Kölfel 1 - Chuukese Bible

AEUIN PUK Eman aramas mi pwüng me eman aramasangau 1.1-6

¹ Ra feiöch ekewe aramas resap fetal fän öüröüräen aramasangau, resap apirü föförün ekewe chon tipis, resap pwal nom ren ekewe chon turunufas,

² nge ra pwapwaiti än ewe Samol mi Lapalap allük o ekieki usun lerän me lepwin.

³ Ätekewe ra wewe ngeni irä mi mär ünükün ekewe chanpupu, ra ua lon fansoun räs, nge chör resap aiolol. Meinisin mine ra föri a fisiöch.

⁴ Nge ekewe aramasangau resap iei usun. Pun ra wewe ngeni pipi asepwäl a ässala.

⁵ Iei mine ekewe aramasangau resap üöch lon ewe ränin kapwüng, nge ekewe chon tipis resap nom lon mwichen chon pwüng.

⁶ Pun ewe Samol mi Lapalap a emweni o tümwünü ekewe chon pwüng, nge ekewe aramasangau repwe fetal ngeni ewe lenien feiengau.