ETSISABURI 1 - EBAIBO INZIENUKHU

ESITAPU SIOKHURANGA ( Etsisa. 1—41 ) Noweikhabi uyo oli omulunji

¹ Noweikhabi omundu oralondanga obutsechiyi bwabandu ababi, khandi oralondanga ifwo yaboni, kata okhusanga neyabo abakhol'langa Nyasaye inzekhelesi.

² Nebutswa asangal'langa okhuhesia Amalako ko MWAMI, nokhukanil'la khuko obutukhu nom'basu.

³ Omundu uyo afwananga omusaala okwasimikhwa hamichela chiamaatsi, okwamanga ebiamo munyinga indahi, amasafu kakwo sikanialanga tawe. Kosi aka akholanga kali mwo tsikhabi.

⁴ Nebutswa ababi sibali mbwo tawe; bo bafwana omukhuutsi okwomuyeka kuhilanga.

⁵ Ababi balakhalachilwa esiina na Nyasaye; Khandi balabiikhwa ehale okhurula khubandu ba Nyasaye.

⁶ Abalunji bemel'lwanga nibalindwa nende OMWAMI, nebutswa ababi bakhatibe.