ETSISABURI 3 - EBAIBO INZIENUKHU

Obusaayi bwamukamba obwokhureeba obukhonyi

¹ OMWAMI, mako obwa abasuku banje bali abenji! Nabenji okhusila yabo abaafukulanga.

² Bal'lomanga khu ise nibaboola mbu, “Nyasaye sinamukhonye tawe.”

³ Nebutswa ibe, OMWAMI oli singa esikhumba sianje esiokhusinga musibi; umbelesianga obulechi niungalusisia olutswoni lwanje.

⁴ Nanganga OMWAMI mbu yakhonye, naye yangalusianga okhurula khusikhulu sie esitsienukhu.

⁵ Ndeyalisianga hasi ningona tsindoolo, ne OMWAMI yanindanga obutukhu bwosi.

⁶ Siriisibwanga nabasuku etsielefu, abambotokhananga tsimbeka tsiosi tawe.

⁷ Buukha OMWAMI! Umbonie Nyasaye wanje! Ibe ohaane esinyasio khubasuku banje bosi, ma obanuule tsingufu tsiokhusalisia.

⁸ Obulechi burulanga khu MWAMI – OMWAMI ahe abandube tsikhabi.