ཧིབ་རུ་ལེའུ་ 4 - རྫོང་ཁ་

དཀོན་མཆོག་གི་ངལ་འཚོ་སར་འཛུལ་ནིའི་སྐོར།

¹ ད་དཀོན་མཆོག་གིས་ང་བཅས་ལུ་ ཁོ་གི་ངལ་འཚོ་སར་འཛུལ་ནི་ཐོབ་ཟེར་ ཁས་བླངས་བཞེས་ཏེ་ཡོད་པ་ཅིན་ ཁྱེད་ཀྱི་གྲལ་ཁ་ལས་ གཅིག་གིས་ཡང་འཐུས་མ་ཤོར་བར་ དེ་ཁར་ལྷོད་ནི་འདི་ རིགཔ་བསྒྱིམ་སྟེ་སྡོད་དགོ།

² ཁོང་ལུ་གཏམ་བཟང་བཤད་གནང་དོཝ་བཟུམ་སྦེ་ ང་བཅས་ལུ་ཡང་བཤད་གནང་ཡི་ དེ་འབདཝ་ད་ ཁོང་གསུང་སྐད་གོ་མི་ཚུ་ དད་པ་གི་ཐོག་ལས་མ་ཉན་ནི་འདི་གིས་ རྣ་བ་གོ་མི་གསུང་འདི་གིས་ ཁོང་ལུ་ཕན་མ་ཐོགས་པས།

³ ག་ཅི་སྨོ་ཟེར་བ་ཅིན་ ང་བཅས་དད་པ་བསྐྱེད་མི་ཚུ་རྐྱངམ་གཅིག་ ཁོ་གི་ངལ་འཚོ་སར་འཛུལ་ནི་ཐོབ་ ཧེ་མ་དཀོན་མཆོག་གིས་དེ་སྦེ་གསུངས་ནུག ཁོང་ནམ་ཡང་ ངེ་གི་ངལ་འཚོ་སར་འཛུལ་བ་འོང་མི་ཚུགས་ཟེར་ ང་ཙིགཔ་ཟ་སྟེ་མནའ་འབོ་ཅི། མ་གཞི་ དེ་སྦེ་གསུངས་ཏེ་འབད་རུང་ དཀོན་མཆོག་གི་མ་འོང་པའི་ཕྱག་ལཱ་ཚུ་གི་འཆར་གཞི་དེ་ འཛམ་བུ་གླིང་མཛད་པའི་བསྒང་ལས་ར་ གྲ་སྒྲིག་སྦེ་མཛད་དེ་ཡོད།

⁴ ག་ཅི་སྨོ་ཟེར་བ་ཅིན་ གསུང་རབ་ནང་ལུ་ བདུན་ཕྲག་གི་ཉིནམ་བདུན་པའི་སྐོར་ལས། དཀོན་མཆོག་གིས་ཕྱག་ལཱ་ཚུ་ག་ར་སྒྲུབ་ཚར་ཏེ་ ཉིནམ་བདུན་པ་ལུ་སྐུ་ངལ་གནང་ཡི་ཟེར་ བྲིས་ཏེ་འདུག

⁵ ད་རུང་གསུང་རབ་ནང་། ཁོང་ནམ་ཡང་ ངེ་གི་ངལ་འཚོ་སར་འཛུལ་བ་འོང་མི་ཚུགས་ཟེར་ གསུངས་ནུག

⁶ དེ་འབདཝ་ད་ ཧེ་མ་གི་མི་ཚུ་གིས་ གཏམ་བཟང་གོ་སྟེ་འབད་རུང་ དེ་ལུ་མ་ཉན་ནི་དེ་གིས་ དཀོན་མཆོག་གི་ངལ་འཚོ་སར་འཛུལ་ནི་མ་ཐོབ་པས་ ཨིན་རུང་ མི་ལ་ལུ་ཅིག་ ཐད་རི་བ་རི་ཁོ་གི་ངལ་འཚོ་སར་འཛུལ་ནི་ཨིན།

⁷ དེ་འབདཝ་ལས་ དཀོན་མཆོག་གིས་ ད་རུང་ངལ་འཚོ་སར་འཛུལ་ནིའི་གོ་སྐབས་གནང་ནི་སྦེ་ དུས་ཚོད་ཚུ་ལས་ ད་རེས་ཀྱི་ཉིནམ་འདི་ བཙག་འཐུ་མཛད་ནུག་ ལོ་ལེ་ཤ་གི་ཤུལ་ལས་ ཁོ་གིས་ཧེ་མ་གསུངས་དོཝ་བཟུམ་སྦེ་ རྒྱལཔོ་ ད་བིད་ལས་རྒྱུད་དེ། ད་རེས་ཁྱེད་ཀྱིས་ ཁོ་གི་གསུང་སྐད་འདི་གོ་བ་ཅིན་ ཁྱེད་ཀྱི་སེམས་སྲ་ཀྲག་མ་བཟོ་ཟེར་ ལོག་སྟེ་གསུངས་ནུག

⁸ ཡོ་ཤུ་ཨ་གིས་ ཁོང་ ཨཱིས་ར་ཨཱེལ་པ་ཆ་ཁྱབ་ལུ་ ངལ་འཚོ་བྱིན་བྱིནམ་ཨིན་པ་ཅིན་ དཀོན་མཆོག་གིས་ཤུལ་མའི་ཉིནམ་འདི་ ད་རེས་ཨིན་ཟེར་ འདི་གི་སྐོར་ལས་མ་གསུངསམ་འོང་།

⁹ དེ་འབདཝ་ལས་ དཀོན་མཆོག་གི་མི་ཚུ་གི་དོན་ལུ་ ངལ་འཚོ་བའི་ཉིནམ་གི་ངལ་གསོ་བཞག་གནང་སྟེ་ཡོད།

¹⁰ ག་ཅི་སྨོ་ཟེར་བ་ཅིན་ དཀོན་མཆོག་གིས་ ཁོ་རང་གི་ཕྱག་ལཱ་ཚུ་ག་ར་མཛད་ཚར་ཞིནམ་ལས་ སྐུ་ངལ་གནང་གནངམ་བཟུམ་སྦེ་ དཀོན་མཆོག་གི་ངལ་འཚོ་ནང་འོང་མི་ག་ར་གིས་ཡང་ ཁོང་གི་ལཱ་ནང་ལས་ངལ་གསོ་སྦེ་སྡོདཔ་ཨིན།

¹¹ དེ་འབདཝ་ལས་ དཀོན་མཆོག་གི་བཀའ་ལུ་མ་ཉན་མི་ཚུ་གི་དཔེ་བལྟ་སྟེ་ ང་བཅས་འཐུས་མ་ཤོར་བར་སྡོད་དེ་ ཨ་ནི་ངལ་འཚོ་ནང་འོང་ནི་གི་དོན་ལུ་རྩ་འགེངས་ཏེ་སྡོད་དགོ།

¹² ག་ཅི་སྨོ་ཟེར་བ་ཅིན་ དཔའ་རྟགས་རྣོས་ཁིག་ཁི་ ཁ་གཉིས་འབད་མི་གིས་ ཚིགས་དང་རུ་ཏོ་གི་རྐང་ཚུ་སོ་སོ་འཕྱལ་ཏེ་ དོང་སྤེད་དོཝ་བཟུམ་སྦེ་ དཀོན་མཆོག་གི་གསུང་དེ་ གསོན་པོ་དང་ཤུགས་ཅན་ཅིག་སྦེ་ ལཱ་འབད་མི་ཨིནམ་ལས་ སེམས་དང་སྲོག་ སེམས་ནང་གི་མནོ་བསམ་དང་འདོད་པ་ཚུ་ཡང་བརྟག་ཞིབ་མཛདཔ་ཨིན།

¹³ དཀོན་མཆོག་གི་གཟིགས་སར་ གསར་སྐྲུན་ཚུ་ གཅིག་ཡང་ སྦ་བཞག་མ་ཚུགསཔ་མ་ཚད་ ཁོ་གི་སྐུ་མདུན་ ག་ར་གསལ་ཏོག་ཏོ་དང་ ཧིང་སངས་ས་སྦེ་ཡོད་ ང་བཅས་ཀྱིས་ ག་ཅི་རང་འབད་རུང་ འདི་གི་རྩིས་དེ་ཕུལ་དགོ།།

ཡེ་ཤུ་མཁན་ཆེན་ཨིན་པའི་སྐོར།

¹⁴ དེ་ལས་ང་བཅས་ཀྱི་དོན་ལུ་ཞིང་ཁམས་ནང་ན་ལུ་བྱོན་ཏེ་བཞུགས་མི་ དཀོན་མཆོག་གི་སྲས་ཡེ་ཤུ་དེ་ མཁན་ཆེན་ལས་ཡང་ཆེ་ཤོས་ཨིནམ་ལས་ ང་བཅས་ཀྱིས་འཛོམ་དཔང་འབད་མི་དེ་ལུ་ ཐེ་ཚོམ་མེད་པར་ དད་པ་སྒྲིང་སྒྲིང་སྦེ་བསྐྱེད་དེ་སྡོད་དགོ།

¹⁵ ང་བཅས་འཐུས་ཤོར་སྡོདཔ་ད་ མཁན་ཆེན་ཡེ་ཤུ་གིས་མཁྱེནམ་ཨིན་ ག་ཅི་སྨོ་ཟེར་བ་ཅིན་ ང་བཅས་བཟུམ་སྦེ་རང་ ཁོ་ལུ་བར་ཆད་ག་ཅི་བཟུམ་གྱི་ ཉམས་མྱོང་ཡོད་དེ་འབད་རུང་ ཁོ་ལུ་སྡིག་པ་རྩ་ལས་ར་མེད།

¹⁶ དེ་འབདཝ་ལས་ ད་ང་བཅས་བློ་བདེ་པགས་པ་སྦེ་ དཀོན་མཆོག་གི་ཐུགས་རྗེ་ཡོད་སའི་ཁྲི་གི་རྩ་བར་འགྱོ་གེ་ དེ་ལས་ང་བཅས་ཀྱིས་ཁག་ཆེ་བའི་སྐབས་ ཕན་ཐོགས་མི་སྙིང་རྗེ་དང་ཐུགས་རྗེ་ཐོབ་འོང་།