मरकुस 8 - डोगरी नवां नियम

यीशु थमां चार जार लोकें गी खाणा खलाना

¹ उनै धयाडें च, पी बड़ी पीड किठी ओई, ते उन्दे कोल खाण बासतै केछ नेई हा, ते यीशु ने चेलें गी अपने कोल बलाईयै उनेंगी आखया,

² “मिकी एस पीड उपर तरस ओंदा ऐ त्रैं धयाडें थमां ए मेरे कन्ने न, ते इंदे कोल केश खाणे गी नेई ऐ।

³ जेकर आऊँ इनेंगी पुखें गै कर पेजां, तां उनै रस्ते च गै थकी जाना ऐ; किके इंदे बिचा केछ बड़ी दूर थमां आए दे न।”

⁴ ओदे चेलें जबाब दिता, “एस सुनी जगै च इन्नी रुट्टी कोई कुत्थुआं लेई आऊग के ए रजी जान?”

⁵ उनेंगी पूछया, “थुआड़े कोल किनीयां रुट्टीयाँ न?” उनै आखया, “सत्त।”

⁶ पी यीशु ने लोकें गी जमीन च बैठन लेई उक्म दिता, ते ओनें सत रुट्टीयाँ लेतीयां ते पर्मेसरे दा शुकर कित्ता ते ओदे टुकड़े करियै चेलें गी दिते के लोकें गी दियो,

⁷ उन्दे कोल थुड़ीयां मछीयां बी थीयां; यीशु ने उन्दे आस्ते शुक्र करियै उनै गी बी लोकें गी बंडने आसतै आखया।

⁸ ते ओ सारे खाईयै रजी गै, ते उनै बचे दे टुकड़े दियां सत टोखरियां परीयां।

⁹ ते उत्थें लग-पग चार जार लोक हे। ओनें उनेंगी विदा कित्ता,

¹⁰ ते ओ तौलै गै अपने चेलें कन्ने किशती उपर चढ़ीयै दलमनूता जिले च चली गै।

गुरूएं थमां नशानीं दी मांग

¹¹ पी फरीसी आईयै ओदे कन्ने बैस करन लगे, ते उसी परखने आसतै उनै ओदे कोलां एक सोर्ग दा कोई चेन्न मंगया।

¹² ओनें गैरी आत्मा च आखया, “एस पीढ़ी दे लोक कि चेन्न तुपदे न? आऊँ तुसेंगी सच आखना ऐं, के एस पीढ़ी गी कोई नशानीं नेई दिती जाग।”

¹³ ते ओ उनेंगी छुड़ीयै पी किशती उपर बैठे ते गलील दी चील दे दुए पार चली गै।

फरीसियें दे आटे दा खमीर

¹⁴ ते चेलें रुट्टी लेना पूली गेदे हे, ते किशती च उन्दे कोल सेर्फ एक गै रुट्टी ही।

¹⁵ ओनें उनेंगी खबरदार करियै आखया, “दिखो, फरीसियें दे खमीर ते हेरोदेस राजा दे खमीर कोलां चकने रवो।”

¹⁶ ओ एदे बारै च अप्पुं बिचें वचार करा करदे हे। जेड़ा येशु ने आखया, “के साड़े कोल रुट्टीयाँ नेई ऐ न”

¹⁷ यीशु ने ए गल्ल समझदे ओई उनेंगी आखया, “तोस एस सोच-वचार बेच कि पेई गै के थुआड़े कोल रुट्टी नेई ऐ? के अजें तकर नेई जानदे ते नेई समझदे? के थुआड़ा मन कठोर नेई ओई गीया ऐ?

¹⁸ अखीयाँ ओदे ओई के तोस नेई दिखदे? ते कन ओदे ओई के तोस नेई सुनदे? ते के तुसेंगी चेता नेई?

¹⁹ के जेसलै मैं पंज जार लोकें लेई पंज रुट्टीयाँ त्रोड़ीयां, ओसलै तुसैं टुकड़े दियां, किनीयां टोखरियां परीयां?” उनै उसी आखया, “बारा टोखरियां।”

²⁰ “ते जेसलै मैं चार जार दे लेई सत रुट्टीयाँ त्रोड़ीयां हियां ओसलै तुसें टुकड़े दियां किनीयां टोखरियां परीयां?” उनै उसी आखया, “सत टोखरियां।”

²¹ ओसने उनेंगी आखया, “के तोस अजें बी नेई समझदे?”

अनें गी चंगा करना

²² ओ बेतसैदा च आए ते लोकें एक अन्नें गी ओदे कोल अनदा ते ओदे अगें अर्ज कित्ती के उसी ठीक करै।

²³ ओ अन्नें दा अथ्थ पकड़ीयै उसी शैर दे बार लेई गीया ते ओदी अखीयाँ उपर थुकया ते ओदे उपर अथ्थ रखियै उसी पूछया, “के तुगी केछ लबा दा ऐ?”

²⁴ ओनें दिखियै आखया, “आऊँ मनुक्खें गी दिखना, किके ओ मिगी चलदे-फिरदे बूट्टे आला लेखा लबदे न।”

²⁵ पी ओनें दोबारा ओदी अखीयाँ उपर अथ्थ रखया, ते अन्नें ने तयान करियै दिखेया। ओ चंगा ओई गीया, ते सारा केछ साफ-साफ दिखन लगया।

²⁶ ओनें उसी ए आखीयै पेजया, “एस ग्रां बेच पैर बी नेई रखयां।”

पतरस थमां यीशु गी मसीह मननां

²⁷ यीशु ते ओदे चेलें बी बेतसैदा शैर गी शुडीये कैसरिया फिलिप्पी दे घरां च चली गै; रस्ते च ओनें अपने चेलें गी पूछया, “लोक मिगी के गलांदे न?”

²⁸ उनै जबाब दिता, “यूहन्ना पवित्रशनांन देने आला; पर कोई-कोई, एलिय्याह; ते कोई-कोई पविखवक्तें बिचा बी एक गलांदे न।”

²⁹ ओनें उनेंगी पूछया, “लेकन तोस मिगी के बोलदे ओ के मैं कोन ऐ?” पतरस ने उसी जबाब दिता, “तू मसीह ऐ।”

³⁰ पी ओनें उनेंगी समझांदे ओई गलाया के तोस मेरे बारै च कुसे कन्ने नेई बोलयो।

यीशु दा अपनी मौत दे बारै च सनानां

³¹ पी ओ उनेंगी शिखया देन लगया के मनुक्ख दे पुत्तर लेई जरुरी ऐ के ओ दोख चलया, ते प्राचीन, प्रधान याजकें, शास्त्री उसी तोच्छ समझीयै मारी ओड़गन, ते ओ त्रिये देन च जिन्दा ओई जाग।

³² ओनें ए गल्ल साफ-साफ बोली ओड़ी। एस उपर पतरस उसी बखरै लेईयै निखरना लगया,

³³ लेकन ओसने मुड़ीयै अपने चेलें दी बखी दिखया, ते पतरस गी डाटीये आखया, “ए शतान, मेरे अग्गें दा दूर ओ; किके तू परमेसर दियें गल्लें उपर नेई, लेकन मनुक्खें दी गल्लें उपर मन लाना ऐं।”

चेला बनने दा मतलब

³⁴ ओनें पीड गी अपने चेलें समेत कोल बलाईयै उनेंगी आखया, “जेड़ा मेरे पिछें औना चा, ओ अपने आप दा एनकार करै ते अपनी सूली चुकियै, मेरे पिछें आई जा।

³⁵ किके जेड़ा कोई अपना प्राण बचाना चा ओ उसी गुआग, लेकन जेड़ा कोई मेरे ते शोभ समाचार लेई अपना प्राण देग, ओ उसी बचाग।

³⁶ जेकर मनुक्ख सारी दुनिया गी आसल करी लै ते अपने प्राण दा नुक्सान करग, तां उसी के फायदा ओग?

³⁷ मनुक्ख अपने प्राण दे बदलै के देग?

³⁸ एसकरी जेड़ा कोई एस व्यभिचारी ते पापी जाती दे बेच मेरे कन्ने ते मेरी गल्लें कन्ने शरमिन्दा ओग, मनुक्ख दा पुत्तर बी, जेसलै अपने प्यो दी मैमा च पवित्र सोर्गदूतें दे कन्ने औग, ओसलै आऊँ उन्दे लेई बी शरमिन्दा ओगा।”