1 Iwhe e meru l'oge ndu eze 25 - BAYỊBURU Ẹzaa

Ọgbo egvu

¹ Dévidi yẹle ndu ishi-ozhi iya bya eshi l'ụnwu Asafu, mẹe Hemanu, mẹe Jedutunu wofuta ndu l'e-gudeje ogumogu, mẹe une, mẹe ogele ekfuchiru Chileke. Ọ waa bụ ẹwha ndu l'eje ozhi ono mẹe ozhi, whẹ l'eje:

² Ụnwu Asafu bụ: Zakuru, Jósẹfu, Netaniya, ọwaa Asharela. Onye l'atụ-zhiru ụnwu Asafu ono ẹka bẹ bụ Asafu l'onwiya, ọwhube Asafu nọdu eze l'ẹka ekfuchiru Chileke.

³ Ụnwu Jedutunu bụ: Gédaliya, Zeri, Jeshaya, Shimeyi, Hashabyiya, ọwaa Matitiya. Iwhe whẹ dụ bụ ụmadzu ishii. Ọ bụru nna whẹ, bụ Jedutunu bẹ l'atụ-zhiru whẹ ẹka. Oogudeje ogumogu agụ egvu ekele mẹe egvu ajaja, shi nno ekfuchiru Onye-Nwe-Ọha.

⁴ Ụnwu Hemanu bu: Bukiya, Mataniya, Úziyẹlu, Shebuwẹlu, Jeremotu, Hananiya, Hanani, Eliyata, Gidaliti, Romamiti-ẹ́za, Joshubekasha, Maloti, Hotiya ọwaa Mahaziyotu.

⁵ Ndu ono gẹ whẹ ha bụkota ụnwu Hemanu, onye l'awhụru eze ọwhulenya. Ọ bụru l'ụkwa, Chileke kweru iya b'o shi nwụshia whẹ, nke ọwhu l'oo-shi nno bụru onye ike dụ. Chileke bẹ nụru Hemanu unwoke iri l'ẹno mẹe ụnwu nwanyị ẹto.

⁶ Whẹ shi nọdukota nna whẹ l'ẹka l'ọotu-zhiru whẹ ẹka l'egvu, whẹ l'agụ l'ụlo Onye-Nwe-Ọha. Whẹ l'egudeje ogele mẹe une mẹe ogumogu agụ egvu ono l'ụlo Chileke. Ọwhube Asafu mẹe Jedutunu mẹe Hemanu bẹ shi nọdukota l'ẹka eze eme iwhe ọ sụru tẹ whẹ mee.

⁷ Iwhe whẹ dụkota, mbụ ọgbo egvu ono bẹ bụ ụkporo ugbo iri l'ẹno l'ụmadzu ẹsato. Whẹ bụkota ndu e zhiru egvu ono ezhizhi, bya abụru ndu l'eme nka l'egvu Onye-Nwe-Ọha.

⁸ Whẹ tụkotaru ido l'ẹhu l'ẹhu gude haa ozhi whẹ ahaha, mbụ nwata mẹe ọgurenya mẹe onye l'ezhi ezhi mẹe ndu l'eezhi ezhi.

⁹ A tụru ido nke mbụ, ọ dabarụ nwa Asafu, bụ Jósẹfu. A tụa ido nke ẹbo, ọ dabarụ Gédaliya yẹle ụnwunna iya mẹe ụnwu iya. Iri l'ẹbo bẹ whẹ dụkota.

¹⁰ A tụa ido nke ẹto, ọ dabarụ Zakuru yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹¹ A tụa ido nke ẹno, ọ dabarụ Iziri yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹² A tụa ido nke ise, ọ dabarụ Netaniya yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹³ A tụa ido nke ishii, ọ dabarụ Bukiya yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹⁴ A tụa ido nke ẹsaa, ọ dabarụ Jesharela yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹⁵ A tụa ido nke ẹsato, ọ dabarụ Jeshaya yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹⁶ A tụa ido nke tete, ọ dabarụ Mataniya yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹⁷ A tụa ido nke iri, ọ dabarụ Shimeyi yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹⁸ A tụa ido nke iri lẹ nnanụ, ọ dabarụ Azarẹlu yẹle ụnwu iya mẹe ụnwunna iya. Iri l'ẹbo bẹ whẹ dụkota.

¹⁹ A tụa ido nke iri l'ẹbo, ọ dabarụ Hashabyiya yẹle ụnwu iya mẹe ụnwunna iya. Iri l'ẹbo bẹ whẹ dụkota.

²⁰ A tụa ido nke iri l'ẹto, ọ dabarụ Shubayẹlu yẹle ụnwu iya mẹe ụnwunna iya. Iri l'ẹbo bẹ whẹ dụkota.

²¹ A tụa ido nke iri l'ẹno, ọ dabarụ Matitiya yẹle ụnwu iya mẹe ụnwunna iya. Iri l'ẹbo bẹ whẹ dụkota.

²² A tụa ido nke iri l'ise, ọ dabarụ Jeremotu yẹle ụnwu iya mẹe ụnwunna iya. Iri l'ẹbo bẹ whẹ dụkota.

²³ A tụa ido nke iri l'ishii, ọ dabarụ Hananiya yẹle ụnwu iya mẹe ụnwunna iya. Iri l'ẹbo bẹ whẹ dụkota.

²⁴ A tụa ido nke iri l'ẹsaa, ọ dabarụ Joshubekasha yẹle ụnwu iya mẹe ụnwunna iya. Iri l'ẹbo bẹ whẹ dụkota.

²⁵ A tụa ido nke iri l'ẹsato, ọ dabarụ Hanani yẹle ụnwu iya mẹe ụnwunna. Iri l'ẹbo bẹ whẹ dụkota.

²⁶ A tụa ido nke iri lẹ tete, ọ dabarụ Maloti yẹle ụnwu iya mẹe ụnwunna iya. Iri l'ẹbo bẹ whẹ dụkota.

²⁷ A tụa ido nke ụkporo, ọ dabarụ Eliyata yẹle ụnwu iya mẹe ụnwunna iya. Iri l'ẹbo bẹ whẹ dụkota.

²⁸ A tụa ido nke ụkporo lẹ nnanụ, ọ dabarụ Hotiya yẹle ụnwu iya mẹe ụnwunna iya. Iri l'ẹbo bẹ whẹ dụkota.

²⁹ A tụa ido nke ụkporo l'ẹbo, ọ dabarụ Gidaliti yẹle ụnwu iya mẹe ụnwunna iya. Iri l'ẹbo bẹ whẹ dụkota.

³⁰ A tụa ido nke ụkporo l'ẹto, ọ dabarụ Mahaziyotu yẹle ụnwu iya mẹe ụnwunna iya. Iri l'ẹbo bẹ whẹ dụkota.

³¹ A tụa ido nke ụkporo l'ẹno, ọ dabarụ Romamiti-ẹ́za yẹle ụnwu iya mẹe ụnwunna iya. Iri l'ẹbo bẹ whẹ dụkota.