ETSISABURI 11 - EBAIBO INZIENUKHU

Olutswoni Oluralilu mu MWAMI

¹ Subilanga mu MWAMI khulwo mulembe kwanje; Inywe mwakhambool'la mbwena, “Yilukhila khubikulu singa linyonyi,

² sichila ababi bakhwesele obuyingo, ma barekele tsisele tsiabwe okhuchilasa musiilima khubandu abalunji.

³ Sibulaho esiomundu omulunji anyala okhukhola, olwemisinji chiamalako chiononibwanga.”

⁴ OMWAMI ali muhekalu yiye inzienukhu; ali noluruba lulwe, mwikulu. Ahengelesianga abandu siahabundu hosi, ma amanya akabakholanga.

⁵ Ateemanga omulunji nende omubi okhuhelana, nebutswa omwoyo kukwe kubihil'lwanga abasiamu.

⁶ Akwisianga amanda komul'lo nende obunora bwomul'lo khubabi. Abasalisianga nomuyeka okusambanga.

⁷ OMWAMI nomulunji khandi wayanza emilimo emilahi; yabo abachikholanga balamenya halala n'naye.