ROUPHUH 1 - ATHARKUTHROU NT (BSI)

¹ Hi abai chu Jisu Khrista na ripi no jiekka shi na ae, Chungthieng na atreem kolla rouphuh hi na rou hi leima ranga shukkang so weh. Hana Khrista na hi masuuk Johon na dang ranga wanrui makolla hla ae.

² Chuna Johon na mari lim pa hi rillea. Na hi Johon na Chungthieng kol hai thou wa Jisu Khrista na adiek ril hi takka am ma ae.

³ Atu mo akha na pa lea chu ariem mange akha chu atu mo akha rouphu rouril thei amo na ariem pi ae akha chu jiek sha abai hitta aril jui meh ha! rouram chu apha hi nei ah wa so ae nalim hi shukkang apha ha.

Abom Sari Ta Pek Riemtuk

⁴ Johon kol hai thou wa Asia ram sunga am abom sari ngei oh. Chungthieng kol hai thou wa lungshi lea adai am shu oh, atun ko tongni ah kom akha chu phao ang pa kom akha chu maphomlu maikunga muihla sari hai thou wa.

⁵ Akha chu ngoiringa ngai Khrista Jisu kol hai thou wa athi hai thou masha ringthou akha chu simlei ram hina Rengpa changa am mang ano na ani ta lengshi ae akha chu amantshal la mathit na jarra ani hi pak hai thou wa hla pi so ae.

⁶ Akha chu ma Pa Chungthieng hlou ae rang ani ta Rengram ma thiempu wulpi so ae. Jisu Khrista mahung majai na atreem nei no wa am shu oh! Amen.

⁷ Anno, sumphai chunga ma jung ha, meelim na amota ri ange hana amo ta sai ah ho ngei kom tolla alei ramma meelim na maram ma lung olla tang beng ange, ha ti shu oh.

⁸ “Kei na athouna akha chu atreem na inge,” enea nea pa Arengpu Chungthieng na rille, amo ha chu akha chu amatienga ko hana phao ang ha ko ah sa ae.

Khrista Maram Ma Ripi

⁹ Nangei Uleanao akha chu Jisu nu juija am aol ana, Rengram, akha chu nangei hitta aol ana dongha Johon kei na Chungthieng tronglam akha chu Jisu hina maram ma Patmos tuija am phur inge Maram chu Chungthieng rou kasam sharukka akha Jisu Khrista na adiek ripi phur lim sharuka.

¹⁰ Arengpu rungni ah muihla hana keita choi ah akha chu keina tumpet sanrol hekti aring sanrol na kanu ngeita rilla am meh.

¹¹ Naha na hitta rille, “Mari lim ha jiekka, akha chu na abai lim ha hupi sari ah am abom ngei ta hla oh: Ephesiya, Smyrna, Pergamum Thyatira, Sardis, Philadelphia akha chu Laodicea.”

¹² Atu na rou rilla am meh ta, keina nulea ah hulla ka an juija sona thamai doi na akae sari keina ri inge.

¹³ Akha chu mam kar shunga malmashi mel kai akha na pun achul na akae phao wa senge akha chu atanga sona peti na jem ma shi ae.

¹⁴ Masham kom rachon ano lea awur hekta ngou ae, mamit ha kom sarmei hekta de ae.

¹⁵ Makae kom mei shunga ro sha shum san hekti ae hana marol na tuipi tui rasha hekti ae.

¹⁶ Makut changtienga arshi sari am meh mamur hei thou wa apop cham ha ani don shukkae ma mai shun kom nishun na niwar hek ti ae.

¹⁷ Amo ta kari juija keina athi sha hekta makae kunga tu inge, amo na makut changtieng na kachunga shi weta rillea tri no oh, kei chu a thou na akha chu atreem, inge.

¹⁸ Kei hi ringa am akha ha inge kei thi phur inge chuti weta atu kei na atreem nei no wa ringa am minge keina athi chunga akha chu athi shimlei hi kathuija am meh.

¹⁹ Chuna sharukka nari pha ngei ha, shukka am lim akha chu shukkanga am lim ha jiekka shi oh.

²⁰ Kakult changtienga nari phur arshi sari akha chu sana thamei akae sari hina athup rou chu, Arshi sari ha chu abom sari wan rui ngei ae, hana thamei akae sari ha chu abom sari ngei ha sa ae.