ᓭᐣᐟ ᒫᕒᐠ 1 - Swampy Cree Bible Portions 1877 (Hunter)

PISKE̔TUSSINA̔HIKUN I.

¹ Ā machepuyeyik oo meyo achimoowin Jesus Christ, oo’ Koosisa Muneto;

² Ka isse itussina̔hikatāk kiskewāhikāwini̔k, Matika, net isitissa̔waw net isitissa̔wakun kitta nekanoo̔task, kā kwyache̔tat ke māskunow ke nekanimi̔k.

³ Ā tāpwāt pāuk pukwutuskee̔k, omisse, Kwyache̔tawa̔k oo māskunow ka Tipāye̔chekāt, kwiuskwumoo̔tawa̔k itta kā pimoo̔tāt.

⁴ John ke̔ seekaha̔takāo pukwutuskee̔k, mena ke̔ we̔tum unima seekaha̔takoowin me̔tatumoowini̔k isse itta kitta ke̔ o̔che apa̔ahumakoowissee̔k muche̔tewina.

⁵ Mena ke̔ natik missewā uskee̔k Judea o̔che, mena weyawaw Jerusalemi̔k o̔che, ākose ka̔keyow ke̔ seekaha̔takwuk sepee̔k Jordani̔k, ā we̔tu̔kik oo muche̔tewinewawa.

⁶ Mena John ke̔ weya̔tum pisiskewe peewuya, mena pa̔kākino pukwa̔tāhoon ke̔ pukwa̔tāhoo ākose locusta mena amo ose̔chekuneyew ke̔ mechew;

⁷ Ākose kukāskimewāo, omisse ā itwāt, Ne pā uskwak pāuk owusimā ā soo̔katissit ispee̔ch neya, oo muskisināapeä numma wawach ne tāpukāye̔takoosewan kitta nowukeewuk ākose kitta apa̔humwuk.

⁸ Neya atoweya nippe ke ke̔ o̔che seekaha̔tatinawaw: maka weya ke ga seekaha̔takoowaw ka Kunatisseyit A̔cha̔kwa o̔che.

⁹ Ākose ke̔ e̔kin mākwach āwukwunee kesikawa, Jesus pā itoo̔tāo Nazarethi̔k Galileei̔k o̔che, ākose Johna ke̔ seekaha̔tak Jordani̔k.

¹⁰ Ākose kwiuskoonak ā utte kupat nippee̔k o̔che, wapu̔tum ke̔che kesikwa ā paske̔tāpuyeyikee, ākose A̔cha̔kwa tapiskooch oome̔meew ā nasetotakooyit:

¹¹ Ākose pā̔tum ayumewin ke̔che kesikoo̔k o̔che, omisse ā itwāmukuneyik, Keya ayewak ka sakehitan ne’ Koosis, metoone ka na̔heyowāheyun.

¹² Ākose sāmak a̔cha̔kwa pukwutuskee̔k issewinik.

¹³ Ākose ākota pukwutuskee̔k ke̔ ayaw nāometunow kesikawa, ā kootāyimikoot Muche A̔cha̔kwa; mena ke̔ wechāwāo ka a̔kwatisseyit pisiskewa; ākose ke̔che utooskāyakuna oo̔cheestumak.

¹⁴ Ispe maka John ka̔ a̔yee̔t kipa̔hootoowini̔k, Jesus pā itoo̔tāo Galileei̔k, ā we̔tu̔k meyo achimoowin Muneto oot otānowini̔k o̔che,

¹⁵ Mena omisse itwāo, Assi tipepuyew, mena Muneto oot otānowewin kissewak ayayew: nukutumook ke muche̔tewinewawa, ākose tapwā̔tumook meyo achimoowin.

¹⁶ Mākwach maka ā pimoo̔tāt sisooch wenepākoo̔k Galileei̔k, wapumāo Simona mena Andrewa oo’ chewameyewa ā pukita̔wayit wenepākoo̔k: weya ā oopukita̔waweyit.

¹⁷ Ākose Jesus omisse itāo, Pā pimitissa̔hook, ākose ke ga issehitinawaw kitta noochekinoosāwatākook ayiseyinewuk.

¹⁸ Ākose sāmak nukutāwuk oot a̔yupewawa, ākose ā pimitissa̔watchik.

¹⁹ Ākose nowuch wa̔yowees ka̔ itoo̔tāt, wapumāo Jamesa Zebedeewa oo’ koosiseyewa, ussitche Johna oo’ chewameyewa, ā ayayit pee̔che mistiko chemani̔k ā meesa̔yupāyit.

²⁰ Ākose sāmak nutoomāo: ākose nukutāwuk o̔o’ tawewawa Zebedeewa pee̔che mistiko chemani̔k ussitche utooskāyakuna, ākose pimitissa̔wāwuk.

²¹ Ākose itoo̔tāwuk Capernaumi̔k isse; akose sāmak ā ayumehāwe kesikayik pee̔tokwāo pee̔che ayumehāwekumikoo̔k, mena kiskino̔humakāo.

²² Ākose mamuskatumwāwuk oo kukāskimawusoowineyew: chikāma kiskino̔humowāo tapiskooch oweyuk ā ayat tipāye̔chekāwin, mena numoweya tapiskooch oomussina̔hikāwuk.

²³ Ākose ākota oot aya̔ty pā̀uk napā̀o pee̔che oot ayumehāwekumikoowa̔k ā kekeskakoot ā̀ka ā̀ pā̀kisseyit a̔cha̔kwa; mena tā̀pwā̀o.

²⁴ Omisse isse, Āka totowinan; tanse keya kā itaputchehita̔k, keya Jesus Nazarethi̔k o̔che? ke na pāche nissewunachehinan? Ke kiskāyimitin owāna keya, oo Kunatisseema Muneto.

²⁵ Ākose Jesus kitootā̀o, omisse itwāo, Āka kitoo, mena pāche wuyowee w’eyowi̔k o̔che.

²⁶ Ākose ispe āka ka pā̔kissit a̔cha̔k ka̔ peekopitat, mena mistahā ka̔ tāpwāt, pāche wuyoweew.

²⁷ Ākose ka̔keyow mamuskatumwuk, mena omisse ka̔kukwāche̔toowuk, Kāko kākwi oma? kāko ooske kukāskimawusoowin oma? chikāma tipāye̔chekāwin o̔che itussoowatāo a̔po āka ka pā̔kisseyit a̔cha̔kwa, mena nunahe̔tak.

²⁸ Ākose sāmak ākota achimaw missewā waska Galileei̔k.

²⁹ Ākose ākota o̔che, ka̔ wuyoweetchik ayumehāwekumikoo̔k o̔che, pee̔tokwāwuk oo waskahikuneyee̔k Simona mena Andrewa, ussitche James mena John.

³⁰ Maka Simon w’ewa oo’ kaweyewa pimissineyewa ā kisisoowe itaspināyit, ākose utte we̔tumowāwuk.

³¹ Ākose pāche sukechee̔chānāo, mena oo̔pināo; ākose sāmak kisisoowe itaspināwin nukutik, ākose pumeestowāo.

³² Ākose ā ootakoosik, ispe pesim pā̔kissimoot, pātoowāwuk ka̔keyow ā a̔kooseyit, mena unehee ā pee̔teskakooyit muche a̔cha̔kwa.

³³ Ākose ka̔keyow ayiseyinewuk otānowi̔k o̔che mawutchehitoowuk mamowe iskwa̔tāmi̔k.

³⁴ Ākose ke̔ kekāhāo me̔chāt ā a̔kooseyit nunatoo̔k ā itaspināyit, mena ke̔ wuyoweetissa̔wāo me̔chāt muche a̔cha̔kwa; mena numma wawach ke̔ eyinumowāo muche a̔cha̔kwa kitta ayumeyit, chikāma ā kiskāyimikoot.

³⁵ Ākose ā kākesāpayayik, ā wuniskat kinwās ā moyā kesikayik, wuyoweew, mena itoo̔tāo itta ā nisikuto ayayik, ākose ākota ayumehaw.

³⁶ Ākose Simon ussitche unehee ka ke̔ wechāwikoot pimitissa̔wāwuk.

³⁷ Ākose ispe ka̔ miskowatchik, omisse itāwuk, Ka̔keyow ayiseyinewuk ke nutoonakwuk.

³⁸ Ākose omisse itāo, Ma̔te natu̔tan kotuka otānowa, ākota mena kitta kukāskimawusooyan: chikāma āwuko o̔che ka ke̔ pā itoo̔tāyan.

³⁹ Ākose ke̔ kukāskimawusoo oot ayumehāwekumikooyee̔k missewā Galileei̔k, mena ke̔ wuyoweetissa̔wāo muche a̔cha̔kwa.

⁴⁰ Ākose pāche natik oopeekopuyewa, ā pukoosāyimikoot, mena ā oche̔che̔kwunuppeestakoot, mena omisse ā itikoot, Keespin ket itāye̔tān, ke ga ke̔ pā̔kehin.

⁴¹ Ākose Jesus, ā moose̔tat kitimakenakāwin, sooweniskāyew, mena samināo, ākose omisse itāo, Net itāye̔tān; pā̔kisse maka.

⁴² Ākose kwiuskoonak ka̔ peekiskwāt, sāmak peekopuyewin nukutik, mena ke̔ pā̔kissew.

⁴³ Ākose metoone ayeechimāo, mena sāmak sipwātissa̔wāo;

⁴⁴ Mena omisse itāo, Māakwam ākaweya nantow isse̔ oweyuk: maka sipwā̔tā, wapu̔te̔ k’eyow ayumehāwekemaw, mena māke ke pā̔kchikoowin o̔che unehee kākwia Moses ka ke̔ itussoowāt, kitta ke̔ kiskāye̔tu̔kik.

⁴⁵ Maka wuyoweew, mena mache we̔tum mistahā, mena tuswākatotum āwukwāyew, peyis eyekoo̔k āka wawach Jesus ā ke̔ moosisā pee̔tokwāt ke̔che waskahikuni̔k, maka ākut ke̔ ayaw itta ā nisikuto ayayik: ākose pāche natāwuk missewā ittā o̔che.