ETSISABURI 6 - EBAIBO INZIENUKHU

Obusaayi bwokhureeba obukhonyi munyinga tsiesibi

¹ OMWAMI, orangondekhela olwoli nelileko tawe; kata orambelesia esinyasio mwirimalio tawe.

² Umbeele esirenda OMWAMI, okhuba mbwetsekheleye! Umbonie okhuba njonyele okhusila

³ ne omubili kwanje kwosi kuli musibi esikali. OMWAMI, nosisil'le okhukhonya ise okhwola lina?

⁴ Witse umbonie, OMWAMI, mumbabasi tsitsio umbonie mulufu.

⁵ Musibala sie Makombe ibe siwitsul'lwangamwo tawe. Abulaho onyala okhukhwitsoomia ebwene yila.

⁶ Mbwetsekheleye khulwe esibeela; siobutukhu esitanda sianje sitsinzibanga khulwa amasika kanje; okhulakaya khwanje khurelemianga esirili sianje.

⁷ Sindi onyala okhulola tawe; tsimoni tsianje tsisimbile khulwo okhulakaya okhwabasuku banje bander'ranga.

⁸ Murule khu ise, inywe abakholi bobubi! OMWAMI ahul'langa okhulakaya khwanje;

⁹ ahul'langa okhulakaya khwanje khwokhureeba obukhonyi, naye alakalusia amasaayo kanje.

¹⁰ Abasuku banje bosi balasimbibwa emirwe, nibanyasibwa okhusila; balakalukha inyuma, balasimba emirwe bungoyingoyi.