मत्ती 26 - डोगरी नवां नियम

यीशु दी अत्या दा सलहा-मशवरा

¹ जेसलै यीशु ए सब गल्लां आखी चुकया तां पी अपने चेलें गी आखन लगया,

² “तोस जांनदे ओ के दो देन बाद फसह दा त्यार ऐ, ते मनुक्ख दा पुत्तर सूली उपर चढ़ाए जाने आसतै पड़काया जाग।”

³ ओस बेलै प्रधान याजकें ते लोकें दे प्राचीन कैफा नां दे महायाजक दे आंगन च किट्ठे ओए,

⁴ ते अप्पुं बिचें बिचार करना लगे के यीशु गी चलाकी कन्ने पकड़ीयै मारी दिचै।

⁵ लेकन ओ आखदे हे, त्यार दे बेलै नेई, कुतै ऐसा नेई उवै के लोकें च कहामां मची जा।

यीशु दे उपर कीमती इत्र ढोलना

⁶ जेसलै यीशु बैतनिय्याह च शमौन कोढ़ी दे कर हा,

⁷ तां उत्थें एक जनांनी कच दे पांढे च बड़ा कीमती खुशबुदार तेल लेईयै ओदे कोल आई, ते जेसलै ओ रुट्टी खाणे गी बैठा हा तां ओदे सिर उपर डोली दिता।

⁸ ए दिखियै ओदे चेलें क्रोधें च ओईए ते बोलन लग्गे, एस दा कि सत्यनाश कित्ता गीया?

⁹ इसी तां चंगी किम्मत उपर बेचियै गरीबें गी बंडोई सकदा हा।

¹⁰ ए सब केश जांनियै यीशु ने उनेंगी आखया, “जनांनी गी कि सतांदे ओ? ओसने मेरे कन्ने पलाई कित्ती ऐ।

¹¹ गरीब थुआड़े कन्ने मेशा रैंदे न, मगर आऊँ थुआड़े कन्ने मेशा नेई रौगा।

¹² ओसने मेरी जिंद उपर जेड़ा तेल डोलया ऐ ओ मेरे दब्बने आसतै कित्ता गीया ऐ।

¹³ आऊँ थुआड़े कन्ने सच आखना ऐं, के सारी दुनियां च जिथें कुतै बी ए शोभ समाचार प्रचार कित्ता जाग उत्थें ओदे एस कम दा जिक्र बी ओसदी याद बेच कित्ता जाग।”

यहूदा इस्करियोती दा विश्वास तरुटनां

¹⁴ ओस बेलै यहूदा इस्करियोती ने, जेड़ा बारां चेलें बिचा एक हा, प्रधान याजकें दे कोल जाईयै आखया,

¹⁵ “जेकर आऊँ उसी थुआड़े अथ्थ पड़काई दियां तां मिगी के देगे?” उनै उसी त्री चांदी दे सिक्के तोलियै देई दिते।

¹⁶ ते ओ उसै बेलै थमां उसी पड़काने दा बेला तुपन लगी पिया।

चेलें दे कन्ने ऐन्त पोजन

¹⁷ अखमीरी रुट्टी दे त्यार दे पैले देन, चेलें यीशु दे कोल आईयै पूछना लगे, “तुं कुत्थें चानां के अस तेरे आसतै फसह दी रुट्टी खाणे दी तयारी करचै?

¹⁸ ओसने आखया, शैर च फलाने मनुक्ख दे कोल जाईयै ओदे कन्ने आखो, गुरु आखदा ऐ के मेरा समां कोल ऐ। आऊँ अपने चेलें दे कन्ने तेरे इत्थैं फसह दा त्यार मनागा।”

¹⁹ खीरी च चेलें यीशु दा उक्म मनया ते फसह तयार कित्ता।

²⁰ केसलै शाम ओई तां ओ बारें चेलें दे कन्ने रुट्टी खाणे गी बैठा।

²¹ जेलै ओ खा करदे हे तां ओसने आखया, “आऊँ थुआड़े कन्ने सच आखना ऐं के थुआड़े चा एक मिगी पकड़ाग।”

²² एस गल उपर ओ मते दूआस ओए, ते अर एक उसी पूछना लगया, “ए गुरु, के ओ आऊँ ऐं?”

²³ ओसने जबाब दिता, “जेस ने मेरे कन्ने थाली अथ्थ पाए दा ऐ, उवै मिगी पड़काग।

²⁴ मनुक्ख दा पुत्तर तां जियां ओदे बारै च लिखे दा ऐ, ओ ओई जानां गै; लेकन ओस मनुक्ख आसतै बसोस ऐ जिदे दवारा मनुक्ख दा पुत्तर पड़काया जन्दा ऐ; जेकर ओस मनुक्ख दा जन्म गै नेई होंदा हा, तां ओस लेई पला होंदा।”

²⁵ ओस बेलै यीशु दे पकड़ाने आले चेलें यहूदा इस्करियोती ने आखया, “ए गुरु, कित्ते ओ आऊँ तां नेई ऐं?” यीशु ने उसी जबाब दिता, “तो गै गलाई उड़या।”

प्रभु पोज

²⁶ जेसलै ओ खा करदे हे तां यीशु ने रुट्टी लेई, ते आशीष मंगीयै त्रोड़ी, ते चेलें गी देईयै आखया, “लियो, खाओ; ए मेरी जिंद ऐ।”

²⁷ पी ओसने कटोरा लेईयै शुकर कित्ता, ते उनेंगी देईयै आखया, तोस सारे एस बिचा पीओ,

²⁸ किके ए बायदा दा मेरा ओ खून ऐ, जेड़ा मतें सारें दे पापें दी माफी आसतै रुडाया जंदा ऐ।

²⁹ आऊँ थुआड़े कन्ने आखना ऐं के दाख दा ए रस ओस धयाडै तकर कदें नेई पीगा, जिंदु तकर थुआड़े कन्ने अपने पिता दे राज बेच नमां नेई पीयां।

³⁰ पी ओ पजन गाइयै जैतून पाड़ उपर गै।

पतरस दे एनकार दी पविखवाणी

³¹ ओस बेलै यीशु ने उंदे कन्ने आखया, “तोस सारे अज्ज गै राती गी मेरे बारै च ठोकर खागे, किके लिखे दा ऐ; आऊँ गुआल गी मारगा, ते झुंड दी पिड्डां तितर बितर ओई जाघंन।

³² लेकन आऊँ अपने जिन्दे ओनें दे बाद थुआड़े थमां पैलैं गलील जिले गी जागा।”

³³ एस गल्ल उपर पतरस ने उसी आखया, “जेकर सारे तेरे बारै च ठोकर खांन तां खांन, लेकन आऊँ कदें बी ठोकर नेई खागा।”

³⁴ यीशु ने ओस कन्ने आखया, “आऊँ तेरे कन्ने सच आखना ऐं के अज्ज गै रातीं कुकड बांग देने थमां पैलैं, तू त्रै बारी मेरे लेई मुकरी जागा।”

³⁵ चेलें पतरस ने ओस कन्ने आखया, “जेकर मिगी तेरे कन्ने मरना बी पौग, तां बी आऊँ तेरे थमां कदें नेई मुकरगा।”

गतसमनी दे बगीचे च प्रार्थना।

³⁶ ओस बेलै यीशु अपने चेलें दे कन्ने गतसमनी नां दे एक जगै च आया ते अपने चेलें गी आखन लगया, “इत्थैं बैठे दे रवो, जेलै तकर आऊँ उत्थें प्रार्थना करगा।”

³⁷ ओ पतरस ते जब्दी दे दौनीं पुत्रें गी कन्ने लेई गीया, ते दूआस ते दुखी ओना लगया।

³⁸ ओस बेलै ओसने उंदे कन्ने आखया, “मेरा जी बड़ा दूआस ऐ, इत्थैं तकर के, के मेरा प्राण निकला करदा ऐ। तोस इत्थैं रुको ते मेरे कन्ने बिजे दे रवो।”

³⁹ पी ओ थुड़ा ओर अग्गें बदियै मुंह दे पार प्या, ते ए प्रार्थना करन लगया, “ए मेरे प्पो, जेकर ओई सकै तां ऐ कटोरा मेरे थमां टली जा, तां बी जियां आऊँ चानां इयां नेई, लेकन जियां तुं चानां उय्यां गै उवै।

⁴⁰ पी ओस चेलें दे कोल आईयै उनेंगी सुतें दें दिखया ते पतरस गी आखया, के तोस मेरे कन्ने एक घड़ी बी नेई बिजे दे रेई सके?

⁴¹ बिजे दे रवो, ते प्रार्थना करदे रवो के तोस परिख्या च नेई पवो; आत्मा तां तयार ऐ, लेकन जिंद कमजोर ऐ।”

⁴² पी ओसने दुई बार जाईयै ए प्रार्थना कित्ती, “ए मेरे प्यो, जेकर मेरे पीते दे बगैर नेई अटी सकदा तां तेरी मर्जी पूरी उवै।”

⁴³ ओस बेलै ओसने आईयै उनेंगी पी सुतें दे दिखया, किके उंदीयां अखीयाँ नींदर कन्ने परोची दीहां।

⁴⁴ उनेंगी शुड़ीयै ओ पी चली गीया, ते उवै गल्ल पी आखीयै त्री बारी प्रार्थना कित्ती।

⁴⁵ ओस बेलै ओसने चेलें दे कोल आईयै उनेंगी आखया, “हूंन सुते दे रवो, ते अराम करो; दिखो, घड़ी आई पूजी दी ऐ, ते मनुक्ख दा पुत्तर पापियें दे अथ्थ पडकाया जंदा ऐ।

⁴⁶ उठो, चलचे। दिखो, मेरा पडकाने आला कोल आई पूजया ऐ।”

यीशु गी बन्दी बनाना

⁴⁷ ओ ए आखा गै करदा हा के यहूदा इस्करियोती, जेड़ा बारें चेलें बिचा एक हा आया, ते ओसदे कन्ने प्रधान याजकें गी ते लोकें दे प्राचीन दी पीड, तलवारां ते सोटे लेईयै आई।

⁴⁸ ओदे पड़काने आले ने उनेंगी ए पता दिते दा हा के “जिसी आऊँ चूमी लैगा ओ उवै ऐ; उसी पकड़ी लियो।”

⁴⁹ ते फोरन यीशु दे कोल आईयै आखया, “ए गुरु, नमश्कार!” ते ओस उसी मता चूमया।

⁵⁰ यीशु ने उसी आखया, “ए मित्र, जेस कम आसतै तुं आएदा ऐं, उसी करी लै।” ओस बेलै उनै कोल आईयै यीशु उपर अथ्थ रखे ते उसी पकड़ी लेता।

⁵¹ ओस बेलै यीशु दे साथियें बिचा एक ने अथ्थ बदाईयै अपनी तलवार खिची लेई ते महायाजक दे दास उपर चलाईयै ओसदा कन कटी दिता।

⁵² ओस बेलै यीशु ने उसी आखया, “अपनी तलवार म्यान च रखी लै किके जेड़े तलवार चालांदे न ओ तलवार कन्ने नाश कित्ते जाघंन।

⁵³ के तुं नेई समझदा के आऊँ अपने पिता अगें अर्ज करी सकना ऐ, ते ओ सोर्गदूतें दी बारां फौजीयें दी पलटन कोलां जादै मेरे कोल हूंन हाजर करी देग?”

⁵⁴ लेकन पवित्र शास्त्र दियां ए गल्लां के ऐसा गै ओना जरुरी ऐ, ए कियां पूरीयां ओगन?

⁵⁵ उसै बेलै यीशु ने पीड गी आखया, “के तोस तलवारां ते सोटे लेईयै मिगी डाकू आला लेखा पकड़ने आसतै निकले ओ? आऊँ अर देन मंदर च बेईयै शिखया दिंदा हा, ते तुसें मिगी नेई पकड़या।

⁵⁶ पर ए सब एसकरी ओया ऐ के पन पविखवक्तें दे वचन पूरे ओंन।” ओस बेलै सारे चेलें उसी शुड़ीयै नसी गै।

कैफा दे अगें यीशु

⁵⁷ ते यीशु दे पड़काने आले उसी कैफा नां दे महायाजक दे कोल लेई गै, जित्त्थें शास्त्री ते प्राचीन किट्ठे ओए दे हे।

⁵⁸ पतरस दूर दा यीशु दे पिछें-पिछें महायाजक दे आंगन तकर गीया, ते अन्दर जाईयै यीशु दी खीरी बेला दिखने आसतै सबकें दे कन्ने बेई गीया।

⁵⁹ प्रधान याजकें ते सारी महासभै यीशु गी मारी ओड़ने लेई ओदे वरोध बेच चुठी गुआई दी तलाश बेच हे,

⁶⁰ लेकन मते सारे चुठे गवाऐं दे औने उपर बी सेई गुआई नेई थोई। ऐन्त बेच दो जन आए,

⁶¹ ते आखया, “एस ने आखे दा ऐ के आऊँ परमेसर दे मंदर गी टाई सकना ऐं ते उसी त्रै दिनें च बनाई सकना ऐं।”

⁶² ओस बेलै महायाजक ने खडोईयै यीशु गी आखया, “के तुं कोई जबाब नेई दिंदा? ए लोक तेरे खलाफ के गवाई दिंदे न?”

⁶³ लेकन यीशु चुप रिया। ओस बेलै महायाजक ने उसी आखया, “आऊँ तुगी जिंदे परमेसर दी कसम दिनां ऐं के जेकर तुं परमेसर दा पुत्तर मसीह ऐं तां साड़े कन्ने आखी दे।”

⁶⁴ यीशु ने ओदे कन्ने आखया, “तो अप्पुं गै गलाई उड़या; पर आऊँ तुगी एबी गलानां ऐं, के उनै कोलां तोस मनुक्ख दे पुत्तर गी समर्थमान दे सजे पासे बैठे दे, ते अम्बर दे बदलें उपर औंदे दिखगे।”

⁶⁵ ओस बेलै महायाजक ने अपने कपड़े फाड़ियै आखया, “एस ने परमेसर दी निंदया कित्ती ऐ, हूंन असेंगी गुआईयें दी के लोड़ ऐ? दिखो, तुसें हूंन ए निंदया सुनी ऐ!

⁶⁶ तोस के समझदे ओ? उनै जबाब दिता, ए मौत दी सजा दे काबल ऐ।”

⁶⁷ ओस बेलै उनै ओदे मुंह उपर थुकया ते उसी मुक्के मारे, दुए चपेटां मारीयै आखया,

⁶⁸ “ए मसीह, साड़े कन्ने पविखवाणी करियै बोल के कोने तुगी मारया?”

पतरस थमां यीशु दा एनकार

⁶⁹ पतरस बार आंगन च बैठा दा हा के एक दासी ने ओदे कोल आईयै आखया, “तुं बी यीशु गलीली दे कन्ने हा।”

⁷⁰ ओसने सारें दे सामनें ए आखदे ओई एनकार कित्ता ते आखया, “आऊँ नेई जांनदा के तुं के आखनी ऐं।”

⁷¹ जेसलै ओ बार डेवढ़ी च चली गीया, तां दुई दासी ने उसी दिखियै उन्दे कन्ने जेड़े उत्थें हे आखया, “एबी तां यीशु नासरी दे कन्ने हा।

⁷² ओसने कसम खाईयै पी मना कित्ता; आऊँ ओस मनुक्ख गी नेई जांनदा।”

⁷³ थुड़े चेर बाद लोक जेड़े उत्थें खड़ोते दे हे, उनै पतरस दे कोल आईयै उसी आखया, “सचमुच तुं बी उंदे बिचा एक ऐं, किके तेरी बोली तेरा पेद खोली दिंदी ऐ।”

⁷⁴ ओस बेलै ओ फटकारनां ते कसम खाणा लगया; “आऊँ ओस मनुक्ख गी नेई जांनदा।” ते फोरन कुकडै बांग देई दिती।

⁷⁵ ओस बेलै पतरस गी यीशु दी आखी दी गल्ल याद आई गेई, “कुकड बांग देने थमां पैलैं तुं मेरा त्रै बारी मैं एनकार करगा।” ते ओ बार जाईयै डोसकी-डोसकी रोनां लगया।