'alị nkerẹbo ikfu Manáse nụ mkpụkpu Ana yẹle alị ẹka élwù l'atajẹ nri, dụkota iya nụ, mẹe mkpụkpu Byíleyamu yẹle alị ẹka élwù l'atajẹ nri, dụkota iya nụ.

⁷¹ Ẹpa Gẹshomu b'e shikwawho l'alị nkerẹbo ikfu Manáse nụ mkpụkpu Golanu, dụ l'alị Báshanu yẹle alị ẹka élwù l'atajẹ nri, dụkota iya nụ mẹe mkpụkpu Ashịtarotu yẹle alị ẹka élwù l'atajẹ nri, dụkota iya nụ.

⁷² E shi l'alị ikfu Ísaka nụ whẹ mkpụkpu Kédẹshi yẹle alị ẹka élwù l'atajẹ nri, dụkota iya nụ mẹe mkpụkpu Daberatu yẹle alị ẹka élwù l'atajẹ nri, dụkota iya nụ,

⁷³ mẹe mkpụkpu Ramótu yẹle alị ẹka élwù l'atajẹ nri, dụkota iya nụ mẹe mkpụkpu Anemu yẹle alị ẹka élwù l'atajẹ nri, dụkota iya nụ.

⁷⁴ E shi l'alị ikfu Asha nụ whẹ mkpụkpu Mashalu yẹle alị ẹka élwù l'atajẹ nri, dụkota iya nụ, mẹe mkpụkpu Abudọnu yẹle alị ẹka élwù l'atajẹ nri, dụkota iya nụ,

⁷⁵ mẹe mkpụkpu Hukoku yẹle alị ẹka élwù l'atajẹ nri, dụkota iya nụ mẹe mkpụkpu Rehobu yẹle alị ẹka élwù l'atajẹ nri, dụkota iya nụ.

⁷⁶ E shi l'alị ikfu Náfutali nụ whẹ mkpụkpu Kédẹshi dụ l'alị Gálili yẹle alị ẹka élwù l'atajẹ nri, dụkota iya nụ, mẹe mkpụkpu Hamọnu yẹle alị ẹka élwù l'atajẹ nri, dụkota iya nụ, mẹe mkpụkpu Kiriyatayimu yẹle alị ẹka élwù l'atajẹ nri, dụkota iya nụ.

⁷⁷ Ndu whọduru nụ l'eri Merari b'e shi l'alị ikfu Zébulọnu keta mkpụkpu Rimono woru nụ, yẹle alị ẹka élwù l'atajẹ nri, dụkota iya nụ, mẹe mkpụkpu Tebọ yẹle alị ẹka élwù l'atajẹ nri, dụkota iya nụ.

⁷⁸ E shi l'alị ikfu Rúbẹnu, dụ m'a daa ẹnyimu Jọ́danu lụfu azụ iya ọwhu l'ụzo ẹnyanwu-awata mkpụkpu Jériko nụ whẹ mkpụkpu Beza l'echi-ẹgu yẹle alị ẹka élwù l'atajẹ nri, dụkota iya nụ, mẹe mkpụkpu Jahuza yẹle alị ẹka élwù l'atajẹ nri, dụkota iya nụ,

⁷⁹ mẹe mkpụkpu Kedemotu yẹle alị ẹka élwù l'atajẹ nri, dụkota iya nụ, mẹe mkpụkpu Mefatu yẹle alị ẹka élwù l'atajẹ nri, dụkota iya nụ.

⁸⁰ Eshi l'alị ikfu Gadu nụ whẹ mkpụkpu Ramótu dụ l'alị Giledu yẹle alị ẹka élwù l'atajẹ nri, dụkota iya nụ, mẹe mkpụkpu Mahanayimu yẹle alị ẹka élwù l'atajẹ nri, dụkota iya nụ,

⁸¹ mẹe mkpụkpu Hẹshibonu yẹle alị ẹka élwù l'atajẹ nri, dụkota iya nụ, mẹe mkpụkpu Jaza yẹle alị ẹka élwù l'atajẹ nri, dụkota iya nụ.