ETSISABURI 13 - EBAIBO INZIENUKHU

Obusaayi bwokhureeba obukhonyi

¹ Olatsilil'la okhunzibil'la okhwola lina OMWAMI? Naunzibil'le inziayo noho? Olatsilil'la okhubisa obweni bubwo okhurula khu ise okhwola lina?

² Nanzilil'le okhwefwila eminyakhano okhwola lina? Esibeela nasiire omwoyo kwanje obutukhu nom'basu okhwola lina? Abasuku banje nabatsilil'le okhundeka okhwola lina?

³ Umenge ma ungalusie, E OMWAMI Nyasaye wanje. Okalusie obulamu bwanje khase ndakhafwa.

⁴ Oralekha abasuku banje baboole mbu, “Khumal'le okhumuleka.” Oralekha basangale olwa ngwiye hasi tawe.

⁵ Ndeletanga mubuyanzi bubwo oburubilu. Nasangale sichila ibe olambonia.

⁶ Nakhwembele ibe, E OMWAMI, sichila waimbeleye esirenda.