ETSISABURI 8 - EBAIBO INZIENUKHU

Obukhongo bwa Nyasaye nende oluyali lwomundu

¹ E OMWAMI, Nyasaye wefwe, obukhongobwo bulolekhanga musibala siosi! Okhwitsoomibwa khukhwo khwolanga nomwikulu;

² abaana abatoro nende ababuukha babwembanga. Ibe onyoolanga omulembe nende okhusoolwa khubasuku baabo; osiling'anianga yabo abakhufukulanga.

³ Olwa menganga khwikulu lilio, elia walomba, khumwesi nende khutsinyininyini etsia wasichikha mubukono bwatsio,

⁴ omundu ali sina, kho omupaalenjekhwo; omundu namundu butswa niye owohendelanga?

⁵ Nebutswa Ibe wamulomba oweisikhwo hatu khuibe, Nyasaye; wamubiikha olusimbi lwoluyali nende olwolukoosi.

⁶ Wali okhumwela mbu yamihe khubindu biosi ebia walomba; wamubiikha okhuba ikulu webindu biosi ebia walomba:

⁷ Amakondi kosi nende tsing'ombe, khandi nende etsisolo tsiomubulimo;

⁸ amanyonyi nende tsisutse nende ebilonje biomutsinyanza.

⁹ E Nyasaye, OMWAMI wefwe, obukhongo bubwo bulolekhanga musibala siosi!