Salmos 13 - Chol de Tumbalá Bible

Mi' c'ajtin i coltʌntel che' an ti wocol

¹ C Yum, ¿jayp'ejl to q'uin mi caj i ñajiyelon a cha'an? ¿Jayp'ejl to q'uin mi caj a mʌy a wut cha'an mach a womic a q'uelon?

² ¿Jayp'ejl to q'uin mi caj c tsic c pusic'al? ¿Jayp'ejl to q'uin mi caj i tic'lañon j contra?

³ C Yum Dios, yom ma' ña'tañon. Yom ma' jac'beñon. Cha' techeyon ch'ojyel ame chʌmicon,

⁴ Ame mi' yʌl j contra: Tsa' mʌjli c cha'an, ame che'ic, Ame ch'ejl'ac i pusic'al j contrajob mi tsa' asiyiyon ti pañimil.

⁵ Tsac xuc'choco c bʌ ti' yutslel a pusic'al. Mux c taj i tijicñʌyel c pusic'al cha'an wola' coltañon.

⁶ C Yum, mi caj j c'ʌyiñet Come uts'atax chuqui tsa' melbeyon.