Salmo 125 - Kuna San Blas

Bab-Dummad e-dulemargi nakulediid

We-namaked, Jerusalénʼse-nakwe-nadapir, namakleged.

¹ Dulemar Bab-Jehováʼgi-bensurmalad Sión-yalayobi gued. Sión-yala degisadegu sii guoed, bipisaale ainirosulid.

² Igi yarmar Jerusalén-ebirbukwananae, deyobi, Bab-Jehová e-dulemar-edarbedii degisadegu gumogoed.

³ Dulemar-isgana, dule-nueganga degisadegu negsemai guosulid, adi, melle dule-nuegan ibmar-isganamarse binsaed galemalagar.

⁴ Bab-Jehováʼye, dule-nueganga ibmar-nuegan be imake. Dule-gwage-swilidikmaladga ibmar-nuegan be imake.

⁵ Bab-Jehováʼye, dule igar-isganaba-naddamaladdi, dule-isganamarba bergued be imakmoga. ¡Israel-yargi neg-bogidikid nai be imaksun!