ཐེ་ས་ལོ་ནི་ཀེ་​དང་པོ། 5 - དོལ་པོ།

ལེའུ་ལྔ་པ། ཇོ་བོ་​ཡེ་ཤུ་​ཡང་དང་​ཕེབས་​འོང་​གི་སྐོར།

¹ ཁྱེད་​སྤུན་ཟླ་ཀྱ། ཁོང་ཕེབས་པའི་​དུས་​དིང་​ཟླ་བ་​ཚེ་གྲངས་དེ་ཅི་གི་ཞིག་ཡིན་དི་ཉེད་ཀྱ་ཀྱིས་ཧ་​མི་​གོ་​འོད་​ཟིན་​སྨྲས་​ཚར་​འོད། ཡང་​དེའི་​སྐོར་​ལེ་​ཉེད་ཀྱ་ཀྱིས་ཁྱེད་​ཀྱ་​ལེ་​ཡི་གེ་​ནང་​ལེ་​འབྲི་​ལས་​བགྱིད་​དགོས་​མི་​འདུག

² མཚན་མོའི་​དུས་​ལེ་​རྐུན་མ་​སླེབས་པི་ཅོག་འདྲ། ཇོ་བོ་ཡང་དང་​ཕེབས་​འོང་​རྒྱུ་​ཡིན་​དི་​ཉིན་མ་དེ་ནི། ཁྱེད་​ཀྱ་​ཀྱིས་​གསལ་པོ་​ཧ་​གོ་​འོད་​དིག

³ མི་​ཀྱ་​ཀྱིས་​ད་​བདེ་འཇམ་​ཡིན་​ཟེར་​རི་​དུས་​ལེ། བུད་མེད་​སྐྱེས་​རྒྱུ་​འོད་ཡོད་​ཀྱ་​སྐྱེ་​ཟུག་​རྒྱག་​གི་​ཅོག་འདྲ། དེ་ལོང་མེད་​མི་དེ་​ཀྱ་​ལེ་​རྐྱེན་ངན་​འབྱུང་​ཕེན། རྐྱེན་ངན་​དེ་ལེ་​གཡོ་ཐབས་​ཞིག་​ཟང་​མེད་​དིག

⁴ ཡིན་ནའང་​། ཁྱེད་​སྤུན་ཟླ་ཀྱ། མུན་ནག་​ནང་​ལེ་​མ་​ལུས་​འོད་​ཕེན། ཉིན་མ་​དེའི་​དུས་​ལེ་​རྐུན་མ་​སླེབས་པི་ཅོག་འདྲ་​ཁྱེད་​ཀྱ་​ཧ་ལས་​སྣང་མ་​བགྱིད་​ཅིག

⁵ ཅི་ལེ་​ཟེར་​ནི། འུ་​ཀྱ་​ནི་​ཉིན་མོ་​དིང་​འོད་ཟེར་​ཁོངས་​གཏོགས་ཀྱི་​མི་ཡིན་​ཕེན། མཚན་མོ་​དིང་​མུན་ནག་​གི་ཁོངས་​གཏོགས་ལེ་​འོད་ཡོད་​མི་ཅོག་འདྲ་མ་​དིག

⁶ འོ་དེ་​ལེ་​བརྟེན་​ཏེ། འུ་​ཀྱ་​མི་​གཞན་མ་​ཅོག་འདྲ་​གཉིད་​མ་​ཤོར་​ཏེ། དུས་རྟག་ཏུ་​དོགས་ཟོན་​དིང་​སྤྱང་​ཧྲིག་ཧྲིག་​གྱིས་ཤིག

⁷ གཉིད་​ཁུག་མཁན་ཀྱ་​ནི་​མཚན་མོ་​གཉིད་​ཁུག​་གི་​དིང་། ཡང་ཆང་​བཟི་མཁན་​ཀྱ་​ནི་མཚན་​མོ་ཆང་བཟི་​འོད་དིག

⁸ ཡིན་ནའང་​། འུ་​ཀྱ་​ནི་​ཉིན་མོ་​དིང་​འོད་ཟེར་གྱི་​ཁོངས་​གཏོགས་ལེ་​འོད་ཡོད་​མི་​ཡིན་​ཕེན། རང་གིས་​རང་​ལེ་​གཅུན་​དགོས་འོད་དིག དཔེར་ན། དམག་​རྒྱག་རྒྱ་​དམག་མི་​ཀྱ་​ཀྱིས་​རང་གི་​ལུས་ལེ་​ལྕགས་​ཀྱི་​བྲང་ཁེབས་​གྱོན་​པི་ཅོག་འདྲ། འུ་ཀྱ་ཀྱིས་ཟང་རང་གི་སེམས་ལེ་དད་པ་​དིང་​བྱམས་པ་དེ་གྱོན་ཞིག ཡང་དམག་མི་ཀྱ་རང་གི་མགོ་​ལེ་​ལྕགས་​གི་​ཞྭ་མོ་​གྱོན་​པི་ཅོག་འདྲ། འུ་ཀྱ་ལེ་འོད་ཡོད་ཐར་པའི་རེ་བའི་ཞྭ་མོ་དེ་གྱོན་ཞིག

⁹ ཅི་ལེ་ཟེར་ནི། དཀོན་མཆོག་​གིས་​འུ་​ཀྱ་​ལེ་​ཐུགས་​ཁྲོ་བའི་​ཉེས་ཆད་​ཕོག་​རྒྱུ་ཆེད་དུ་​བསྐོས་​པི་​མ་​དིག འུ་​ཀྱ་​ལེ་​སྐྱབས་མགོན་​ཇོ་བོ་​ཡེ་ཤུ་​བརྒྱུད་​ནས་​ཐར་བ་​ཐོབ་​རྒྱུ་​ཆེད་དུ་​བསྐོས་​གནང་​པི་དིག

¹⁰ ཡང་​སྐྱབས་མགོན་​ཡེ་ཤུ་​དིང་​སྐྱེན་​ལེ་​འུ་​ཀྱ་དུས་​མཐའ་མེད་མེད་སྡོད་​རྒྱུ་འབྱོར་རྒྱུ་ཆེད་དུ། ཁོང་འུའི་དོན་ལེ་སྐུ་གྲོངས་​པི་​དིག ད་འུ་​གསོན་པོ་​ཡིན་ནའང་། ཡང་ནི། ཤིན་པོ་ཡིན་ནའང་། ཁོང་​ཡང་དང་​ཕེབས་​འོང་​རྒྱ། འུ་ཀྱ་ཁོང་​གི་​སྐྱེན་​ལེ་​སྡོད་​རྒྱུ་​འབྱོར་​གྱི་​དིག

¹¹ འོ་དེ་ལེ་བརྟེན་ཏེ། ད་ཁྱེད་​ཀྱ་​ཀྱིས་གཅིག་​གིས་​གཅིག་​ལེ་​སེམས་གསོ་བགྱིད་འོད་དི་ཅོག་འདྲ། ད་རུང་​ཟང་གཅིག་གིས་གཅིག་​ལེ་​དད་པ་དེ་བརྟན་དུ་​གཏོང་​དགོས་འོད་དིག

ཕོལ་ལོལ་གྱིས་​མཇུག་​མཐའ་མའི་​བསླབ་བྱའི་སྐོར།

¹² ཁྱེད་​སྤུན་ཟླ་ཀྱ། ཉེད་ཀྱ་ཀྱིས་​ཁྱེད་​ལེ་​བསླབ་བྱ་​བརྒྱབ་​པི་​ཅོག་འདྲ། ཁྱེད་ཀྱ་ཀྱི་ནང་ནས་ཁྱེད་ཀྱ་ཀྱི་དོན་​ལེ་​བརྩོན་འགྲུས་​བགྱིད་​མཁན་​ཀྱ་​ལེ་​བརྩི་བཀུར་​གྱིས་​ཤིག མི་​དེ་​ཀྱ་​ཀྱིས་​ཇོ་བོའི་​ཞབས་ཕྱི་​ཞུས་​ཏེ། ཁྱེད་​ཀྱ་​ལེ་​འགོ་ཁྲིད་​མཁན་དིང་བསླབ་བྱ་​སྟོན་མཁན་ཡིན་དིག

¹³ ཡང་​ཁོང་ཀྱ་​ཀྱིས་བྱས་པའི་ལས་ཀ་དེ་ལེ། ཁྱེད་​ཀྱ་​ཀྱིས་​ཟང་ཁོང་​རྣམས་པ་​ཀྱ་​ལེ་​བྱམས་སེམས་​བྱས་ཏེ། རྟག་ཏུ་​བརྩི་བཀུར་​བགྱིད་​དགོས་​པི་​མ་ཟད​། ཁྱེད་​ཀྱ་​ཕན་ཚུན་​བར་​ལེ་ཟང་གྲོས་མཐུན་​དིང་​ཞི་འཇམ་ངང་​ལེ་​སྡོད་​ཅིག

¹⁴ ཁྱེད་སྤུན་ཟླ་ཀྱ། ཉེད་ཀྱ་ཀྱིས་ཁྱེད་​ཀྱ་​ལེ་​སྐུལ་མ་གཏོང་​གྱོ་འོད​། ལས་མི་བགྱིད་​མཁན་​ཀྱ་​ལེ་བསྐུལ་བརྡ་གཏོང་ཞིག སེམས་ཤུགས་ཆག་པའི་​མི་​ཀྱ་​ལེ་​སེམས་གསོ་​གཏོང་ཞིག སྐྱོ་པོ་​ཀྱ་​ལེ་​རོགས་རམ་​དིང་​། ཡང་མི་​ཀུན་ལེ་​བཟོད་སྒོམ་​བགྱིད་​དགོས་པའི་སྐོར་ལེ་​སྐུལ་མ་གཏོང་ཞིག

¹⁵ ཡང་​ཁྱེད་​ཀྱ་​ཀྱིས་​མི་​སུ་​ཞིག་​ལེ་​ཡིན་ནའང་​། ངན་པའི་​ངན་འཇལ་མ་བགྱིད་ཅིག ཡང་དེ་​མ་ཟད། ཁྱེད་​ཀྱ་ཀྱིས་དད་པ་བགྱིད་མཁན་ཕན་ཚུན་​བར་ལེ་ལས་བཟང་པོ་བགྱིད་དགོས་འོད་དི་མ་ཟད། མི་​ཡེ་རེ་​ལེ་​ལས་​བཟང་པོ་​སྒྲུབ་​རྒྱུ་​དོན་ལེ་​བརྩུན་འགྲུས་​བགྱིད་​དགོས་​འོད་དིག

¹⁶ ཇོ་བོ་ལེ་བརྟེན་ཏེ་དུས་​རྒྱུན་དུ་​དགའ་སྤྲོ་​གྱིས་ཤིག

¹⁷ རྒྱུན་ཆད་​མེད་​དི་ཁོང་གི་ཐུགས་དགོངས་ནང་ལེ་བསྡད་དེ་​གསོལ་བ་​སྨོན་ལམ་ཐོབ་ཅིག

¹⁸ ཁྱེད་​ཀྱ་​ལེ་​དོན་​ཅི་​ཞིག་​འཕྲད་​ནའང་​། དཀོ​ན་མཆོག་​ལེ་​ཐུགས་རྗེ་ཆེ་​ཟིན་​ཞུས་ཤིག ཅི་​ལེ་​ཟེར་​ནི། དཀོན་མཆོག་​གིས​་ཁྱེད་​ཀྱ་ནི་​སྐྱབས་མགོན་​ཡེ་ཤུའི་​མཚན་​ནང་​ལེ་​སྡོད་དུ་​འཇུག་​རྒྱུ་​དེ་ནི། དཀོན་མཆོག་གི་ཐུགས་དགོངས་​ཡིན་​དིག

¹⁹ ཡང་​དཀོན་མཆོག་​གི་​ཐུགས་ཉིད་​ཀྱིས་​ཕྱག་ལས་​གནང་པི་དེ་ནི། མེ་​གསོད་​དེ་​ཅོག་འདྲ་​མ་​གསོད་​ཅིག

²⁰ ཡང་​ལུང་སྟོན་པ་​ཀྱ་​ཀྱིས་​ལུང་བསྟན་​གནང་པི་དེ་​ཀྱ་​ལེ་​མཐོང་ཆུང་​མ་​བགྱིད་​ཅིག

²¹ ཡིན་ནའང་། ལུང་བསྟན་​གནང་​པི་དེ་​ལེ་​བརྟགས་ཞིབ་​དགའ་མོ་​བྱས་​ཏེ། དོན་​བཟང་པོ་​དེ་​ལེ་​དུས་རྒྱུན་​དུ་​མཐར་​འཁྱོངས་པི་བྱས་ཏེ​།

²² ལས་​ངན་པ་​ཡེ་རེ་​ནས་​ཁྱེད་​ཀྱ་​རྒྱང་ཐག་​རིང་​ཚོད་​སྡོད་​ཅིག

མཐའ་མཇུག་གི་གསོལ་བ་སྨོན་ལམ།

²³ ད་ཞི་བདེ་​གནང་​མཁན་​དཀོན་མཆོག་​གིས་​ཁྱེད་​ཀྱ་​ཡེ་རེ་​ལེ་​དམ་པ་​བཟོས་གནང་བར་ཤོག ཡང་​འུ་ཀྱ་ཀྱི་​ཇོ་བོ་སྐྱབས་མགོན་​ཡེ་ཤུ་​འཇིག་རྟེན་​ལེ་​ཡང་དང་​མ་​ཕེབས་​བར་​དུ། ཁྱེད་​ཀྱ་​ཀྱི་​ལུས་​ངག་​ཡིད་​གསུམ་​ལེ་​ལས་ངན་​གྱི་​ཉེས་པ་ཅི་གང་​ཟང་​མི་​ཕོག་​གི་ཆེད་དུ་སྲུང་སྐྱོབ་​གནང་བར་​ཤོག

²⁴ ཁྱེད་​ཀྱ་​ལེ་​འབོད་གནང་​མཁན་​ཁོང་​ནི་​བློ་གཏད་ཆོག་པ་​ཡིན་​ཕེན། དེ་ཅོག་འདྲ་ཁོང་གིས་སྒྲུབ་བར་གནང་གྱི་​དིག

²⁵ ཁྱེད་སྤུན་ཟླ་ཀྱ། ཁྱེད་​ཀྱ་​ཀྱིས་​ཟང་​ཉེད་ཀྱ་ཀྱི་དོན་​དུ་​གསོལ་བ་སྨོན་ལམ་​ཐོབ་ཅིག

²⁶ སྤུན་ཟླ་ཡེ་རེ་ལེ་​བྱམས་སེམས་ཀྱི་དབུ་གཏུགས་བྱས་ཏེ་འཚམས་འདྲི་ཞུས་ཤིག

²⁷ ངས་​ཇོ་བོ་​ཡེ་ཤུའི་​ཚབ་​བྱས་​ཏེ་​ཡི་གེ་​འདི་​སྤུན་ཟླ་ཡེ་རེ་​ལེ་​ཀློག་ཏུ་འཇུག་རོགས་​གྱིས་​ཟིན་​བཀའ་གཏོང་གྱོ་​འོད།

²⁸ འུའི་​སྐྱབས་མགོན་​ཇོ་བོ་​ཡེ་ཤུའི་​ཐུགས་རྗེ་​གཟིགས་སྐྱོང་​ཁྱེད་​ཀྱ་​ལེ་གནས་པར་​ཤོག ། ། །