JOHN 14 - DARA GADAIN N.T. with PSA and PRO (BSI)

Jisu, Abai niha thang mani lama

¹ Nisini khah ha gmang giji da ja thing. Madai khe lon du, ang khebo lon lah.

² Ani Bupha ni noh ha dong mani hathan bang bi. Girih khade, ang nisi khe thi ri nang mu. Ang nisi ni khlaihi hathan slam mane se thang ma.

³ Ang thanghi nisi ni khlai hi hathan slam bani yaohon ha, phin phaiphin hi nisi khe ani oraha langpha ma, braha ang dongba, oraha nisibo dongphu mani.

⁴ Ang braha thangdu bo hathan ni lama khe nisi mithi du.

⁵ Jisu niha Thomas thi ba, Gabra, ning braha thangma baoba, jingde mithiya, lama khe jing bedehe mithi phu ma?

⁶ Jisu thiphin ba, Ang ning lama, gibi ode hayu se. Ani gede jahi thangya kha de Abai niha saosibo so hi phuya.

⁷ Nisi ang khe mithi kha de, ani Abai khebo nisi mithima se. Duha ni phrang nisi bokhe tharmai kha, ode bo khebo nu kha.

⁸ Philip bokhe thi ba, Gabra, Abai khe jinthane phnu ri, ode jini khlaihi de bo ning bangbi.

⁹ Jisu thiphin ba, Nisi ni bising ha ang elei bubli dong hibo, ning ang khe tharmaiya kho? Sere ang khe nuba, bo Abai khebo nuba se. Thikhala, Abai khe jinthane phnu ri thihi bedehe ning thiba kho?

¹⁰ Aniha Abai dongpha du, ode Abai niha ang dongpha du, thiyaba khe ning lonya? Nisi niha ang grao thiyaba de ani gede ni phrang niya, thikhabo Abai niha dongpha hi boni khusi khe se dang ri ba.

¹¹ Ang Abai ha dongpha du, ode Abai aniha dongpha du, thihi nisikhe thibani ang khe lon lah, niyakhade gmang thaosisiyaba khusi dang phnuyaba yaoblai khe nuhi lon lah.

¹² Ang nisi khe gibi jang thi du, sere angkhe lon re, snadi khusi khe ang dang ba, bobo dang ma se; bo buthu tha dedao hibo dang ma se, bedethikhala ang Abai niha thang du.

¹³ Ning ani bumu jang asaba khe sain re thikhade, bokhe ning ang dangma se, odese Basa ni gede jahi Abai ni muima ja ma.

¹⁴ Ning ani bumu jang asaba khe sain re thikhade, ang bokhe dang ma.

Bese Gathar khe hanggai ba

¹⁵ “Nisi ang khe hamjao du thikhade, ani hukhum khe mani ma se.

¹⁶ Ode ang Abai niha khainsu la nang, ode nisi jang nalai dongpha nang, bo ar masi juruya, nisi jang thaoglao dongpha mane ri nang.

¹⁷ Bo Bese se, Madai ni balam ha gibi khe tharmai riyaba se. Habsao bokhe ajaoya jaya, bede thikhala, bonsi bokhe nuphuya ar tharmai phuya. Thikhabo, nisi bokhe tharmai du, bede thikhala bo nisi jang dongpha du, ar nisi niha dong du.”

¹⁸ Ang nisi khe mathisa lai dangkhlaiya. Ang nisi niha phaiphin ma se.

¹⁹ Khaisa yaohon ha habsao ang khe nu nang niya kha, thikhabo nisi de ang khe nu ma, ang thanghi dong bani, nisibo thanghi dong ma se.

²⁰ Ang Abai niha se dongba ode nisi ani ha se dong ba, ode ang nisi niha dong thihi bo basain sophaiba ha tharmai nang.

²¹ Sere ani hukhum khe lahi mani du, bo de ang khe hamjaoyaba se; sere ang khe hamjao du bo khe Abaibo hamjao ma se, angbo bokhe hamjao ma se, ode boni ha nalaibo nujao ma se, bo ode thi ba.

²² Odehe Juda, Juda Iskariot niyayaba, sing ba, “Gabra jini ha nujao hi, snadi jabani habsao niha nujaoya ma?”

²³ Jisu bokhe thiphin ba, Sere ang khe hamjao re, bo ani slingthai khebo mani ma se. Ani Buphabo bokhe hamjao ma, ode jing boni ha phai ma, ode boni ha ning dongsong ma se.

²⁴ Sere angkhe hamjaoya ja re, bo ani slingthai khebo nangjaoya ja ma se. Snadi grao khe nisi khna ba, bo ani gede jahi de niya, Abai, sere ang khe haihayaba ni gede jahi se ja ba.

²⁵ Ebo khrip grao khe ang nisi jang dongpha hi nisi ne thi rikha.

²⁶ Thikhabo, Bese Gathar juruyah, Abai ani bumu jang haiha ma, bo nisi ne khrip grao khe sling ri nang, ode snadi khe ang nisi ne thi riba, bo buthu khrip khe nisi ne wainso phin ri ma se.

²⁷ Ang nisi ne shanti ri lang du, jarni shanti khe se nisi ne ri ba. Habsao ni shanti lai ang nisi ne riya. Da khin, ode nisi ni khah ha waimu da nang thing.

²⁸ Ang nisi niha thiyaba khe nisi khna la kha. Ang thang lama kha ode phin nisi niha phaiphin ma, jodi nisi ang khe hamjao re thikhade, ebo grao ha khaja ma se, ang Abai niha thang du, bede thikhala Abai anthane dedao.

²⁹ Odebani, duha ebo buthu jamani sagang ha ang nisi niha thi ri kha, jekhali bo japhai ma thikhade nisi lon lah.

³⁰ Ang nisi jang grao gabang sainlaiya kha, bede thikhala habsao ni dang hoja phai du. Ani basao ha boni musibo giri.

³¹ Thikhabo ebo odebani se ja ba, ang Abai khe hamjao du thihi habsao tharmai la thing, ode Abai ang khe bedehe hukhum ri ba olei ning dangba se. Tha, eraha ni phrang jing baigo lai nang.