1 Iwhe e meru l'oge ndu eze 2 - BAYỊBURU Ẹzaa

Ụnwu Ízurẹlu

¹ Ọ waa ụnwu Ízurẹlu ndọwa: Rúbẹnu, Símiyọnu, Lívayi, Juda, Ísaka, Zébulọnu,

² Danu, Jósẹfu, Bénjaminu, Náfutali, Gadu ọwaa Asha.

³ Ụnwu Juda bụ: Ira, Onanu mẹe Shela. Onye o shi l'ẹka iya nwụta ụmadzu ẹto ono bụ nwada Shuwa, bụ nwanyị Kenanu. Ọle Ẹru, bụ ọkpara Juda bẹ meru ejo-iwhe l'ẹnya Onye-Nwe-Ọha, Onye-Nwe-Ọha chigbua ya.

⁴ Tama, bụ nyee nwa Juda bya anwụtakwaru iya whọ Pẹ́rezu yẹle Zera. Iwhe ụnwu Juda dụkota bụ ise.

⁵ Ụnwu Pẹ́rezu bụ Hẹzuronu mẹe Hamulu.

⁶ Ụnwu Zera bụ Zimiri, Etanu, Hemanu, Kalụkolu mẹe Dara. Iwhe whẹ dụkota bụ ise.

⁷ Nwa Kami bụ Akaru. Ọo ya bẹ wobataru iwhe-ọtsulanu lẹ Ízurẹlu, nkele o mebyiru iwhe ono, e kfuru sụ t'ọ bọ dụkwa onye l'e-wota iwhe e doberu Chileke nke emebyishi.

⁸ Nwa Etanu bụ Azaríya.

⁹ Ụnwu, a nwụtaru Hẹzuronu bụ Jerahụmelu, Ramu ọwaa Kelubayi.

¹⁰ Ramu bụ nna Amínadabu, Amínadabu bụru nna Nahụshonu, onye bụ iya bụ onye ishi ndu Juda.

¹¹ Nahụshonu bụ nna Salụma, Salụma bụru nna Bóazu,

¹² Bóazu bụru nna Óbẹdu, Óbẹdu bụru nna Jesi.

¹³ Ndu ọwa bụ ụnwu Jesi: Eliyabu, bụ ọkpara iya, Abyinadabu bụru otsota, Shimeya bụru onye nke ẹto,

¹⁴ Netanẹlu bụru onye nke ẹno, Radayi bụru onye nke ise,

¹⁵ Ozẹmu bụru onye nke ishii, Dévidi bụru onye nke ẹsaa.

¹⁶ Unwune whẹ nwanyị bụ: Zeruya ọwaa Abyigelu. Ụnwu Zeruya bụ: Abyishayi, Jowabu ọwaa Asahẹlu, whẹ ẹto ono.

¹⁷ Abyigelu bụ ne Amasa. Nna Amasa bụ Jeta o-shi-l'eri Ishimẹlu.

Ẹpa Hẹzuronu

¹⁸ Kálẹbu nwa Hẹzuronu bẹ shi l'ẹka nyee ya, bụ Azụba nwụta Jeriyotu. Ụnwu nwanyị ono ọdo bụ Jesha mẹe Shobabu mẹe Adọnu.

¹⁹ Azụba nwụhulewho, Kálẹbu je alụa Ifuratu, ọ nwụtaru iya Họru.

²⁰ Họru bụ nna Uri, Uri bụru nna Bezalẹlu.

²¹ E megee, Hẹzuronu jekfu nwada Makiru, bụ nna Giledu azẹe. Ọ lụru iya nteke yẹbe Hẹzuronu gbarụ ụkporo awha ugbo ẹto, ọ nwụtaru iya Segubu.

²² Segubu bụ nna Jayi, onye ụkporo mkpụkpu lẹ mkpụkpu ẹto l'alị Giledu shi dụ l'ẹka.

²³ Ọle ndu Geshuru mẹe ndu Arámu bẹ natarụ mkpụkpu mkpụkpu ono, shi bụru nke Jayi, nata whẹ mkpụkpu Kenatu mẹe ụnwu mkpụkpu mkpụkpu, gbawheru iya mgburumgburu. Mkpụkpu ọbu dụkota ụkporo mkpụkpu ugbo ẹto. Ndu lile ono bụkota ẹpa Makiru, bụ nna Giledu.

²⁴ Gẹ Hẹzuronu, bụ nna Kálẹbu nke alị Ifurata nwụhu-geeru b'ọ lụru Abáyija, bụ nyee nna iya, ọ nwụtaru iya Ashuru. Ashuru nwụta Tekowa.

Ẹpa Jerahụmelu nwa Hẹzuronu

²⁵ Ndu ọwaa bụ ụnwu Jerahụmelu, bụ ọkpara Hẹzuronu: Ramu, bụ ọkpara iya, Buna, Orẹnu, Ozẹmu mẹe Ahayija.

²⁶ Jerahụmelu bẹ lụkwaruwho nwanyị ọdo, ẹwha iya bụ Atára. Yẹbedua bụ ne Onamu.

²⁷ Ụnwu Ramu, bụ ọkpara Jerahụmelu bụ Mahazu, Jaminu yẹle Ekaru.

²⁸ Ụnwu Onamu bụ Shamayi mẹe Jada. Ụnwu Shamayi bụru Nedabu mẹe Abyishuru.

²⁹ Ẹwha nyee Abyishuru bụ Abyihelu. Ọ nwụtaru iya Ahụbanu mẹe Molidu.

³⁰ Ụnwu Nedabu bụ: Seledu mẹe Apayimu. Seledu nwụhuru to dobe akọ.

³¹ Nwa Apayimu bụ Íishi. Íishi bụru nna Sheshanu, Sheshanu bụru nna Ahụlayi.

³² Ụnwu Jada, mbụ nwune Shamayi nke nwoke bụ Jeta mẹe Jonatanu. Jeta nwụhuru to dobe akọ.

³³ Ụnwu Jonatanu bụ Peletu mẹe Zaza. Ndu ono bụ ẹpa Jerahụmelu.

³⁴ Sheshanu ta anwụtadu unwoke. Ọo ụnwanyi b'ọ nwụshiru kpụ. O nweru onye Íjiputu, shi bụru ohu iya, ẹwha iya bụ Jaruha.

³⁵ Sheshanu woru nwa iya nwanyị kee Jaha, bụ ohu iya t'ọ bụru nyee ya. Ọ nwụtaru iya Atayi.

³⁶ Atayi bụ nna Nétanu, Nétanu bụru nna Zabadu,

³⁷ Zabadu bụru nna Efulalu, Efulalu bụru nna Óbẹdu,

³⁸ Óbẹdu bụru nna Jehu, Jehu bụru nna Azaríya,

³⁹ Azaríya bụru nna Helezu, Helezu bụru nna Eleyasa,

⁴⁰ Eleyasa bụru nna Sisumayi, Sisumayi bụru nna Shalumu,

⁴¹ Shalumu bụru nna Jekamiya, Jekamiya bụru nna Elishama.

Ẹpa Kálẹbu

⁴² Ndu ọwa bụ ụnwu Kálẹbu, bụ nwune Jerahụmelu nke nwoke: Misha bụ ọkpara iya. Misha ono bụ nna Zifu. Nwa Kálẹbu ọdo bụ Maresha. Maresha bụ nna Hiburọnu.

⁴³ Ụnwu Hiburọnu bụ Kora, Tapuwa, Rẹkemu mẹe Shema.

⁴⁴ Shema bụ nna Rahamu. Rahamu bụru nna Jọkamu. Rẹkemu bụ nna Shamayi.

⁴⁵ Nwa Shamayi bụ Mawonu. Mawonu bụru nna Betu-zuru.

⁴⁶ Nwanyị, Kálẹbu l'ẹte alụa l'ọkpoku nwanyị, ẹwha iya bụ Ifa bẹ nwụtaru Háranu nwụta Moza nwụta Gazezu. Háranu bya abụru nna Gazezu.

⁴⁷ Ụnwu Jahudayi bụ Regemu, Jótamu, Geshanu, Peletu, Ifa ọwaa Sháfu.

⁴⁸ Nwanyị, Kálẹbu l'ẹte alụa l'ọkpoku nwanyị, bụ Maaka bẹ nwụtaru Shebe mẹe Tirihana.

⁴⁹ Ọ kwa iya whọ nwụtaru Sháfu, bụ onye metaru Madumana, nwụta Sheva, bụ onye metaru Makubyina mẹe Gibyiya. Nwa nwanyị, Kálẹbu nwụtaru bụ Akusa.

⁵⁰ Ọ waa ẹpa Kálẹbu ndọwa: Ụnwu Họru, bụ iya bụ ọkpara Ifurata, bụ nyee Kálẹbu bẹ bụ: Shobalu, bụ onye metaru Kiriyatu-jeyarimu,

⁵¹ mẹe Salụma, bụ onye metaru Bẹ́tulehemu, mẹe Harifu, bụ onye metaru mkpụkpu Geda.

⁵² Ọ waa ẹpa Shobalu, bụ onye metaru Kiriyatu-jeyarimu ndọwa: Ọo ya nwụru Harowe, nwụa onye metaru nkerẹbo ndu mkpụkpu Menuhọtu.

⁵³ Ndu ọwaa bụ ndu ẹnya-uwhu Kiriyatu-jeyarimu: ndu Itiru, ndu Putu, ndu Shumatu ọwaa ndu Mishura. Ọo l'ẹka ndu ono bẹ ndu Zora mẹe ndu Ẹshutawolu shi futa.

⁵⁴ Ndu ọwaa bụ ndu ẹnya-uwhu Salụma: ndu mkpụkpu Bẹ́tulehemu, ndu mkpụkpu Netofa, ndu mkpụkpu Atụrotu-betu-jowabu, ndu nkerẹbo mkpụkpu Manahatu, ọwaa ndu mkpụkpu Zora.

⁵⁵ Ndu bụ ẹnya-uwhu ndu o-de-ẹkwo, bụ ndu bu lẹ mkpụkpu Jabẹzu bụ: ndu Tiratu, ndu Shimeya ọwaa ndu Suka. Ndu ono bụ ndu Kenu, mbụ ndu shi l'eri Hámatu, bụ nna ndu ọzo-ụlo Rekabu.