ETSISABURI 15 - EBAIBO INZIENUKHU

Aka OMWAMI arunanga mubandu

¹ OMWAMI, niwina awakhenjile mu Hekaluyo? Niwina awakhamenyenje Sayuni, khusikulusio esitsienukhu?

² Nomundu uyo ohulilanga Nyasaye mumang'ana kosi, nakhola akali amalunji khasotso, khandi owamang'ana kaake kali amakol'lokhu khandi amasiyikhu.

³ Nomundu orachiikhanga abasie tawe, khandi orakhol'langa abasie obubi tawe. Khandi orekhal'langa abarende tawe.

⁴ Omundu uyo achaayanga yabo aba Nyasaye yasuula, nebutswa akoosianga yabo abahulilanga OMWAMI. Yesuhanga imbeli wa Nyasaye mbu nakhole akayesuhanga, ne sakalukhananga mumang'ana kaake tawe.

⁵ Ye ahaananga omukanji sila okunyoola injelesio, ne sianyala okhubukula esihetso okhuyinga uyo ourali nesikha. Omundu okholanga yaka alaba nomulembe khasotso.