Salmos 125 - Chuj San Mateo Bible

A Dios stan̈van schon̈ab'

Sb'it eb' israel ayic van sq'ue eb' d'a sb'eal Jerusalén.

¹ A eb' tz'ac'anoch Jehová yipoc sc'ool, lajan eb' icha lum tzalan Sion, max ib'xilaj jab'oc, ayn̈ejec' d'a masanil tiempo, icha chi' yaj eb'.

² Icha val yajoch oyan lum vitz d'a spatic yichan̈ Jerusalén, icha chi' yaj Jehová d'a eb' schon̈ab' ticnaic yed' d'a masanil tiempo.

³ A eb' chuc sb'eyb'al, man̈ ol yac'laj yajalil eb' d'a yib'an̈ eb' vach' sb'eyb'al. Tato maay, axo talaj tz'aji, a eb' vach' sb'eyb'al chi', sc'ayb'ej sb'a eb' yac'an chucal.

⁴ Mamin Jehová, ac' a vach'c'olal d'a eb' vach' sb'eyb'al, aton eb' syac' val och sc'ol d'a tojolal.

⁵ Axo eb' tz'elcan d'a a b'eyb'al, ac'canb'at eb' b'aj ol scha syaelal eb' sc'ulan chucal. Ayocab' co junc'olal a on̈ israel on̈ tic.