Salmo 146 - Kuna San Blas

Bab-Dummad-Igar-inniki-nabogedga namakleged

¹ ¡Aleluya! ¡Bab-Dummad-e-nug-odummomarsun! Bab-Jehová, an-gwagegi an be-nug odummoged.

² An dula-gudiidgi Bab-Jehová-nug an odummogoed. Bab-Dummadga-namaklegedgi an Bab-Dummadga namakoed.

³ Mer girmar-dummagangi be bensulid-nika guo, bipisaale mer dule-gwensakgi be bensulid-nika gubalo, ar wemargi bendakleged-igar maisulid.

⁴ Ar we-dulemar bergunonikile, gannar napaga binnidmaloed. Bela na ibmar-imako-sogsamalad, a-ibagi berguus ega naoed.

⁵ Dule Jacob-e-Bab-Dummadgi bendaklediile, we-dulegi nued-binsalesad. E-Bab-Dummad-Jehováʼginbi bensuli gudiid.

⁶ Ar Bab-Dummad napneg-nasiksadid, nibneg-nasiksabalidid. Demar-naidi, bela-egi-ibmar-bubukwadi urbisbalid. Bab-Dummad ibmar-imakoye-sogsad, sogedba imaked, gakansamaisulid.

⁷ Bab-Jehová dule-sabsur-imakledimaladga sogedba ega igar naboged. Dule-ukud-itodimaladga masgunned uked. Dule-gales-bubukwad onobalid.

⁸ Bab-Jehová dulemar-ibyasulid nabir-atakega imaked. Dule-yore-nanamalad inniki-nanaega imaked. Bab-Jehová dule-innikidamalad nue-sabed.

⁹ Bab-Jehová Israel-dulesurmalad nue-akwed. Dule-babgansuli-gudimalad nue-bendakbalid. Ome-ei-sui-burgwisgudiid nue-bendakbalid. Bab-Dummad dule-isganamarga igar obured.

¹⁰ Sión-dulemar, be-Bab-Jehová degisadegu, negsemai gusun. ¡Aleluya! ¡Bab-Dummad-nug odummomarsun!