2 TƐSƐLONAIKAITIƐ 2 - DEƲE NIINƐI

Tɔ‐maazu‐vɛtɛ tala nui

¹ A vile na de maliɣii Ziizɛ Kolai vaa ʋai va ta de ɣaa‐lɛɛ ʋai ba ga de tuola wũi, wo veevɛ, nà numaa,

² a mɛ lɛ kɛ ga zii‐ƃeil ga maa ʋilea ɔɔ wo yii ɔ́ wu ziɣi ani wa mɛni na ga de maliɣii na kui ziitia. A mɛ lɛ kɛ ŋɛ na, anɛɛ ƃalaa nu ƃɔɔ wulo ga Gala baa ŋinɛgi ɣa é boga má ɔɔ wo mɛni nu laa woo zu ɔɔ wo mɛni kɔlɔ zu yíɛ bo ga mawɔlɔi wulovɛ gé ya.

³ A mɛ lɛ ƃe ba nu ta ɔ́ wo ɣaa wɔlɔ ga pele ta nɛpɛ. Ƃɔvɛlaale foloi na lɛ ziitia é yɛsu Gala to‐da veaitiɛ ta dɛi wulo ba ɣaʋu pa. Na ɣa ɣɛɛ na nui nii é ga tɔ‐maazu‐vɛtɛ tala nui nà maʋai wulo kɛnɛ ma. Na ɣa ga nui nii su vaazu ƃɔnɔ wosu.

⁴ Tɔ ga nui é ƃɔɔ wɔɔlɔzu yíɛ lo ŋɛni mazii ta nɛpɛ da ta tili ga gala ɔɔ nii ta feli. Tɔ nii ɣɛɛzu ga é Gala po‐ga ziɣi Gala‐feli wɔta walai wu yíɛ bo ga tɔ ɣagi ɣa é ga Gala.

⁵ ?Wo ɣi gɛ lɛ su ga tei dɛ gè ɣɛni wo wɔ vɛ gè nii woni wo ma?

⁶ Wo kwɛ̃ni ga fai nii é maʋaa loozu pulu kɛɛ ʋaa ma maʋaa wulo kɛnɛ ma mawui ma.

⁷ Tɔ‐maazu‐vɛtɛ tala ʋai nii doowugɛi yɛga malii ɣa sa ɣɛɛzu. Nui nii é ƃesaga maʋai luo towaa yɛ kɛɛzu ŋɛ na é yɛsu é ziɣi pelei zu.

⁸ Na ɣa ɣɛɛ na tɔ‐maazu‐vɛtɛ tala nui ɣa sa a wulo kɛnɛ ma, de maliɣii Ziizɛ wɔ gé paa ga zɛʋui nii yá wulo daa vele‐zuvɛ. Towaa su ŋala‐ŋala ga ná kulo ʋai ta páa ʋài.

⁹ Tɔ‐maazu‐vɛtɛ tala nui nii vaa ʋai ɣa ga Seeta na tii. Gaa‐ƃaa ɣaazɔ ɣa ɣɛ zéea maʋaa wuloai è ɣɛ yá ɣɛ faa taniga ɣɛɛzu yíɛ dɛ ga seelea yíɛ faa maa‐wɔlɔ‐wɔlɔga ɣɛ.

¹⁰ Tuƃo‐vele‐yowũ‐wulo ɣaa‐wɔlɔ‐bo faa ɣaazɔ ɣa ɣɛ zéea numai niitiɛ ʋaa ma te zu vaazu ŋala‐ŋalasu, toku ge zei ga tɛ lɛ kɛɛni tɔ wõi ga gaamai ga te valo.

¹¹ Na ma Gala ka gaa‐wɔlɔ gaa‐ƃaa laa ziitizu te ma nii kee ɣaa ƃai, gaa‐ƃai na kɛ fai lɛ ga gaama tiɛ na ziɣi ga gaama,

¹² kɛɛ ʋaa ma niitiɛ ɣaazɔ tɛ lɛ gaamai maʋaa ziɣini ga gaama, kɛ̀ to mu tele‐bo tala luoi ziɣiai te vɛ ga ta yii‐ma‐ɣɛi, faa yɛ natiɛ ma.

Balo ʋeaitiɛ wulo ʋai su

¹³ Kɛ̀ tɔ ga gé vaa ʋaa, nà numaa, ga gé Gala mama wo maʋaa ma ga ɣee nɛpɛ, wai wo wõiyai de maliɣii vɛ, Ƃɔvɛlaale Gala ge yee ƃadoni wo va ga wo ɣɛ ga nu maa wũ wo valo. Towaa ɣɛ fai niitiɛ zaala zu: Natiɛ ta ga wo wuloi Gala baa ŋinɛgi boga su ga Gala na dɔa ta wo lai wo boga ga gaamai.

¹⁴ Na ɣa Gala ge wo liliga ma woo niinɛ vagɔi zu gé boga wo ma, kɛɛ ʋaa ma wo de maliɣii Ziizɛ Kolai na saala‐malai maa zɔlɔ wo.

¹⁵ Na ma, nà numaa, a lo kpãa wo ɣata de yaa ʋai nii va gé wo ɣala boni su gé laa woo zu ɔɔ kɔlɔi nii zu gé ponɛni wo wo.

^16-17 De ɣeea Gala é de wõini. É kɛɛni gaa‐nɛkpɛ gíɛ wo ga diɛ wɔlɔ‐wɔlɔ ta wɔlɔ‐wɔlɔ é ki‐to pagɔ wo wɔnɔ ga diɛ maa‐wõi‐ɣaa ƃɔ‐bai zaala zu. De maliɣii Ziizɛ Kolai tɔ ɣagi ƃɔga de ɣeea Gala nii ta wo yii ɣaa nɛkpɛ fãa ga wo tii vagɔ mazii ɣaazɔ ɣɛ wiɛ woo vagɔ wo.